Read west central oromo MACAAFA FAARFANNAA 64 Bible Online

MACAAFA FAARFANNAA 64 - west central oromo bible

MACAAFA FAARFANNAA 64

¹Yaa Waaqayyo, rakkina koo kana keessatti sagalee koo anaaf dhaga'i; jireenya koos sodaachisa diinaattii anaaf eegi!

²Wanta warri jal'oonni wal ga'anii anatti malan, isa warri hamaa godhan tuqa anatti kaasan duraas, ana dhoksi!

³Isaan arraba isaanii akka billaa in qaratu, dubbii hadhaa'aas akka xiyyaa iddaatti kaa'atu.

⁴Iddoo riphanii jiranii nama balleessaa hin qabnetti, yeroo inni itti hin yaadinitti, sodaa malee isatti gad in dhiisu.

⁵Isaan hamaa gochuudhaaf isa yaadanitti in jabaatu, waa'ee dhoksanii kiyyoo kaa'uus in dubbatu, yaada isaaniittis, ?Eenyu nu arguu danda'a?? in jedhu*.

⁶Keessi yaada garaa namaa gad fagoo waan ta'eef, isaan waan jal'aa hojjechuudhaaf in yaadu, ?Kora korannee qophoofneerra? in jedhu.[215]

⁷Waaqayyo garuu xiyya isaa isaanitti gad in dhiisa, yommus isaan utuu itti hin yaadin in madaa'u.

⁸Dubbiin arraba isaanii isaan in gufachiisa warri isaan argan hundinuus in baqatu*.[216]

⁹Yommus namoonni hundinuu in sodaatu, wanta Waaqayyo godhe in himu, hojii isaas yaadanii in hubatu.

¹⁰Namni qajeelaan Waaqayyotti in gammada, isattis kooluu in gala, gara-qajeelonni hundinuus isa in jaju.