Read west central oromo MACAAFA FAARFANNAA 58 Bible Online

MACAAFA FAARFANNAA 58 - west central oromo bible

MACAAFA FAARFANNAA 58

¹Isin yaa warra aboo qabdanii, dhuguma wanta qajeelaa ta'e in dubbattuu ree? Ilmaan namootaafis qajeeltootti firdii in laattuu ree?

²Waawuu! Isin garaa keessan keessatti dabaa in qopheessitu, biyya keessatti immoo humnaan nama irratti ka'uudhaan, harka keessan itti in ulfaachiftu*.[200]

³Warri jal'oonni garaa haadha isaaniitii jalqabanii karaa irraa in goru, warri soba dubbatanis dhalachuu isaaniitii jalqabanii irraa in kaatu.

⁴Isaan hadhaa isa akka hadhaa bofaa of keessaa qabu, isaan akka mar'ataa duudaa isa gurra isaa cufuu ti.

⁵Akkasitti sagalee warra dawweessanii, yookiis dubbii namicha isa wallaalchisee abboomsisuu hin dhaga'u.

⁶Yaa Waaqayyo, ilkaan isaanii afaan keessatti hurreessi, qarriffaa warra akka ilmoolee leencaas caccabsii baasi, yaa gooftaa!

⁷Akka bishaan lola'ee darbuu tamsa'anii haa badan, isaan iddaa isaanii haa jabeeffatan, xiyyi isaanii garuu qarri kan ittii fuudhame haa ta'u!

⁸Akka cilalluu gorora ishee keessatti bishaan ta'aa adeemtuu, akka wanta iddoo hin ga'in dhalatee, biiftuu hin argin hafus haa ta'an!

⁹Warri akka qoraattii isin waraanan, xobbee yookiis qancara yoo ta'an iyyuu, utuu isaan hin beekin, inni haree isaan in balleessa!

¹⁰Namni qajeelaan ijaa baafachuu kana waan argeef in gammada, miilla isaas dhiiga nama jal'aa keessatti in dhiqata*.

¹¹Yommus namoonni, ?Dhuguma namni qajeelaan gatii isaa in argata, dhugumas Waaqayyo inni lafa irratti dhugaa baasu jira? in jedhu*.[201]