Read west central oromo Macaafa Fakkeenyaa 27 Bible Online

Macaafa Fakkeenyaa 27 - west central oromo bible

Macaafa Fakkeenyaa 27

¹Wanta guyyaan fidu hin beektu, kanaafis wanta bor ta'uun of hin jajin*!

²Namni si haa jaju malee, ati of hin jajin! Namni biraa si haa jaju malee, afaan keen of hin jajin!

³Dhagaan ulfaataa dha, cirrachi ba'aa dha, inni namni gowwaan tuttuqee nama aarsu garuu, isaan lachuu caalaa in ulfaata.

⁴Dheekkamsi akka gara-jabinaatti, aariin akka lollaatti guutee nama irra in dhangala'a; caalaatti garuu hinaaffaa dura eenyutu dhaabachuu danda'a?[159]

⁵Isa dhoksaatti nama jaallatu irra isa mul'inatti nama ifatu wayya*.

⁶Dhungachuu diinaa irra, rukutee madeessuu nama nama jaallatuu wayya*;

⁷namni quufe, damma in balfa; nama beela'aatti garuu wanti hadhaa'aan iyyuu in miyaa'a.

⁸Namni mana isaa irraa kaate, akka simbira mann'ee irraa kaatee ti;

⁹dibannii fi urgooftuun akkuma nama gammachiisan, akkasuma gorsi firaa inni dhugaan garaa nama in ciibsa.[160]

¹⁰Michuu kee fi michuu abbaa keetii hin dhiisin! Yeroo rakkina keetiitti mana obboleessa keetii hin dhaqin! Obboleessa fagoo jiru irra, ollaa dhi'oo jiru wayya*.

¹¹Yaa ilma ko, nama ana arrabsuuf deebii kennuu akkan danda'utti, ati ogeessa ta'i, garaa na ciibsi!

¹²Namni hubataan wanta hamaa argee jalaa in dhokata, wallaalaan garuu itti in adeema, in adabamas*.

¹³Wayyaa nama nama ormaaf wabii darbuu qabsiisa fudhadhu! Qooda namicha hin beekamne sanaa, wayyaa isaa qabsiisa godhii fudhadhu*![161]

¹⁴Namni ganama obboroo ka'ee, sagalee guddaadhaan nama yoo eebbise, eebbi sun abaarsa itti in fakkaata.

¹⁵Haati manaa qoccoltuun, akka mana guyyaa bokkaan roobu dhimm'isaa ooluu ti;

¹⁶ishee ittisuun akka nama qilleensa ittisuu, yookiis akka nama dhadhaa ejersaa qabuuf yaaluu ti*;

¹⁷sibiilli sibiila in qara, namnis nama biratti in qarama.

¹⁸Namni muka harbuu dhaabu ija isaa in nyaata, namni gooftaa isaa eegu ulfina in argata.[162]

¹⁹Bishaan nama isa keessa ilaale akkuma mul'isu, akkasuma yaadni namaas namichuma in mul'isa.

²⁰Iddoon lafa jalaa fi lafti badiisaa ?In quufne? akkuma hin jenne, iji namaas akkasuma ilaalee hin quufu*;

²¹meetiinii fi warqeen qodaa itti baqfaman keessatti akkuma qoraman, akkasuma namni afaan warra isa galateeffatuutiin in ilaalama.

²²Gowwaa akka midhaaniitti moonyeetti yoo tumte iyyuu, gowwuma isaa isa irraa hin baaftu.

²³Bushaayeen kee attamitti akka jiran yaadaan qabi, saawwan kees ba'eessa godhii eeggadhu![163]

²⁴Soorumni bara baraan nama harkatti hin hafu, gonfoon mootummaas dhalootaa dhalootatti hin darbu.

²⁵Okaan yeroo haamamu, margis jalaan yommuu biqilu, biqilli tulluu irraas yommuu sassaabamu,

²⁶hoolota keetiin daara in baata, korbeeyyii re'oota keetiinis lafa in bitatta.

²⁷Soora keetiif soora maatii keetiif, xomboreewwan kee ittiin jiraachisuufis kan si ga'u, aannan reettii in qabaatta.