Read west central oromo Macaafa Fakkeenyaa 12 Bible Online

Macaafa Fakkeenyaa 12 - west central oromo bible

Macaafa Fakkeenyaa 12

¹Namni gorsa jaallatu, beekumsa argachuu jaallata, namni ifata jibbu garuu gowwaa dha*;

²namni gaariin Waaqayyo biraa ayyaana in argata, warra wanta hamaa malanitti garuu, Waaqayyo in farada;

³namni jal'inaan jabaatee hin dhaabatu, hiddi nama qajeelaa garuu raawwatee hin socho'u*.[52]

⁴Haati manaa dandeessuun abbaa manaa isheetiif gonfoo dha, isheen yeellaasiftuun garuu, akka dhukkuba lafee bososiisuu ti*;

⁵yaadni qajeelotaa wanta Waaqayyo duratti qajeelaa ta'ee fudhatamee dha, gorsi jal'ootaa garuu gowwoomsaa dha.

⁶Dubbiin jal'ootaa utuu hin beekamin dhiiga in dhangalaasisa; dubbiin warra qajeelotaa garuu, dhiiga dhangala'uu in oolcha*;

⁷jal'oonni in figgimfamu, deebi'aniis hin argaman; manni qajeelotaa garuu jabaatee in dhaabata*.[53]

⁸Namni akkuma ogummaa isaatiitti in jajama, namni yaada jal'aa garuu in tuffatama;

⁹nama isa utuu buddeena nyaatu hin qabaatin nama guddaa of fakkeessuu mannaa, nama isa tuffatamee hojjetaa ta'ee jiraatu wayya.

¹⁰Namni qajeelaan jireenya horii isaatiif in yaada, inni warri jal'ootaa, ?Gara-laafina? jedhan iyyuu gara-jabina*;

¹¹namni lafa isaa qotatu buddeena quufa, namni wanta waa'ee hin baafne duukaa bu'u garuu, qalbii hin qabu*.[54]

¹²Namni jal'aan bu'aa warra hamootaa in kajeela, hiddi warra qajeelotaa garuu yaa'ee wal in hora;

¹³namni jal'aan irra-daddarbaa afaan isaa keessaa ba'uun kiyyootti in gala, namni qajeelaan garuu rakkina jalaa in ba'a;

¹⁴namni wanta afaan isaa keessaa ba'uun wanta gaarii in quufa, wanta harka isaatiin hojjetes isumatu fudhatee gala*.

¹⁵Nama gowwaatti karaan ofii isaatii qajeelaa in fakkaata, namni ogeessi garuu gorsa in dhaga'a;

¹⁶aariin nama gowwaa dafee irraa in beekama, namni hubataan garuu salphina in dhoksa.[55]

¹⁷Namni dubbii dhugaa dubbatu qajeelummaa mul'isa, namni sobaan dhugaa ba'u garuu in gowwoomsa.

¹⁸Dubbiin gar-malee dubbatamu akka billaa nama waraana, arrabni ogeessaa garuu in fayyisa*;

¹⁹afaan dhugaa dubbatu bara baraan jabaatee in dhaabata, arrabni soba dubbatu garuu, yeroo gabaabaadhaaf in jiraata;

²⁰garaa warra wanta hamaa malanii keessa gowwoomsaatu jira, warri wanta nagaa nama gorsan garuu in gammadu.

²¹Nama qajeelaatti rakkinni hin dhufu, nama jal'aatti garuu rakkinni in baay'ata.[56]

²²Waaqayyo namoota soba dubbatan in ciigga'a, namoota amanamootti garuu in gammada;

²³namni hubataan beekaa ta'uu isaa in dhoksa, warri gowwoonni garuu gowwummaa isaanii in beeksisu.

²⁴Namni harki isaa ba'eessa godhee hojjetu in mo'a, namni harki isaa dhibaa'u garuu, garbicha namaa in ta'a;

²⁵yaaddoon garaa namaa keessa yoo jiraate, gad nama qaba; dubbii gaariin garuu nama gammachiisa*.[57]

²⁶Namni qajeelaan wanta gaarii namaaf in barbaada, namni jal'aan garuu karaa irraa nama kaachisa;

²⁷namni dhibaa'aan jabaatee wanta adamsu duukaa hin bu'u, namni dhimmee hojjetu garuu, wanta gati-jabeessa in argata;

²⁸karaa qajeelummaa irra jireenyatu jira, dhuguma, inni karaa ba'eessa ta'ee hojjetamee dha, duunis isa irra hin jiru.