Read west central oromo Macaafa Fakkeenyaa 24 Bible Online

Macaafa Fakkeenyaa 24 - west central oromo bible

Macaafa Fakkeenyaa 24

¹Namoota jal'ootatti hin hinaafin, hidhata isaanii ta'uus hin hawwin*!

²Isaan garaa isaaniitti humnaan nama irratti ka'uu in yaadu, afaan isaaniitiinis wanta hamaa in dubbatu.[134]

³Manni ogummaadhaan ijaarama, hubannaadhaanis jabeeffamee in dhaabama;

⁴beekumsaan kutaawwan manichaa, wanta gati-jabeessaa fi badhaadhummaa nama gammachiisu hundumaan in guuta.

⁵Namni ogeessi nama jabaa caalaa aangoo qaba, namni beekaanis nama humna qabu irra in caala.

⁶Ati geggeessaa ogummaatiin lolaaf in baata, baay'ina gorsitootaanis mo'icha in argatta*.[135]

⁷Nama gowwaadhaaf ogummaan baay'ee ol fagoo dha, karra kellaa walga'ii keessattis afaan isaa hin saaqqatu.

⁸Namni wanta hamaa gochuudhaaf malu, ?Hamtu-gootee? in jedhama.

⁹Akeeki gowwummaa cubbuu dha, namoonnis ga'iftuu in ciigga'u.

¹⁰Ati bara rakkinaatti yoo raafamte, humni kee muraasa.

¹¹Warra gara du'aatti geeffaman oolchi, warra ajjeefamuuf hollachaa adeemanis deebisi*!

¹²Ati, ?Nuyi waa'ee kanaa hin beekne? yoo jette, inni garaa namaa qoru kana hin hubatuu ree? Inni jireenya kee eegu kana hin beeku ree? Inni namaaf akka hojii isaatti gatii isaa in kenna mitii ree?[136]

¹³Yaa ilma ko, dammi gaarii waan ta'eef, isa nyaadhu! Nadhiin dhaaba dammaa keessaa coccophu sitti in miyaa'a;

¹⁴akkasuma ogummaanis jireenya keef ba'eessa akka ta'u beeki! Ati isa yoo argatte guyyaa booddeetiif abdii qabda, abdiin kees hin badu*.[137]

¹⁵Akka nama jal'aa jireenya nama qajeelaa riphxee hin eeggatin, bultii isaa irrattis humnaan hin ka'in!

¹⁶Namni qajeelaan si'a torba utuma kufee iyyuu, deebi'ee in ka'a; namni jal'aan garuu, wanta hamaa keessatti in kufa*.[138]

¹⁷Yommuu diinni kee kufu, kufaatii isaatti hin gammadin; yommuu inni gufatus garaa kee keessatti hin gammadin*!

¹⁸Itti gammaduu kee Waaqayyo yoo arge hin jaallatu, dheekkamsa isaas isa irraa in deebisa.[139]

¹⁹Waa'ee namoota hamaa hojjetaniif hin aarin, warra jal'ootattis hin hinaafin*!

²⁰Namni hamaan abdii borii hin qabu, ibsaan nama jal'aas in dhaama*.[140]

²¹Yaa ilma ko, Waaqayyoon sodaadhu, mootiidhaaf ulfina kenni; hidhata warra ittiin mormaniis hin ta'in*!

²²Namoonni akkasii kun hamma liphsuu ijaatti in badu, badiisa isa Waaqayyo yookiis mootiin isaanitti fidu eenyutu beekuu danda'a ree?[141]

²³Jechi kanatti fufee jirus immoo jecha namoota ogeessotaa ti; firdiitti nama wal caalchisuun gaarii miti.

²⁴Nama jal'aadhaan, ?Ati qajeelaa dha? nama jedhu, namoonni in abaaru; sabni lafa irraas isa in ciigga'a.

²⁵Garuu warra nama jal'aa ifataniif gaarii in ta'a, eebbi gaariin isaaniif in dhufa*.[142]

²⁶Deebiin dhugaan, milikkita firooma dhugaa ti;

²⁷maasii qopheeffattee, waan ittiin jiraattu hamma argattutti mana hin dhaabbatin!

²⁸Akkasumaan nama irratti dhugaa hin ba'in, yookiis nama hin sossobin*!

²⁹Ati, ?Waanuma namni ana hojjeteen isa hojjedha, gatii hojii isaatiis isaaf nan deebisa? hin jedhin*![143]

³⁰Ani maasii nama dhibaa'aa keessa, iddoo dhaabaa waynii nama qalbii hin qabnee keessas nan adeeme;

³¹kunoo, qoraattiin iddoo hundumaatti in biqile, aramaan irra in gara gale, dallaan dhagaa isaas in jijjige;

³²yommus ani ilaaleen wanta kana yaadaan qabee, isan arge kana irraas barumsa nan argadhe.

³³Rafuudhaaf harka kee wal irra in qaxxaamursita, yeroo muraasa in mugda, yeroo xinnoo ishees in rafta;

³⁴garuu utuma ati raftuu hiyyumni akka saamtuutti, dhabinnis akka nama mi'a lolaa hidhateetti sitti in dhufa*.[144]