Read west central oromo Macaafa Fakkeenyaa 13 Bible Online

Macaafa Fakkeenyaa 13 - west central oromo bible

Macaafa Fakkeenyaa 13

¹Ilmi ogeessi gorsa abbaa isaatii in dhaga'a, inni ga'isaan garuu ifata hin dhaga'u*;

²namni ija wanti gaariin, inni afaan isaa keessaa ba'u godhatu in nyaata; hawwiin warra nama gowwoomsuu garuu, humnaan nama irratti ka'uu dha;

³namni arraba isaa eeggatu, jireenya isaa in eeggata; namni of eeggachaa hin dubbanne garuu, jireenya isaa in balleessa*.

⁴Namni dhibaa'aan waa argachuu in kajeela, homaas hin argatu; namni ba'eessa godhee hojjetu garuu in guddata;

⁵namni qajeelaan dubbii sobaa in jibba, namni jal'aan garuu ciiggaasisaa dha, wanta nama yeellaasisus in hojjeta.[58]

⁶Qajeelummaan, daandii nama balleessaa hin qabnee in eega, jal'inni garuu nama cubbamaa in figgimsa.

⁷Namni sooressa of fakkeessu jira, kana keessaa immoo homaa hin qabu; namni hiyyeessa of fakkeessu jira, kana keessaa immoo badhaadhaa dha*.

⁸Namni sooressi horii isaatiin jireenya isaa in furata, nama hiyyeessa garuu kanaaf kan doorsisu hin jiru;

⁹ifni nama qajeelaa ba'eessa godhee in ifa, ibsaan nama jal'aa immoo in dhaama*.

¹⁰Of gurguddisuun morkii in kaasa, ogummaan garuu warra gorsa fudhatan bira jira.[59]

¹¹Badhaadhumni karaa malee argamu irraa hir'achaa in adeema, namni itti dadhabee wal irra buusaa adeemu garuu in baay'ifata.

¹²Abdiin lafa irra harkifamu garaa nama dhukkubsa, hawwiin namaaf raawwatamu garuu muka jireenyaa ti.

¹³Namni gorsa tuffatu of in balleessa, namni abboommicha sodaatu garuu, gatii isaa in argata.

¹⁴Barsiifni nama ogeessaa burqaa jireenyaa ti, namas futtaasaa du'aa irraa in deebisa*;

¹⁵hubannaa gaariin faara tolaa nama argachiisa, karaan warra hin amanamnee garuu bu'aa-ba'ii dha.[60]

¹⁶Namni afchaalli hundinuu beekumsaan hojjeta, gowwaan garuu goowwuma isaa bakkeetti in mul'isa.

¹⁷Ergamaan jal'aan wanta hamaa keessatti in kufa, ergamaan amanamaan garuu in fayyisa.

¹⁸Nama gorsa tuffatutti deegaa fi yeellootu dhufa, namni ifata dhaga'ee deebi'u garuu, ulfina in argata.

¹⁹Hawwiin namaaf raawwatamu lubbuudhumaaf namatti miyaa'a, gowwoonni garuu wanta hamaa irraa deebi'uu in ciigga'u;

²⁰namni ogeessaa wajjin adeemu, ogeessa in ta'a; miiltoon gowwootaa garuu in bada.

²¹Wanti hamaan cubbamoota in ari'ata, wanti gaariin garuu gatii qajeelotaa ti*;

²²dhaalli nama gaarii ijoollee ijoollee isaatiitti in darba, qabeenyi nama cubbamaa garuu, nama qajeelaadhaaf in kaa'ama*.

²³Maasiin nama deegaa midhaan ba'eessa kenna, loogni garuu haxaa'ee duraa in balleessa.

²⁴Namni ilma isaa karaabaadhaan reebuu dhiisee qusatu isa jibbuu isaa ti, namni ilma isaa dafee adabu garuu isa jaallachuu isaa ti*;

²⁵namni qajeelaan hamma quufutti in nyaata, namni jal'aan garuu in beela'a*.[61]