Read west central oromo MACAAFA FAARFANNAA 89 Bible Online

MACAAFA FAARFANNAA 89 - west central oromo bible

MACAAFA FAARFANNAA 89

¹Yaa Waaqayyo, yeroo hundumaa waa'ee gaarummaa kee isa baay'ee nan faarfadha, amanamummaa kee dhaloota hundumaatti afaan kootiin nan labsa.

²Ani, ?Gaarummaan kee bara baraan jabaatee dhaabate, amanamummaa kees akka bantiiwwan waaqaa jabeessiteetta? jedhee nan dubbadha*.

³Ati immoo, ?Isa ani fo'adheef kakuu galeera, Daawit garbicha kootiif kakadheera*;

⁴?Sanyii kee bara baraan nan jabeessa, dhalootaa hamma dhalootaattis teessoo kee nan dhaaba?? jetteetta*.[306]

⁵Bantiiwwan waaqaa hojii kee isa dinqisiisaa, walga'iin qulqullootaas amanamummaa kee in jajatu, yaa Waaqayyo*!

⁶Waaqayyoon kan qixxaatu duumessa gara irraa eenyutu jira? Warra bantii waaqaa irra jiran keessaas kan akka Waaqayyoo eenyu ree*?

⁷Waaqayyo walga'ii qulqullootaa keessatti guddaa sodaatamaa dha, warra naannoo isaa jiran hundumaa gara irraa jira, guddaa sodaachisaa dhas.[307]

⁸Yaa Waaqayyo gooftaa maccaa, kan akka keetii eenyu ree? Yaa gooftaa, ati aango-qabeessa, amanamummaan kees si naanna'ee jira.

⁹Bokoka galaanaa irratti situ gooftummaa qaba, dha'aan isaa yommuu ol ka'us situ gab godha*;

¹⁰Rahaab jawwee galaanaa sana, akka wanta qalameetti lafatti tumte; aangoo irree keetiin diinota kee bittimsite*.

¹¹Waaqichi kan kee ti, lafichis immoo kan kee ti, biyya lafaa, wanta isa keessa guutes situ achi kaa'e*.

¹²Gara bitaa fi gara mirgaa situ uume, tulluun Taaborii fi tulluun Hermoon maqaa keetti in ililchu.

¹³Irreen jabina qabu kan kee ti, harki kee jabaa dha, harki kee mirgaa ol kaafamaa dha;

¹⁴teessoon kee qajeelummaa fi dhugaa irra dhaabate, gaarummaanii fi amanamummaan si dura in adeemu*.[308]

¹⁵Sabni sagalee gammachuu dhageessisee beeku haa gammadu! Isaan ifa fuula kee irraa ifu keessa in deddeebi'u, yaa gooftaa!

¹⁶Isaan guyyaa hundumaa maqaa keetti gammaduu isaanii in dhageessisu, qajeelummaa keetiin ol in kaafamu.

¹⁷Ati guddina jabina isaanii ti, tole nuun jechuu keetiin gaanfa mataa keenyaa ol in qabda.

¹⁸Gaachanni keenya kan Waaqayyoo ti, mootiin keenyas kan qulqulluu Israa'el*.[309]

¹⁹Baras isa siif of kennetti mul'atatti itti dubbattee, ?Ani gargaarsa koo isa jagna tokkotti kenneera, isa saba keessaa fo'ame tokkos ol qabeera;

²⁰Daawit garbicha koo argadhee, dibata koo isa qulqulluudhaan isa dibeera.

²¹Harki koo cimsee isaa wajjin jira, irreen koo immoo isa in jabeessa;

²²diinni isa gabbarsiisuu hin danda'u, namni jal'aanis gad isa hin qabu;

²³warra isa cunqursan fuula isaa duratti nan caccabsa, warra isa jibbanis lafaan nan dha'a;

²⁴amanamummaan koo fi gaarummaan koo isaa wajjin jiru, maqaa kootiinis gaanfi mataa isaa ol in ka'a.

