Read west central oromo Macaafa Fakkeenyaa 16 Bible Online

Macaafa Fakkeenyaa 16 - west central oromo bible

Macaafa Fakkeenyaa 16

¹Namni garaa isaatti yaade in akeeka, wanta namni deebii kennu garuu, Waaqayyotu isaaf kenna*.

²Namni akka ofii isaatii ilaalutti karaan jireenya isaa hundinuu qullaa'aa dha, Waaqayyo garuu, hafuura inni ittiin geggeeffamu sana in miijana*.[78]

³Hojii kee hundumaa Waaqayyotti kennadhu, wanti ati yaaddus fiixaan siif in ba'a*;

⁴Waaqayyo wanta hundumaa sababii uumeef qaba, warra jal'oota iyyuu guyyaa badiisaatiif kaa'e*.

⁵Waaqayyo warra garaa isaaniitti of gurguddisan hundumaa in ciigga'a, isaan utuma harka wal qabatanii iyyuu utuu hin adabamin hin hafan.

⁶Gaarummaa fi amanamummaadhaan isa yakkeef araarri in godhama; namni Waaqayyoon sodaachuudhaan wanta hamaa irraa in fagaata.[79]

⁷Waaqayyo karaa jireenya namaa yoo jaallate, diinonni isaa iyyuu isaa wajjin nagaatti akka jiraatan in godha*.

⁸Qabeenya baay'ee karaa jal'inaatiin argamu irra, qabeenya xinnaa karaa qajeelaatiin argamu wayya*.

⁹Namni garaa isaa keessatti yaada in qopheessa, Waaqayyo garuu tarkaanfii isaatti murtoo in godha*.[80]

¹⁰Afaan mootii hooda in dubbata, firdii yommuu kennus hin jal'isu*;

¹¹madaaliin qajeelaanii fi miijanni qajeelaan kan Waaqayyoo ti, dhagaan safaraa korojoo keessaa hundinuu hojii harka isaatii ti*.

¹²Teessoon isaa qajeelummaadhaan jabaatee waan dhaabatuuf, jal'inni mootii biratti jibbamaa dha*.

¹³Mootonni nama dubbii dhugaa dubbatutti in gammadu, nama wanta qajeelaa dubbatus in jaallatu;

¹⁴dheekkamsi mootii akka ergaa du'aa ti, namni ogeessi garuu isa in qabbaneessa.

¹⁵Fuulli mootii yommuu ifu nagaa dha jechuu dha, faara-tolinni isaas akka bokkaa arfaasaa ti*.[81]

¹⁶Warqee argachuu irra ogummaa argachuun, meetii fo'achuu irra hubannaa fo'achuun maal maal gaarii dha*!

¹⁷Karaan warra yaada qajeelaa qabanii wanta hamaa irraa fagaachuu dha, namni karaa ofii isaatii eeggatu lubbuu isaa in eeggata.

¹⁸Of gurguddisuun badiisatti, of bokoksuunis kufaatiitti nama in geessa*;

¹⁹warra of gurguddisanii wajjin boojuu hirmachuu irra, karaa hafuuraa gad of deebisanii warra hiyyeessotaa wajjin jiraachuu wayya.[82]

²⁰Nama barsiisa yaadatti qabatuuf wanti inni godhu wal in qixxaataaf; namni Waaqayyoon amanatu maal maal haa gammadu!

²¹Warri ogummaa qaban ?Hubatoota? jedhamu, dubbiin namatti miyaa'u beekumsa namaaf in dabala;

²²hubannaan warra isa qabaniif burqaa jireenyaa ti, gowwummaan garuu warra gowwootatti adaba in fida;

²³namoonni ogeeyyiin itti yaadanii in dubbatu, dubbiin afaan isaaniis nama in amansiisa;

²⁴dubbii ba'eessi akka nadhii dammaa namatti in miyaa'a, lafee namaas in cimsa*.[83]

²⁵Karaan qajeelaa namatti fakkaatu jira, dhumni isaa garuu karaa du'aa ti*;

²⁶qoonqoon waan isa hin obsisiifneef, namni itti dadhabee hojii in hojjeta;

²⁷namni waa'ee hin baafne wanta hamaa korata, dubbiin isaas akka ibidda boba'uu ti.

²⁸Namni micciiramaan golii kaasa, namni nama hamatu firoota cimoo iyyuu gargar in baasa;

²⁹namni humnaan nama irratti ka'u sobaan karaa irraa nama in kaachisa, karaa gaarii hin taane irras nama in buusa.

³⁰Namni ija isaa liph liph godhu jal'ina mala, hidhii isaa kan ciniinatus wanta hamaa in yaada*.[84]

³¹Harriin gonfoo ulfinaa ti, barri dheeraan gatii qajeelinaa ti*;

³²nama aango-qabeessa irra, nama obsa-qabeessa wayya; nama biyya bulchu irra, nama of abboomu wayya*.

³³Buufanni mukaa dachaa wayyaa irra in buufama, murtoon hundinuu garuu Waaqayyo biraa ta'a*.[85]