Read west central oromo Macaafa Fakkeenyaa 21 Bible Online

Macaafa Fakkeenyaa 21 - west central oromo bible

Macaafa Fakkeenyaa 21

¹Yaadni mootii harka Waaqayyoo keessa jira, inni akka bishaaniitti gara jaallateetti isa in deebisa.

²Namatti karaan ofii isaa hundinuu qajeelaa in fakkaata, Waaqayyo garuu yaada isaa in miijana*.

³Wanta qajeelaa fi wanta dhugaa hojjechuun, aarsaa caalaatti Waaqayyo biratti fudhatamaa dha*.

⁴Waan guddaatti of ilaaluun, of bokoksuun, wanti jal'oonni hojjetan hundinuus cubbuu dha.[111]

⁵Yaadni warra dhimmee hojjetuu bu'aa qaba, wanti ariitiidhaan hojjetamu hundinuu hiyyeessa nama godha.

⁶Qabeenyi dubbii sobaatiin walitti qabame, akkuma hurrii tokkichumaan lafa inni bu'e dhabanii ti, akka kiyyoo nama ajjeesuu tis;

⁷warri jal'oonni wanta qajeelaa hojjechuu waan didaniif, humnaan nama irratti ka'uun isaanii isaanuma in balleessa.

⁸Karaan nama balleessaa qabuu jajal'aa dha, hojiin nama balleessaa hin qabne garuu qajeelaa dha.

⁹Haadha manaa qocoltuu wajjin mana tokko keessa taa'uu irra, golee bantii manaa irra taa'uu wayya*.[112]

¹⁰Namni jal'aan wanta hamaa hawwa, namaafis garaa hin laafu.

¹¹Yommuu namni ga'isaan adabamu, inni wallaalaan ogummaa in argata; namni ogeessi yommuu karaan isatti argisiifamu, beekumsa in argata*.

¹²Waaqayyo inni qajeelaan, wanta mana jal'ootaa keessatti hojjetamaa jiru yaadaan in qaba, warra jal'oota gad gara in galcha, isaan in balleessas.

¹³Nama, hiyyeessa rakkate gargaaruudhaaf iyyuuf, inni dhaga'uu didu, yommuu inni ofii rakkatee gargaarsaaf iyyus immoo hin dhaga'amuuf;

¹⁴kennaan dhoksaadhaan kennan dheekkamsa gab godha, gabbarsuun dhoksaadhaan harka keessa kaa'anis aarii in qabbaneessa*.[113]

¹⁵Wanti dhugaan yommuu hojjetamu, warra qajeelota in gammachiisa, warra jal'oota garuu in naasisa.

¹⁶Namni karaa hubannaa irraa jal'atu, walga'ii warra du'anii keessa in bu'a.

¹⁷Namni qananii jaallatu in deega, namni daadhii waynii fi dhadhaa ejersaa jaallatu raawwatee hin sooromu*.

¹⁸Namni jal'aan wanta hamaa nama qajeelaadhaaf qopheessetti in darba, namni hin amanamnes wanta hamaa nama amanamaadhaaf qopheessetti in gala*.

¹⁹Dubartii qocoltuu fi aartuu wajjin jiraachuu irra, lafa onaa keessa jiraachuu wayya*.[114]

²⁰Mana ogeessaa keessa qabeenyii fi urgooftuun dibataa fo'amoon guutuu dha; gowwaan garuu wanta qabu hundumaa nyaatee in fixa;

²¹namni qajeelummaa fi gaarummaa duukaa bu'u, jireenyaa fi qajeelummaa, ulfinas in argata;

²²namni ogeessi mandara warra humna-qabootaa in qabata, da'oo isaan amanatanis in diiga;

²³namni afaan isaa fi arraba isaa eeggatu, rakkinatti akka hin galleef of in eega*.

²⁴Namni waan guddaatti of ilaaluudhaan of jajee of bokoksuun amala ta'eef, ?Nama ga'isaa? in jedhama.[115]

²⁵Namni dhibaa'aan sababii hojii hojjechuu dhiisuuf, kajeellaadhaan in du'a*.

²⁶Inni ittuu caalchisee argachuuf guyyaa guutuu in kajeela, namni qajeelaan immoo harka keessa utuu hin qabatin in kennaaf.

²⁷Aarsaan namni jal'aan dhi'eessu, Waaqayyo duratti jibbamaa erga ta'ee, aarsaan namni yaada hamaatiin dhi'eessu immoo caalaatti hammam ciigga'amaa haa ta'u ree*!

²⁸Namni sobaan dhugaa ba'u in bada, dubbiin namni irratti yaadee dubbatu garuu, in fudhatama*.

²⁹Namni jal'aan ija-jabinaan in falma, garuu namni yaada qajeelaa qabu karaa isaatti jabaatee in dhaabata.[116]

³⁰Ogummaan yookiis hubannaan yookiis mareen, Waaqayyoon mormee dhaabachuu danda'u hin jiru*.

³¹Fardi guyyaa lolaatiif qophaa'aa dha, mo'icha kan namaa kennu garuu Waaqayyoo dha*.[117]