Read west central oromo MACAAFA FAARFANNAA 77 Bible Online

MACAAFA FAARFANNAA 77 - west central oromo bible

MACAAFA FAARFANNAA 77

¹Ani sagalee koo gara Waaqayyootti ol nan kaafadha, nan iyyadhas; ani sagalee koo gara Waaqayyootti ol nan kaafadha; innis ana in dhaga'a!

²Ani guyyaa rakkina kootti goofticha nan barbaaddadhe; lubbuun koos jajjabaachuu dinnaan, halkan guutuu harki koo in diriirfame, hin dadhabnes!

³Waa'ee Waaqayyoo nan yaadadha, hafuura dheeraas nan baafadha; gad fageessee itti yaaduu koo irraa kan ka'es hafuurri koo in xinnaate.

⁴Baalleen ija kootii akka walitti hin qabanne goote, yaadni koo in goolame, dubbachuus nan dadhabe.

⁵Waa'ee wanta guyyoota bara duriitti, wanta waggoota durii duriitti ta'ees nan yaadadha*.[263]

⁶Isa ani dur mi'a ribuu qabuun faarfachaa ture halkan nan yaadadha; garaan koo in gadda, hafuurri koos kana in qorata.

⁷?Gooftichi bara baraan in gataa ree? Deebi'ees faara hin toluu ree?

⁸Gaarummaan isaa dhumee baraan iyyuu akka hin argamne ta'ee ree? Wanti inni dubbii isaatiin abdachiise, dhalootaa hamma dhalootaatti citee hafee ree?

⁹Waaqayyo araara-qabeessa ta'uu in irraanfatee ree? Oo'a isaa akka hin argisiifneef dheekkamsaan karaa cufee ree?*?[264]

¹⁰Yommus ani, ?Gochi harka mirgaa isa hundumaa gara irraa jiruu; geddaramuun isaa yaada koo dhiphise? nan jedhe.

¹¹Yaa gooftaa, gocha kee isa dinqisiisaa durii, wanta ati hojjettes nan yaadadha.

¹²Hojiin kee hundinuu yaada koo keessa jira, waa'ee wanta ati hojjettees nan yaada.

¹³Yaa Waaqayyo, karaan ati hojjettu karaa qulqullummaa ti, waaqayyolii keessaa guddaan akka Waaqayyo keenyaa eenyu*?

¹⁴Ati Waaqayyo isa hojii dinqisiisaa hojjettuu dha, aangoon kee saba lafaatti akka beekamu in goote.

¹⁵Ati saba kee ijoollee Yaaqoobii fi Yoseef irree keetiin furteetta.[265]

¹⁶Yaa Waaqayyo, bishaanonni si argan, si arganiis in hunkuraman; tuujjubni galaanaa immoo in raafame.

¹⁷Duumessoonni bishaan in roobsan, duumessa keessaas kakawween in kakawweessa'e; xiyyi bakakkaa kee immoo kara-karaa in bu'an.

¹⁸Sagaleen kakawwee kee in adeeme, balaqqeessi bakakkaas biyya lafaa in ibse, lafichi raafamee in socho'e.

¹⁹Karaan kee galaana keessa, daandiin kee bishaan gurguddaa keessa darbe, ejjennaan faana kee garuu hin argamne.

²⁰Ati harka Musee fi Aaroniin akka nama hoolota tiksutti, saba kee in geggeessite*.[266]