Read west central oromo MACAAFA FAARFANNAA 83 Bible Online

MACAAFA FAARFANNAA 83 - west central oromo bible

MACAAFA FAARFANNAA 83

¹Yaa Waaqayyo, gab hin jedhin, calluma hin jedhin, akkasumattis nu hin ilaalin, yaa Waaqayyo!

²Kunoo, diinonni kee dheekkamanii in wacu, warri si jibbanis mataa isaanii ol qabataniiru;

³Isaan saba kee irratti mala qopheessan, warra golgaa kee jala jiran irrattis in mari'atan*;

⁴isaan, ?Deebi'anii saba akka hin taanetti, kottaa lafa irraa isaan in haxoofnaa! Maqaan Israa'el deebi'ee hin yaadatamin!? jedhan.[289]

⁵Isaanoo yaada tokkoon waliif galan, si irratti ka'uufis waliif kakatan;

⁶godoowwan Edoom, warri Ishmaa'el, warri Mo'aabii fi Aggaar,

⁷warri Gebaalii fi Amoon, Amaaleqis, biyyi Filisxiyaa, warra mandara Xiiroosii wajjin ka'an.

⁸Warri Asoris immoo ilmaan Looxiif irree cimaa ta'anii, isaan sanatti dabalaman.

⁹Warra Miidiyaan akkuma goote, laga Qiisonitti Siisaaraa fi Yaabiinin akkuma goote, isaan kanas akkasuma godhi*!

¹⁰Isaan kun mandara Endooritti balleeffamanii, reeffi isaaniis tortoree lafaaf xaa'oo ta'e;

¹¹gurguddoota isaanii akka Oreebii fi, akka Ze'eeb, angafoota isaaniis akka Zeebaa akka Xaalmunaas godhi*!

¹²Isaan warra, ?Kottaa, biyya Waaqayyo iddoo buufata isaa godhate, ofii keenyaaf in fudhanna? jedhanii dha.[290]

¹³Yaa Waaqayyoo ko, akka awwaara bubbeen gara gaggalchuu, akka abaqii qilleensi fuudhee adeemuus isaan godhi!

¹⁴Akkuma ibiddi caakkaa gubu, akkuma boba'aan tulluu arraabee darbu,

¹⁵atis akkasuma bubbee keetiin isaan duukaa bu'ii ari'adhu, qilleensa kee isa jabaadhaan isaan naasisi!

¹⁶Hamma isaan maqaa kee waammachuu bira ga'anitti, lafa isaan ilaalchisi, yaa Waaqayyo!

¹⁷Haa yeellaasifaman, bara baraan lafa lixan haa dhaban! Qaana'aniis haa balleeffaman!

¹⁸Maqaan kee ?Isa Jiraataa? akka ta'e, ati kophaa kee guutummaa biyya lafaa irratti gooftaa isa hundumaa gara irraa jiru ta'uu kees haa beekan!