Read west central oromo MACAAFA FAARFANNAA 95 Bible Online

MACAAFA FAARFANNAA 95 - west central oromo bible

MACAAFA FAARFANNAA 95

¹Kottaa Waaqayyoon in faarfannaa! Kattaa isa itti baqannee oollutti gammaduu keenyas in dhageessifna.

²Galataan fuula isaa duratti in dhi'aanna, isatti gammaduu keenya faarfannaadhaan in dhageessifna.

³Waaqayyo gooftaa isa guddaa waan ta'eef, waaqayyolii hundumaa irrattis inni mootii guddaa dha*;

⁴lafa jalaa iddoon gad fagoon harka isaa keessa jira, bantiin tullootaas kan isaa ti;

⁵galaanonni kan isaa ti, isatu isaan hojjete, lafti gogaanis kan isaa ti harka isaatu isa tolche.[332]

⁶Kottaa in sagannaa gadis in jennaa, Waaqayyo uumaa keenya durattis in jilbeenfannaa!

⁷Innoo Waaqayyo keenya, nuyi saba harka isaa jala jirruu dha, hoolota inni tiksuu dhas har'a sagalee isaa utuu dhaggeeffattanii attam gaarii dha*![333]

⁸Akkuma Mariibaa iddoo morkii sanatti, akka gaafa Maasaa iddoo qoramaa isa lafa onaa keessaatti isin mata-jabeeyyii hin ta'inaa*!

⁹Abaabiliin keessan achitti na qoran, wanta ani godhe utuma arganii qoranii na ilaalan*.

¹⁰Waggaa afurtamaaf dhaloota akkasii arguu na jibbisiise, ani, ?Isaan saba garaan isaa karaa irraa kaatuu dha, karaa koos beekuu hin barbaadan;

¹¹Kanaafan aaree, ?Matumaa biyya boqonnaa isa ani qopheessetti hin galan? jedhee kakadhe? jedhe*.[334]