Read west central oromo Macaafa Fakkeenyaa 17 Bible Online

Macaafa Fakkeenyaa 17 - west central oromo bible

Macaafa Fakkeenyaa 17

¹Mana wanta nyaatamuun guutee waliin morkii qabu irra, lafa nagaan jirutti buddeena cabduu ishee wayya*;

²hojjetaan ogeessi ilma doofaa bulcha, obboloota gidduudhaas dhaala in hirmata;

³akkuma meetiinii fi warqeen qodaa itti baqfaman keessatti qoraman, Waaqayyo garaa namaa in qora*.[86]

⁴Hamaa kan godhu nama hamaatiif in dhaga'a, namni sobu dubbii nama hamaa in fudhata.

⁵Namni hiyyeessatti ga'isu uumaa isaa arrabsa, badiisa namaatti kan gammadus, utuu hin adabamin hin hafu*;

⁶akaakaawwan maanguddootaaf, abboonnis ijoollota isaaniitiif gonfoo dha;

⁷dubbiin ba'eessi nama gowwaaf hin ta'u, dubbiin sobaa immoo caalaadhumatti guddaa biyyaaf hin galu;

⁸gabbarsuun nama isa kennuuf akka callee miidhagaa ti, namichi iddoo dhaqu hundumaatti wanti inni hojjetu hundinuu waan wal qixxaatuuf itti in fakkaata*;

⁹namni irra-daddarbaa namaa namaaf dhiisu jaalala barbaada; namni dubbii hafe keessa deddeebi'u garuu firoota gargar baasa.[87]

¹⁰Gowwaatti rukuttaan dhibbi dhaga'amuu caalaa, nama hubataatti ifanni in dhaga'ama.

¹¹Namni hamaan humnaan nama irratti ka'uu barbaada, isatti immoo ergamaa araara hin buufnetu ergama.

¹²Nama gowwaa gowwuma isaatti jirutti dhaquu irra, amaaketa dhaltuu ilmaan ishee jalaa butatamanitti dhaquu wayya.

¹³Namni qooda gaarii wanta hamaa yoo deebise, wanti hamaan mana isaattii hin fagaatu;

¹⁴lola jalqabuun akka nama bishaan jal'isii cabsee yaasuu ti, kanaafis ati utuu dubbiin isaa hin jabaatin qabbaneessi!

¹⁵Isa nama jal'aadhaan ?Qajeelaa dha? jedhuuf, isa nama qajeelaatti faradu, Waaqayyo in ciigga'a*.

¹⁶Gowwaan ogummaa argachuudhaaf erga hin hawwinee, horii of harkaa qabaachuun isaa maal isaaf godha ree?

¹⁷Firoonni yeroo hundumaa wal jaallatu, haadhonnis gaafa xiiqiitiif*.[88]

¹⁸Namni qalbii hin qabne waliigaltee jabeessuudhaaf harka namaa in rukuta, ollaa isaatiifis wabii in darba*.

¹⁹Namni irra-daddarbaa jaallatu lola jaallata, namni ?Na argaa, na argaa!? jedhu immoo badiisa ofitti in waama.

²⁰Nama yaada micciiramaa qabuuf, wanti inni hojjetu wal hin qixxaatuuf; namni nama gowwoomsu, rakkina keessa in bu'a.

²¹Gowwaa ilmatti guddifachuun gadda namatti in fida, abbaan ilma gowwaas gammachuu hin qabu.[89]

²²Garaan gammadu fayyina namaaf kenna, yaadni cabaan garuu lafee gogsa*.

²³Namni jal'aan firdii qajeelaa micciiruudhaaf, dhoksaatti gabbarsuu in fudhata*.

²⁴Iji nama ogeessaa gara ogummaa ilaala, iji nama gowwaa garuu, hamma daarii lafaatti in joora*.[90]

²⁵Ilmi gowwaan abbaa isaatti aarii in fida, ishee isa deessettis jireenyi akka hadhaa'u in godha*;

²⁶nama balleessaa hin qabne adabuun, gurguddoota biyyaas sababii isaan qajeeloo ta'aniif rukutuun gaarii miti;

²⁷namni beekaan of qusachaa dubbata, namni hubataanis hin banbanu*;

²⁸gowwaan iyyuu yoo cal jedhe akka ogeessaa ti, afaan isaas yoo qabate akka hubataatti in ilaalama*.[91]