Read west central oromo Macaafa Weedduu Weedduu Caalu 1 Bible Online

Macaafa Weedduu Weedduu Caalu 1 - west central oromo bible

Macaafa Weedduu Weedduu Caalu 1

¹Kun weedduu Solomoon isa weedduu hundumaa irra caaluu dha*.

²?Jaalalli kee daadhii waynii irra waan caaluuf, afaan koo keessa na dhungadhu*!

³Fooliin urgooftuu dibataa kee namatti tola, maqaan kee dha'amuunis akka urgooftuu dhangala'ee ti, kanaafuu durboonni si jaallatu*;

⁴na fudhadhuu sokki! Dafnee in fiigna! Gara diinqa keetti na geessi yaa mootii! Nuyi durboonni sitti in gammanna, in ililchinas; jaalala kees daadhii waynii caalaa in jajanna; durboonni hundinuu dhuguma si jaallatu*.[1]

⁵?Ani gurraattii yoon ta'e iyyuu miidhagduu dha; yaa intaloota Yerusaalem, yaa warra akka godoo Qedaar, yaa warra akka golgaa Solomoonis!

⁶Ani gurraattii waanan ta'eef, aduun waan na gurraachesseefis ija anatti hin baasinaa! Obboloonni koo anatti dheekkamanii, iddoo dhaabaa waynii isaanii na eegsifatan; iddoo dhaabaa waynii kootii garuu ani hin eegganne.

⁷Yaa isa garaan koo jaallatuu! Bushaayee kee eessa tikfatta? Waareettis eessa boqochiifta? Ani maaliifan karra bushaayee firoota kee bira asii fi achi joora?? jette.

⁸?Yaa ishee durboota hundumaa irra miidhagduu! Ati ofii keetii hin beektu yoo ta'e, bushaayee faana dha'ii adeemi! Ilmoolee kees godoo warra tiksootaa bira dheechifadhu!

⁹Yaa hiriyee ko, ati akka farda ishee konkolaataa Fara'oon harkiftuu ti;

¹⁰maddiin kee amartii gurraattiidhaan, mormi kees dirata warqeetiin in miidhagfame;

¹¹dirata warqee siif in tolchina, guroo meetiis itti in rarraafna? jedhe.

¹²?Yeroo mootiin maaddiitti taa'u, urgooftuun naardos ana irraa isatti in urgaa'a*;

¹³jaalalleen koo akka qodaa qumbii ti, inni harma koo gidduu in boqota;

¹⁴jaalalleen koo anaaf akka daraaraa urgaa'uu ti, akka iddoo dhaabaa waynii mandara En-Gedii keessaa tis? jette.[2]

¹⁵?Yaa hiriyee koo, kunoo ati miidhagduu dha, ati baay'ee miidhagduu dha! Iji kees akka ija gugee kuullee dha? jedhe.

¹⁶?Yaa michuu ko, atis baay'ee miidhagaa dha! Ati dhuguma nama in mararta, margi lalisaanis iddoo ciisicha keenyaa ti.

¹⁷Utubaan mana keenyaa muka gaattiraa ti, qinaaxxiin isaas muka ejersaa ti? in jetti.