Read west central oromo MACAAFA FAARFANNAA 65 Bible Online

MACAAFA FAARFANNAA 65 - west central oromo bible

MACAAFA FAARFANNAA 65

¹Yaa Waaqayyo, Xiyoon irratti faarfannaadhaan si jajachuun in ta'a, wareegnis siif in baafama.

²Yaa isa kadhata namaa dhageessuu! Namni foon uffate hundinuu, cubbuu isaa wajjin gara kee in dhufa.

³Irra-daddarbaan keenya humna nu caaleera, ati garuu yakka keenya nuuf in dhiifta.

⁴Namni ati fo'atte oobdii mana kee keessa akka buufatuufis inni ati ofitti buttu haa gammadu! Wanta gaarii isa mana kee mana qulqullummaa keessatti argamuun in quufna*.

⁵Yaa Waaqayyo ati nu oolchita, hojii isa guddaa sodaachisaadhaan qajeelummaadhaan deebii nuuf kennita; andaara lafaa hundumaaf galaanota fagoo jiraniifis ati amanannaa isaanii ti.

⁶Ati mi'a jabinaa hidhattee, humna keetiin tulloota dhaabde;

⁷huursaa galaanaa fi huursaa dha'aa isaa, waca namoota lafa irraas gab jechisiifta.

⁸Warri andaara lafaa jiraatan, milikkita argisiisuu kee irraa kan ka'e in sodaatu, lafa ganama biiftuun baatee galgala biiftuun lixutti, sagaleen gammachuu akka dhaga'amu in goota.[217]

⁹Ati laficha in ilaalta, waan hundumaa irraa hafaa in laattaaf, guddiftes isa in badhaafta; lagni ati kenniteef bishaan guutuu qaba, namootas midhaan in argachiifta; akkas gootee qopheessiteetta.

¹⁰Bo'oo lafichaa bishaan baay'ee in obaafta, bungulluu isaas in bulleessita; tiifuudhaan isa in laafifta, biqila isaas in barakachiifta.

¹¹Waggicha wanta gaarii si biraa dhufeen in gonfita, gara ati adeemtuttis faanni kee cooma in rooba;

¹²lafti qoddiin coomee margi isaa in labbeessa'a, gaaronnis akka waan mudhii isaaniitti hidhatanii ti, sagaleen gammachuu naannoo isaaniitti in dhaga'ama.

¹³Hoolonni bakkee isaa uffisaniiru, dachaa keessattis midhaan lafa dhokseera, hundumti isaaniis sagalee gammachuu dhageessisanii in faarfatu*.[218]