Read west central oromo MACAAFA FAARFANNAA 68 Bible Online

MACAAFA FAARFANNAA 68 - west central oromo bible

MACAAFA FAARFANNAA 68

¹Waaqayyo ol in ka'a, diinonni isaas in bittimmaa'u, warri isa jibbanis fuula isaa duraa in baqatu*!

²Akkuma qilleensi aara oofu, akkasuma atis isaan in oofta; akkuma gagaan ibidda duratti baqu warri jal'oonni fuula Waaqayyoo duraa in badu.[225]

³Warri qajeelonni garuu in gammadu, isaan Waaqayyo duratti gammaduu isaanii in mul'isu, gammachuudhaanis warra itti tole in ta'u!

⁴Waaqayyoof weeddisaa, mi'a garaa garaatiinis maqaa isaa faarfadhaa, isa lafa duwwaa gara irraa adeemus ol kaasaa, faarfadhaa! Maqaan isaa ?Isa jiru? jedhama, fuula isaa duratti gammaduu keessan mul'isaa*![226]

⁵Waaqayyo iddoo isaa isa qulqullaa'aa keessa jira; warra abbaa hin qabneef abbaan, haadhotii hiyyeessaafis falmaan, isa*.

⁶Waaqayyo warra kophaa jiraataniif maatii in kennaaf, warra hidhamanis gara jireenya gaariitti in baasa; warri mormanii isa irratti ka'an garuu biyya qoqoree keessa in jiraatu.[227]

⁷Yaa Waaqayyo, yeroo ati saba kee dura buutee kaate, lafa duwwaa sana kuttee adeemte*;

⁸tulluu Siinaatti akkuma ta'e, fuula Waaqayyoo duratti, fuula Waaqayyoo isa kan Israa'el duratti lafichi in socho'e, bantiin waaqaas bokkaa coccophse*.

⁹Bokkaa baay'ees biyya isa dhuunfaa kee godhatte irratti roobsite, yaa Waaqayyo, yeroo inni jiidha dhabee laabba'ettis lubbuu itti deebifte.

¹⁰Yommus warri kan kee ta'an achi keessatti iddoo jireenyaa in argatan; yaa Waaqayyo, ati gaarummaa keetiin warra waan barbaachisu dhabaniif isa in qopheessite.[228]

¹¹Waaqayyo dubbii isaa in dhageessisa, dubartoonni warri misraachoo himan sun macca guddaa turan;

¹²?Mootonnii fi loltoonni in baqatu; isaanoo in baqatu!? Dubartiin manaa boojuu in hirti.

¹³Yeroo wanti akka qoochota gugee meettiidhaan, baalleewwan isaaniis warqee bifa margaatiin uffifamanitti isin immoo karra hoolotaa gidduu in ciiftuu ree?

¹⁴Yommuu inni hundumaa danda'u mootota achitti bittimse, akka waan cabbiin tulluu Zaalmon irratti bu'e in ta'e.

¹⁵Tulluun Baashaan tulluu Waaqayyoo ti; tulluun Baashaan roggee baay'ee qaba.

¹⁶Yaa tulloota roggee baay'ee qabdanii, gara tulluu isa Waaqayyo iddoo buufata isaa godhachuu fedhee, isa Waaqayyo bara baraan irra jiraatuu, maaliif ija hinaaffaatiin ilaaltu*?[229]

¹⁷Konkolaatonni macca Waaqayyoo kumaatama baay'ee dha, kumaatama kumaatamaa irras in caalu; gooftichi isaaniin tulluu Siinaatii gara iddoo qulqulluu dhufee, saba isaa gidduu jira.

¹⁸Ati Waaqayyo gooftaan, achi jiraachuudhaaf, warra booji'aman fudhattee, iddoo ol jedhaa sanatti baateetta; namoota gidduudhaa, warra mormanii si irratti ka'an irraa iyyuu kennaa fudhatteetta*.[230]

¹⁹Gooftichi inni guyyuma guyyaatti ba'aa keenya nuuf baatu, Waaqayyo inni nu oolchu, maqaan isaa haa eebbifamu*!

²⁰Waaqayyo keenya Waaqayyo isa fayyisuu dha, Waaqayyo gooftaan du'a jalaa baasuufis karaa qaba.

²¹Waaqayyo garuu mataa diinota isaatii, gubbee nama akkuma yakketti deddeebi'uus in hurreessa.

²²Gooftichi, ?Ani biyya Baashaanii deebisee isaan nan fida, ani tuujjuba galaanaa keessaa deebisee isaan nan fida;

²³ati immoo miilla keetiin dhiiga in borcita, arrabni saroota keetiis dhiiga diinotaa in arraabu? jedhe.[231]

²⁴Yaa Waaqayyo, toora ati ittiin adeemuutti jirtu, toora Waaqayyo koo, mootiin koo gara iddoo qulqullaa'aatti ittiin galaa jiru, isaan hundinuu arganiiru*.

²⁵Warri faarfatan fuula duraan, warri mi'a faarfannaa dhageessisan booddeedhaan, durboonni warri dibbee rukutan gidduudhaan turan*.

²⁶Walga'ii keessan hundumaa keessatti maqaa Waaqayyoo eebbisaa, warri burqituu Israa'el keessaa baatanis goofticha jajadhaa!

²⁷Benyaamiin inni isaan keessaa xinnaan toora isaan galche, gurguddoonni Yihudaa tuuta isaanii keessa, gurguddoonni Zebuloon, gurguddoonni Niftaalemis achi turan.[232]

²⁸Yaa Waaqayyo, aangoo kee abboomi, yaa Waaqayyo, aangoon kee inni ati nuuf jettee hojii irra oolchite ittuma haa jabaatu!

²⁹Sababii mana qulqullummaa kee isa Yerusaalem keessaa gara olii jiruuf, mootonni kennaa siif in fidu*.

³⁰Saba akka bineensaa jajjabatti galu kana, tuuta korommii sabaa, warra akka jabbii wajjin ifadhu! Warra meettiidhaan gabbarsiisan, saba lolatti gammadus bittimsi*!

³¹Sooressonni biyya Gibxiitii in dhufu, Itiyoophiyaan ariifattee harka ishee gara Waaqayyootti in hiixatti*![233]

³²Isin mootummoonni lafaa, Waaqayyoof weeddisaa, goofticha faarfannaadhaan jajadhaa!

³³Isa bantiiwwan waaqaa irra, bantiiwwan waaqaa warra durii durii keessa adeemu faarfadhaa! Kunoo, inni sagalee isaa, sagalee kakawwee isaa isa aango-qabeessa in dhageessisa*.

³⁴Aangoo Waaqayyoo isa surraan isaa Israa'el irra, jabinni isaas waaqa keessa jiru jajadhaa!

³⁵Waaqayyo, sodaatamaa fi dinqisiisaa ta'uun isaa, mana qulqullummaa isaa irraa in argama; inni Waaqayyo isa kan Israa'el, inni humnaa fi jabina saba isaatiif in kenna; maqaan Waaqayyoo haa eebbifamu![234]