Read west central oromo MACAAFA FAARFANNAA 75 Bible Online

MACAAFA FAARFANNAA 75 - west central oromo bible

MACAAFA FAARFANNAA 75

¹Nuyi si galateeffanna, yaa Waaqayyo, nuyi si galateeffanna! Ati maqaa kee isa beekamaadhaan warra gocha kee isa dinqisiisaa himanitti dhi'oo dha*.[258]

²Waaqayyo, ?Yeroon murtoo godhee dhaabe sanatti, firdii qajeelaa nan kenna;

³lafti, warri lafa irra jiraatan hundinuus iddoo isaanii yommuu gad dhiisan, utuboota lafichaa jabeessee kan eegu ana? in jedha.

⁴Warra of jajaniin, ?Of hin jajinaa!? Warra jal'ootaanis, ?Gaanfa mataa keessanii irra-keessa hin qabatinaa!

⁵Gaanfa mataa keessanii ol hin qabatinaa! Morma yaafachuudhaanis hin dubbatinaa!? nan jedha.

⁶Nama ol qabuun ba'a-biiftuutii, lixa-biiftuutii, lafa duwwaatiis hin dhufu;

⁷firdii kan kennu immoo Waaqayyoo dha, isa tokko gad in deebisa, isa kaanis ol in qaba*.

⁸Waaqayyo xoofoo daadhii waynii makaa qabu isa hoomachaa'u of harkaa qaba; inni daadhii waynichaa isa firdiif kennamu irraa in buusa, jal'oonni lafa irra jiran hundinuu isa in dhugu, siicoo isaa wajjinis isa in xururfatu*.[259]

⁹Ani garuu bara baraan kana nan labsa, Waaqayyoon isa kan Yaaqoob faarfannaadhaan nan jajadha;

¹⁰inni mataa jal'ootaa hundumaa irraa gaanfa in cira, gaanfi mataa warra qajeelotaa garuu ol in qabama.