Read west central oromo Macaafa Weedduu Weedduu Caalu 3 Bible Online

Macaafa Weedduu Weedduu Caalu 3 - west central oromo bible

Macaafa Weedduu Weedduu Caalu 3

¹?Isa garaan koo jaallatu halkan guutuu siree koo irra nan barbaade, barbaadees isa hin arganne; [ani isa nan waame, innis na jalaa hin oowwaanne]

²ani ka'ee mandara keessa, karaa irra, walga'ii karaa irra naanna'ee isa nan barbaada; isa garaan koo jaallatu sanas nan barbaade, garuu isa hin arganne.

³Warri mandara eegan, utuu asii fi achi adeemanii na argan; ani immoo, ?Isa garaan koo jaallatu argitaniittuu?? jedhee nan gaafadhe*;

⁴ergan xinnoo isaan bira darbee immoo, isa garaan koo jaallatu sana argadhee, isa nan qabadhe, gadis isa hin dhiifne; gara mana haadha kootti, gara kutaa mana haadha koo ishee na deesseettis nan galfadhe*.[5]

⁵?Yaa intaloota Yerusaalem, jaalallee koo isa akka kuruphee yookiis akka borofa caakkaa, hamma inni ofiin ka'utti hin dammaqsinaa*![6]

⁶?Inni lafa onaa keessaa akka utubaa aaraatti ol ba'aa jiru, inni fooliin isaa akka qumbii fi ixaana, isa naggaadeen urgooftuu hundumaa irraa waliin maktee hojjette kun eenyu*?

⁷Ilaa, teessoo Solomoon, humna-qabeeyyii Israa'el keessaa jaatamni itti naanna'anii jiru;

⁸hundumti isaanii billaa baatu, lolaaf kan qopheeffamanii dha; sababii bir'aa halkaniitiifis, billaa isaanii gudeeda irra kaa'atanii taa'u.

⁹Solomoon mootichi muka Liibaanon irraa siree golgaa qabu kan ittiin isa baatan in hojjechiifate.

¹⁰Miilli siree sanaa meetii irraa, irkoon isaa warqee irraa, iddoon taa'umsaa uffata dhiilgee irraa hojjetame; gidduu isaa intaloota Yerusaalemtu bareechee hojjeteef.

¹¹Yaa intaloota Yerusaalem, dhaqaatii gonfoo Solomoon mootichaa, isa haati isaa guyyaa fuudha isaatii, guyyaa garaan isaa gammadettis isaaf kennite ilaalaa!? jette.[7]