Read west central oromo Macaafa Fakkeenyaa 18 Bible Online

Macaafa Fakkeenyaa 18 - west central oromo bible

Macaafa Fakkeenyaa 18

¹Namni namaa wajjin walii hin galle, fedha ofii isaatii duukaa bu'uu barbaada; ogummaa guutuudhaanis in morma.

²Namni gowwaan yaada garaa isaa mul'isuu barbaada malee, hubannaatti hin gammadu.

³Jal'inni yommuu dhufu tuffatamuun in dhufa, salphina duukaas yeelloon in dhufa.

⁴Dubbiin afaan namaa akka bishaan gad fagoo ti, burqaan ogummaas akka bishaan yaa'uu ti;

⁵nama jal'aadhaaf looguun, yookiis nama balleessaa hin qabne firdii dhugaa dhowwachuun gaarii miti*.[92]

⁶Haasaan nama gowwaa lola isatti kaasa, dubbiin afaan isaas rukutamuu isatti in fida;

⁷gowwaa arraba isaatu isa balleessa, wanta afaan isaa dubbateenis in qabama.

⁸Dubbiin nama nama hamatuu akka buddeena miyaa'aa ti, innis gara mar'umaaniitti gad in bu'a*.

⁹Namni hojii isaatti dhibaa'u, obboleessa isa nama balleessuu ti*.[93]

¹⁰Maqaan Waaqayyoo gimbii jabaa dha, namni qajeelaan gara isaatti baqatee in oola*.

¹¹Qabeenyi warra sooreyyii isaaniif mandara da'oo qabuu dha, akka dallaa dhedheeroottis isa in lakkaa'u*;

¹²badiisi utuu hin dhufin namni garaa isaatti of gurguddisa, ulfina dura garuu gad of deebisuutu dhufa*.

¹³Namni dubbii utuu hin dhaggeeffatin deebii kennu, gowwuma isaa fi yeelloo isaa mul'isa.

¹⁴Yaadni namaa yeroo dhukkubaatti nama in hirkisa, yaadni yoo cabe garuu, eenyutu isa fayyisuu danda'a ree?[94]

¹⁵Garaan nama hubataa beekumsa in argata, gurri nama ogeessaas beekumsa in barbaada;

¹⁶gabbarsuun nama isa kennuuf karaa in bana, fuula gurguddootaa durattis isa in dhi'eessa*.

¹⁷Namni kan biraa dhufee hamma isaan mormutti, inni dura dhufee dubbii isaa yaa'iitti dhi'eeffatu, waan dhugaa qabu fakkaata;

¹⁸buufanni mukaa dubbii namaaf in fixa, humna-qabootas gargar in eega*.

¹⁹Obboleessa gufatu deebisuun, mandara marsaa qabu caalaa namatti in jabaata, wal loluunis akka danqaraa sibiilaa isa ittiin karra dallaa dhagaa cufanii ti.[95]

²⁰Namni ija wanti gaariin inni afaan isaa keessaa ba'u godhatuun in quufa, dubbii arrabni isaa dubbatuunis dharraa in ba'a*.

²¹Duunii fi jireenyi aboo arrabaa jala jiru; warri isa jaallatan ija isaa in nyaatu*.

²²Namni haadha manaa isaaf taatu argatu, wanta gaarii in argata, Waaqayyo biraas ayyaana in argata*;

²³rakkataan arraba laafaadhaan rakkina isaa himata, sooressi garuu sagalee jabaadhaan deebii in kennaaf;

²⁴fira fakkaatanii kan nama balleessan jiru, firri obboleessa caalaa namatti aanus immoo jira*.[96]