Read west central oromo MACAAFA FAARFANNAA 7 Bible Online

MACAAFA FAARFANNAA 7 - west central oromo bible

MACAAFA FAARFANNAA 7

¹Yaa Waaqayyo gooftaa ko, ani sitti kooluu nan gala na gargaari, warra na ari'atan hundumaa jalaa na baasi!

²Lafa inni oolchu na bira hin jirretti, isaan akka leencaa ana cuffatanii hin kukkutatin!

³Yaa Waaqayyo gooftaa ko, ani wanta akkasii hojjedheera yoon ta'e, hojii harka koo keessas yakki yoo jiraate,

⁴nama nagaatti anaa wajjin jiraatu hamaa godhee, nama na cunqurses sababii malee saameera yoon ta'e,

⁵diinni koo ari'ee ana haa qaqqabu, jireenya koo dhidhiitee lafatti haa dabalu, ulfina koos awwaara keessa haa buusu*.[14]

⁶Aarii keetiin ka'i! Yaa Waaqayyo, cunqursituu koo warra aaranii boba'an kana irratti ka'i! Ati firdiin akka kennamu abboomteetta, anaaf dammaqi yaa Waaqayyoo ko!

⁷Sabni hundinuu naannoo keetti walitti haa qabaman, ati immoo teessoo kee isaan gara irraatti ol kaasii dhaabadhu!

⁸Waaqayyo saba hundumaaf firdii in kenna, akka qajeelummaa koottii fi akka balleessaa malee argamuu kootti, dhugaa koo anaaf baasi yaa Waaqayyo*!

⁹Hamminni warra jal'ina hojjetanii haa ga'u, nama qajeelaa garuu jabeessii dhaabi! Garaa namaa fi yaada namaa kan qortu, ati Waaqayyo qajeelaa dha*.[15]

¹⁰Waaqayyo warra yaadni garaa isaanii qajeele in oolcha, gaachanni koos isuma biraa anaaf dhufa.

¹¹Waaqayyo abbaa firdii isa qajeelaa dha, guyyaa hundumaas dheekkamsa isaa in mul'isa.

¹²Namni yaada garaa isaa yoo geddarachuu dhabaate, Waaqayyo billaa isaa in qarata, iddaa isaas dabsee, jabeessee, ol in fudhata*;

¹³inni mi'a ajjeesu kana ol itti in fudhata, xiyya boba'aa adeemus itti in qopheeffata.[16]

¹⁴Kunoo namni jal'aan hamaa garaa isaatti in yaada, jal'ina kanas in ciniinsifata, wallaalchisas bakkeetti in baasa.

¹⁵Inni boolla gad fageessee warra kaaniif in qota, ofuma isaatii immoo isa keessa in bu'a*.

¹⁶Hamaan inni gochuuf yaade mataa isaatti gara in gala, wanti inni humnaan nama irratti hojjetes gubbee isaa irratti in bu'a.[17]

¹⁷Ani qajeelummaa isaatiif jedhee Waaqayyoof galata nan galcha, maqaa Waaqayyoo aabbaas faarfannaadhaan nan jajadha.