Read west central oromo MACAAFA FAARFANNAA 66 Bible Online

MACAAFA FAARFANNAA 66 - west central oromo bible

MACAAFA FAARFANNAA 66

¹Yaa guutummaa biyya lafaa, Waaqayyotti gammaduu kee sagalee guddaadhaan dhageessisi!

²Isin warri isa keessa jiraattan, ulfina maqaa isaa faarfadhaa, jajuu ulfina argisiisuunis isa jajadhaa!

³Waaqayyoon, ?Gochaan kee maal maal sodaachisaa dha, dinqisiisaa dhas! Aangoon kee guddaa dha, diinonni kees siif in gugguufu!

⁴Guutummaan biyya lafaa gombifamee siif in sagada, warri isa keessa jiraatan si faarfatu, maqaa kees jajachuudhaan in faarfatu? jedhaa!

⁵Kottaa, wanta Waaqayyo godhe ilaalaa! Inni hojii isaa isa namoota irratti mul'atuun in sodaatama.

⁶Inni galaanicha lafa gogaatti deebise, namoonnis miilla isaaniitiin lagicha keessa ce'an; kanaaf nuyi achitti isatti in gammanne*.

⁷Inni jabina isaatiin bara baraan in mo'a, warri mormanii irratti ka'an akka ol of hin qabnetti, iji isaa saba lafa irraa in eega.[219]

⁸Isin saba nana maqaa Waaqayyo keenyaa eebbisaa, sagaleen ittiin isa jajattan akka dhaga'amu godhaa!

⁹Inni jireenyatti nu eegeera, miilli keenyas akka hin bitintirre godheera.

¹⁰Yaa Waaqayyo, ati nu qorteetta, akka meettiin qoramee ilaalamus nu ilaalteetta*.

¹¹Ati gara kiyyoo sanaatti nu geessitee, wanta gad nu qabus dugda keenya irra keesse.

¹²Ati namoonni mataa keenya irra akka adeeman goote, ibiddaa fi bishaan keessa darbine; utuma ta'uu iyyuu ati bal'inatti nu baafteetta*.[220]

¹³Ani qalma gubatu fudhadhee gara mana keetti ol nan gala, wareega koos siif nan baasa*.

¹⁴Innis isa yeroo ani rakkina keessa ture, arrabni koo tuqe, afaan koos dubbatee dha;

¹⁵horii coccoomoos qalma gubatuu fi, aarsaa korbeessa hoolaas siif nan dhi'eessa; tuntunoo fi korbeessa re'ootaa aarsaa nan godha.[221]

¹⁶Isin warri Waaqayyoon sodaattan hundinuu kottaa, dhaggeeffadhaa! Ani wanta inni anaaf godhe nan hima.

¹⁷Ani guddisee gara isaatti nan iyyadhe; arrabni koos isa jajuuf in qophaa'e.

¹⁸Ani hamaa gochuu garaa kootti utuun yaadeera ta'ee, gooftichi matumaa ana hin dhaggeeffatu ture*.

¹⁹Waaqayyo garuu dhuguma ana dhaga'eera, sagalee kadhata kootiis yaadaan anaaf qabeera.

²⁰Kadhata koo waan of irraa hin deebisiniif, gaarummaa isaas ana irraa waan hin fudhatiniif, maqaan Waaqayyoo haa eebbifamu![222]