Read west central oromo Macaafa Fakkeenyaa 25 Bible Online

Macaafa Fakkeenyaa 25 - west central oromo bible

Macaafa Fakkeenyaa 25

¹Isaan kunis immoo fakkeenyota Solomoon, isa namoonni Hisqiyaas mootii Yihudaa caaffata irraa gara galfatanii dha*;

²waa dhoksuun ulfina Waaqayyoo ti, dubbii qorachuun ulfina moototaa ti*;

³akkuma ol fageenyi bantii waaqaa, gad fageenyi lafaas qoramuu hin dandeenye, akkasuma yaadni mootii qoramuu hin danda'u.[145]

⁴Inni meetii irraa mi'a hojjetu, meetii qullaa'aa akka qabaatutti, ati meeticha baqsii udaan isaa gati!

⁵Teessoon mootii qajeelummaadhaan cimee haa dhaabatuutii, gorsitoota hamoota mootii irraa dhowwi*!

⁶Mootii duratti ol of hin qabin, nama guddaas of hin fakkeessin!

⁷Mootichi guddaa biyyaa duratti ?Iddoo gara gadii dhaqi!? siin jechuu isaa irra, ?As ol kottu!? siin jechuu isaa wayya*.[146]

⁸Wanta tokko ijuma keetiin argiteef ariifattee gara yaa'iitti hin fidin! Namni dubbii isaa caalchisee keessa beeku yoo si sobsiise dhuma irratti maal goota ree?

⁹Namatti waan falmitu yoo qabaatte, namichumatti falmadhu malee, dhoksaa nama kan biraa hin mul'isin*!

¹⁰Kanaa'achis namni kana dhaga'u si in qaanessa, maqaa kee balleessuus gonkumaa hin dhiisu.[147]

¹¹Dubbiin yeroo isaatti dubbatamu, akka killa hudha qabuu isa meetiidhaa fi warqee itti naqanii miidhagsanii ti*;

¹²ifanni ogeessi nama isa dhaga'u ifatu, akka amartii gurraa isa warqee irraa hojjetamuuf, akka mi'a miidhaginaa isa warqee ba'eessa irraa tolfamuu ti;

¹³bishaan cabbiidhaan diilalaa'e yeroo makariitti akkuma garaa nama qabbaneessu, ergamaa amanamaanis akkasuma nama isa ergatu garaa in ciibsa.[148]

¹⁴Namni wanta hin kennineen of jaju, akka duumessaa fi qilleensa isa bokkaa of keessaa hin qabnee ti.

¹⁵Namni obsa-qabeessi bulchaa biyyaa garaa in laaffifata, namni arraba toles lafee nama in cabsa*.

¹⁶Damma yoo argatte, akka inni sitti baay'atee si hin balaqamsifnetti, hamma si ga'u duwwaa nyaadhu!

¹⁷Namni si nufee akka si hin jibbinetti, ammaa amma mana namaa hin dhaqin![149]

¹⁸Namni nama irratti sobaan dhugaa ba'u, akka bokkuu yookiis billaa yookiis xiyya qaramaa ti*;

¹⁹nama hin amanamne bara rakkinaatti amanachuun, akka nama ilkaan raafamuun waa alalfachuudhaaf, miilla lawwaasa'aadhaanis adeemuudhaaf amanatuu ti;

²⁰nama garaan isaa gadde faarfachuun, akka waan guyyaa dhaamochaa uffata isaa isa irraa fuudhanii ti, akka waan soogidda madaatti naqanii tis.[150]

²¹Diinni kee yoo beela'e buddeena inni nyaatu, yoo dheebotes bishaan inni dhugu kenniif.

²²Kana gochuu keetiin immoo, gaabbee akka inni yeella'u in goota; Waaqayyos gatii kee siif in deebisa*.

²³Qilleensi gara bitaa akkuma bokkaa fidu, jette-jetteen, ija dheekkamsaatiin nama ilaaluu in fida.

²⁴Haadha manaa qoccoltuu wajjin mana tokko keessa taa'uu irra, golee bantii manaa irra taa'uu wayya*.[151]

²⁵Oduu gaarii biyya fagoodhaa dhufu dhaga'uun, akkuma nama dheebotee bishaan diilalaa'aa dhuguu ti*;

²⁶namni qajeelaan nama jal'aa duratti kufuun, akka burqaa boora'ee, yookiis akka bishaan boollaa isa xuriin isaa ijaan ilaaluu nama jibbisiisuu ti.

²⁷Damma baay'isanii nyaachuun gaarii miti, ulfina mataa ofii barbaaduunis ulfina miti.

²⁸Namni of qabuu hin dandeenye, akka mandara dallaawwan isaa jijjiganii ti*.[152]