Read west central oromo MACAAFA FAARFANNAA 92 Bible Online

MACAAFA FAARFANNAA 92 - west central oromo bible

MACAAFA FAARFANNAA 92

¹Waaqayyoof galata galchuun, yaa isa hundumaa gara irraa jirtuu, maqaa kee jajatanii faarfachuun maal maal gaarii dha*!

²Ganama gaarummaa kee, halkanis amanamummaa kee himuun,

³sagalee mi'a ribuu kudhan qabuu fi kan kiraaraatiin, sagalee maseenqootiinis dhageessisuun gaarii dha.

⁴Ati yaa gooftaa, gocha keetiin na gammachiifteetta, hojii harka keetti gammadee nan faarfadha!

⁵Hojiin kee attam guddaa dha, yaa Waaqayyo, yaadni kees maal maal gad fagoo dha*![321]

⁶Wallaalaan kana hin beeku, gowwaanis kana hin hubatu.

⁷Warri jal'oonni akka margaa biqila yoo tolan iyyuu, warri hamaa godhan hundinuus yoo daraaran iyyuu, isaan raawwatanii balleeffamuuf jiru*.

⁸Ati garuu, yaa gooftaa! Bara baraan hundumaa gara irraa dha.

⁹Ilaa kaa, diinota kee yaa gooftaa! Ilaa diinonni kee lafa irraa in badu, warri hamaa godhan hundinuus in bittimfamu![322]

¹⁰Ati garuu gaanfa mataa kootii, akka gaanfa gafarsaatti ol anaaf kaafte, dibata ho'aas na dibde*.

¹¹Iji koo gad deebii diinota koo in arga, gurri koos waca warra hamoota ana irratti ka'anii in dhaga'a.[323]

¹²Namni qajeelaan akka muka meexxii biqila in tola, akka gaatiraa Libaanosis ol in guddata.

¹³Isaan akka biqiltuu mana Waaqayyoo keessa dhaabamanii, oobdii gooftaa keenyaa keessatti in lalisu.

¹⁴Dulluma keessa iyyuu ija in godhatu, isaan yeroo hundumaa jiidha qabu, in lalisus*.

¹⁵Kun qajeelina Waaqayyoo in hima; inni kattaa koo ti, isa bira immoo jal'inni hin jiru*.[324]