Read west central oromo Macaafa Fakkeenyaa 2 Bible Online

Macaafa Fakkeenyaa 2 - west central oromo bible

Macaafa Fakkeenyaa 2

¹Yaa ilma ko, dubbii koo yoo fudhatte, abboommota koos yaada kee keessa yoo kaa'atte,

²gurra kee gara ogummaatti qabdee, yaada kee gara hubannaatti yoo deebifte,

³beekumsa gad fagootti yoo iyyatte, hubannaa argachuudhaafis guddiftee yoo iyyite,

⁴akka nama meetii barbaaduutti, akka nama qabeenya dhokfamee jiru qoratuuttis ishee yoo barbaadde,

⁵ati yommus Waaqayyoon sodaachuu in barta, waan ittiin ishee beektus in argatta*.

⁶Ogummaa Waaqayyotu kenna, beekumsii fi hubannaan dubbii afaan isaa keessaa ba'uun in argama*;

⁷inni nama yaadni isaa qajeelaaf ogummaa in kenna, warra balleessaa hin qabneefis gaachana*;

⁸inni daandii qajeelummaa in to'ata, karaa warra isaaf of kennaniis in eega.[5]

⁹Yommus ati wanta qajeelaa ta'eef firdii dhugaa, amanamummaa fi wanta ba'eessa ta'e hundumaas in hubatta.

¹⁰Yeroo ati ogeessa taatee, beekumsis si gammachiisu*,

¹¹of eeggannaan si golga, hubannaanis si eega.[6]

¹²Ogummaan karaa namoota jal'ootaa irraa, warra dubbiin isaanii jal'aa ta'e irraa,

¹³warra karaa dukkanaa irra adeemuuf jedhanii, daandii qajeelinaa dhiisan irraa,

¹⁴warra hamaa gochuutti, micciiramummaa warra jal'ootaattis gammadan irraa,

¹⁵namoota warra karaan isaanii micciiramaa, warra adeemsi isaanii jal'aa ta'e irraas si oolchiti.

¹⁶Isheen dubartii ormaa irraa, dubartii gaalamoota ishee afaaniin namatti kuultu irraa,

¹⁷ishee dhirsa qarrummaa isheetii dhiifte irraa, ishee kakuu Waaqayyoo ishee irraanfatte irraas si eegdi.

¹⁸Gara mana dubartii gaalamootaa dhaquun, boolla du'aatti adeemuu dha; karaan jireenya ishees gara ekeraa warra du'aniitti in geessa.

¹⁹Warra ishee bira dhaqan keessaa kan deebi'e, deebi'ees karaa jireenyaa kan argate hin jiru*.[7]

²⁰Ati garuu karaa namoota gaggaarii irra in adeemta, karaa warra qajeelotaa irraa akka hin jal'anneefis in eeggatta.

²¹Warri gara-qajeelonni biyya keessa in jiraatu, namoonni balleessaa hin qabnes isa keessatti in hafu*.

²²Warri jal'oonni garuu biyyicha keessaa in balleeffamu; warri hin amanamnes isa keessaa in buqqifamu*.[8]