Read west central oromo Macaafa Fakkeenyaa 22 Bible Online

Macaafa Fakkeenyaa 22 - west central oromo bible

Macaafa Fakkeenyaa 22

¹Badhaadhummaa guddaa irra, maqaa gaarii wayya; meetii yookiis warqee irra, faara tolaadhaan ilaalamuu wayya*.

²Isaan lachuus Waaqayyotu uume waan ta'eef, sooressii fi hiyyeessi wal qixxee dha*;

³namni hubataan wanta hamaa in arga, jalaas in dhokata, namni wallaalaan garuu itti in adeema, in adabamas*.[118]

⁴gad of deebisuu fi Waaqayyoon sodaachuun, qabeenya, ulfinaa fi jireenya namaaf in kenna*.

⁵Qoraattiinii fi kiyyoon karaa nama jal'aa keessa jiru, namni ofii isaa eeggatu garuu isaan irraa in gora.

⁶Akka itti jiraachuun ta'u mucaa barsiisi! Innis yommuu dulloomu iyyuu irraa hin kaatu.

⁷Sooressi hiyyeessa in bulcha, inni liqeeffatus abbaa liqiitiif hojjetaa dha*.[119]

⁸Namni firdii jal'isu, rakkina in haammata; uleen dheekkamsa isaatiis in caba*.

⁹Sababii buddeena isaa irraa isa dhabaadhaan ga'uuf, namni arjaan eebbifamaa in ta'a*.

¹⁰Qoccolloon akka hafutti, nama ga'isaa ofittii fageessi! Yommus lollii fi salphinni in dhaabata*.

¹¹Namni yaadni garaa isaatii akka qullaa'u jaallatu, haasaan isaas gurra namaatti kan tolu, fira mootii in ta'a*.[120]

¹²Iji Waaqayyoo beekumsa in eega, dubbii warra hin amanamnee garuu gara in galcha.

¹³Namni dhibaa'aan, ?Leenci ala jira, yookiis karaa gubbaatti nan du'a ta'a? in jedha*.

¹⁴Afaan dubartii ejjituu akka boolla gad fagoo ti, namni Waaqayyo itti dheekkamu achi keessatti in kufa*.

¹⁵Wallaalumni yaada mucaatti qabamee jira, uleen adabaa garuu wallaaluma oofee isattii in fageessa*.

¹⁶Namni sooressaaf kennaa kennuuf, inni qabeenya isaatti dabalachuuf hiyyeessa cunqursu in hiyyooma.[121]

¹⁷Gurra kee as qabi! Dubbii ogeessi dubbatu dhaggeeffadhu! Yaada kees gara barsiisa kootti deebisi!

¹⁸Yaadatti yoo qabatte, waa'ee isaanii dubbachuun si harkaa hin badu yoo ta'e si gammachiisa.

¹⁹Ati iyyuu Waaqayyoon akka amanattuuf, ani har'a sin barsiisa.

²⁰Ani jecha fo'amaa, beekumsaa fi gorsa ba'eessa of keessaa isan qabu siif hin caafnee ree?

²¹Warra si erganiif deebii amanamaa akka deebiftuuf, dubbii dhugaa sana ani si hin barsiifnee ree?

²²Hiyyeessa sababii inni hiyyoomeef hin saamin, lafa yaa'iitti warra rakkatoo hin cunqursin!

²³Waaqayyo isaaniif in ilaala, nama isaan saamu Waaqayyo immoo isa in saama*.[122]

²⁴Nama dheekkamaatti hin firoomin, nama dafee aaruttis hin hidhatin*!

²⁵Isa irraa bartee, kiyyoo keessa akka of hin buufnetti of eeggadhu![123]

²⁶Hidhata nama waliigaltee jabeessuudhaaf harka namaa rukutuu, yookiis hidhata nama namaaf wabii darbuu hin ta'in*!

²⁷Sababiin isaa immoo ati waan baaftu yoo dhabde, afanni kee cinaacha kee jalaa in fudhatama.[124]

²⁸Dhagaa daarii isa abboonni kee dhaaban, iddoodhaa hin butin*![125]

²⁹Nama hojii isaatti harka tolu kana argitaa? Inni moototaaf in ergama, nama hin malleedhaaf garuu hin ergamu.