²⁵Galaana harka isaa jala, lagootas harka isaa mirgaa jala nan galcha.

²⁶Inni, ?Ati abbaa koo ti, Waaqayyo koo ti, ati kattaa isa ani itti baqadhee ooluu dha? jedhee ana in waammata.

²⁷Ani immoo angafa, isa mootota lafa irraa caalu, isa nan godha.

²⁸Gaarummaan koo bara baraan isa bira akka jiraatuuf nan eega, kakuun ani kakadhe isaaf amanamee in jiraata.

²⁹Sanyii isaa bara baraan, teessoo isaas hamma bantiiwwan waaqaa jiranitti jabeessee nan dhaaba.

³⁰?Ijoolleen isaa garuu seera koo yoo dhiisan, akka isa ani qajeelchee dhaabeetti yoo jiraachuu dhabaatan,

³¹seerrata koo yoo xureessan, abboommii koos yoo eeguu dhabaatan,

³²irra-daddarbaa isaanii uleedhaan nan adaba, yakka isaaniitiifis isaan nan dhaana.

³³Garuu gaarummaa koo isa irraa hin deebisu, amanamummaan koos kan sobaa hin ta'u.

³⁴Kakuu koo hin cabsu, dubbii afaan koo keessaa ba'es hin diddiiru.

³⁵Ani takkaa qulqullummaa kootiin kakadheera, matumaa Daawitin hin sossobu.

³⁶?Sanyiin isaa, bara baraan in jiraata, teessoon isaas hamma biiftuun fuula koo dura jirtutti in tura;

³⁷inni akka ji'a ishee dhuga-baatuu amanamtuu duumessa keessaa, bara baraan jabaatee in dhaabata?? in jette.

³⁸Amma garuu isa dibdee moosiftetti in dheekkamte, isa in tuffatte, in gattes;

³⁹kakuu isa garbicha keef dhaabde in diigde, gonfoo isaa lafatti darbattee, duraa xureessite.

⁴⁰Masaraa mandara isaa hundumaa in jigsite, marsaa isaas in diigde;

⁴¹warri achiin darban hundinuu isa in saamu, olloota isaafis muka ga'oo in ta'a.

⁴²Warri isa cunqursan akka harka fudhatan goote, diinota isaa hundumaas in gammachiifte.

⁴³Arfii billaa isaa in gara galchite, adda lolaa akka inni hin dhaabannes in goote;

⁴⁴surraa isaa isa irraa fixe, teessoo isaas lafatti darbatte;

⁴⁵bara dargaggummaa isaa duraa gabaabsite, yeelloos itti uffifte*.[310]

⁴⁶Kun hamma yoomiitti ta'a, yaa Waaqayyo? Ati raawwattee of dhoksitaa ree? Dheekkamsi kees akka ibiddaa haa boba'uu ree*?

⁴⁷Barri jireenya koo gabaabaa ta'uu isaa yaadadhu, ilmaan namaa kan akkasumaanii gootee uumte!

⁴⁸Nama ta'ee jiraatee, utuu hin du'in kan hafu eenyu? Qabaa iddoo lafa jalaa keessaas, eenyutu lubbuu isaa oolfachuu danda'a?[311]

⁴⁹Baay'inni gaarummaa kee durii, inni ati amanamummaa keetiin Daawitiif kakatte, meerree ree yaa gooftaa?

⁵⁰Ani garbichi kee muka ga'oo ta'uu koo, isa ani saba baay'ee kana hundumaaf danda'uudhaan yaadadhu, yaa gooftaa!

⁵¹Ga'oo diinota kee yaa gooftaa, isa ati dibdee moosiftettis, lafa inni dhaqutti itti baacuu isaanii yaadadhu!

⁵²Maqaan Waaqayyoo bara baraan haa eebbifamu! Ameen! Ameen*![312]