Read west central oromo MACAAFA FAARFANNAA 8 Bible Online

MACAAFA FAARFANNAA 8 - west central oromo bible

MACAAFA FAARFANNAA 8

¹Yaa Waaqayyo gooftaa keenyaa! Maqaan kee guutummaa biyya lafaatti guddaa guddaa caalu attamii tii! Guddina kee bantiiwwan waaqaa irratti diriirsiteetta*.

²Warra si irratti ka'an deebisuudhaaf, diinaa fi isa ijaa baafatu gab gochuudhaafis, afaan mucoolii fi daa'imootaatiin, ati humna dhaabbatteetta*.[18]

³Ani gara bantiiwwan waaqa keetii warra harka keetiin hojjetamanii, gara ji'aa fi urjoota warra ati dhaabdee yeroon ilaalu,

⁴?Ati akka isa yaadattuuf namni maali? Ati akka isaaf dhimmituufis ilmi namaa maali?? jedhee nan gaafadha*.[19]

⁵Yaa Waaqayyo, kana keessaa immoo, xinnoodhuma ofii keetii gad isa goote, gonfoo guddinaa fi ulfinaa mataa isaa irra keesse*;

⁶hojii harka keetii hundumaa irratti isa moosifte, wanta hundumaas miillan isaa jala galchite*;

⁷bushaa'ee fi saawwan hundumaa, bineensota caakkaas akkasuma,

⁸simbirroota qilleensa keessa balali'an, qurxummiiwwan galaana keessaas, waanuma galaana keessa daandii baafatee deddeebi'us.[20]

⁹Yaa Waaqayyo gooftaa keenyaa! Maqaan kee guutummaa biyya lafaatti guddaa guddaa caalu attamii tii!