Read west central oromo Macaafa Fakkeenyaa 19 Bible Online

Macaafa Fakkeenyaa 19 - west central oromo bible

Macaafa Fakkeenyaa 19

¹Sooressa gowwaa dubbii micciiramaa dubbatu irra, hiyyeessa dubbii hin balleessine wayya*.

²Beekumsa utuu hin qabaatin hawwa duwwaa qabaachuun gaarii miti, namni miilli isaa jarjaru karaa irraa kaata.[97]

³Gowwummaan namaa jireenyuma isaa in balleessa, inni garuu garaa isaatti Waaqayyoon in komata.

⁴Badhaadhummaan nama baay'ee fira namaaf godha, hiyyumni garuu fira irraa gargar nama kuta*;

⁵namni sobaan dhugaa ba'u, utuu hin adabamin hin hafu, soba kan dubbatus adaba jalaa hin ba'u*.[98]

⁶Namoonni baay'een nama guddaatti firoomuu in barbaadu, nama waa namaaf kennuufis hundumatu fira.

⁷Nama hiyyeessa obboloonni isaa iyyuu in jibbu erga ta'ee, firoonni isaa immoo hammam caalchisanii isattii haa fagaatan ree! Hammam dubbatee isaan deebifachuu yoo barbaade iyyuu, isaan hin argaman*;

⁸namni qalbii qabu ofii isaa jaallata, nama hubannaa of keessaa qabuuf immoo wanti inni hojjetu in tolaaf.

⁹Namni sobaan dhugaa ba'u, utuu hin adabamin hin hafu; soba kan dubbatus in bada*.[99]

¹⁰Qannootti jiraachuun nama gowwaaf hin ta'u, garbootaafis gurguddoota bulchuun hin qajeelu.

¹¹Hubataa ta'uun dheekkamsaaf suuta nama jechisiisa, balleessaa irra namaaf darbuunis ulfina isaa ti*.

¹²Dheekkamsi mootii akka aadnaa leencaa ti, faara-tolinni isaa garuu akka fixeensa marga irraa ti*;

¹³ilmi gowwaan abbaa isaatti badiisa fida, haati manaa qoccoltuun akka mana yeroo hundumaa dhimm'isuu ti*.[100]

¹⁴Manaa fi badhaadhummaa abboota irraa in dhaalu, haati manaa hubattuun garuu kennaa Waaqayyoo ti*.

¹⁵Dhibaa'ummaan hirriba ulfaataa namatti fida, hojii malee taa'uunis beela irra nama buusa*;

¹⁶namni abboommii eegu jireenya isaa in eeggata, namni karaa Waaqayyoo tuffatu garuu in du'a*.

¹⁷Namni hiyyeessaaf garaa laafuu akka waan Waaqayyoof liqeessuu ti; Waaqayyos gatii isaa isaaf in deebisa*;

¹⁸deebisuudhaaf utuu abdiin jiruu, ijoollee kee adabi! Gad dhiiftee akka isaan du'an hin godhin*!

¹⁹Namni aaraan adaba ofitti fida, rakkina keessaa isa baasuu yoo yaalte, akka inni itti caalu in goota*.[101]

²⁰Gara booddeetti ogeessa akka taatutti, gorsa dhaga'i, barsiisas fudhadhu!

²¹Yaada namaa keessa akeeka baay'eetu jira, garuu wanta Waaqayyo yaadee qopheessetu jabaatee dhaabata*.

²²Amanamummaan namaa bu'aa qaba, sobduu ta'uu irra hiyyuma wayya.

²³Waaqayyoon sodaachuun jireenyatti nama geessa, namni sodaa Waaqayyootiin guutame yaaddoo malee in boqota, wanti hamaanis isatti hin bu'u*;

²⁴namni dhibaa'aan harka isaa waciitii keessa in kaa'a, garuu gara afaan isaatiitti iyyuu danda'ee hin deebifatu*.[102]

²⁵Nama ga'isu yoo rukutte, namni wallaalaan of eeggataa in ta'a; nama hubataa ifadhu, innis beekumsa in argata*.

²⁶Namni abbaa isaa irratti hamaa hojjetu haadha isaas mana isaatii kan ari'u, ilma nama yeellaasisuuf arrabsiisuu dha*.

²⁷Yaa ilma ko, gorsa dubbii beekumsaa irraa si kaachisu dhaggeeffachuu dhiisi*!

²⁸Dhuga-baatuun waa'ee hin baafne firdii dhugaatti in ga'isa; afaan nama jal'aa immoo irra-daddarbaa in liqimsa.

²⁹Warra ga'iftuuf firdiin, dugda warra gowwootaafis uleen qophaa'aa dha*.[103]