Read west central oromo Macaafa Weedduu Weedduu Caalu 6 Bible Online

Macaafa Weedduu Weedduu Caalu 6 - west central oromo bible

Macaafa Weedduu Weedduu Caalu 6

¹Hiriyoonni ishee, ?Yaa ishee dubartoota hundumaa keessaa baay'ee miidhagduu! Michuun kee eessa dhaqe? Karaa kam irras ba'e? Mee ka'i, nuyis sii wajjin dhaqnee isa in barbaanna!? jedhan.

²?Michuun koo gara iddoo daabaa isaatiitti gad bu'e, gara madabii biqiltuun urgooftuu irratti guddifamuu dhaqe; inni horii isaa achi in tiksa, daraaraas in cirata.

³Michuun koo kan koo ti, anis kan michuu kootii ti; inni daraaraa keessa horii isaa in tiksa? jette*.[11]

⁴?Yaa hiriyee ko, ati akka Tiirzaa miidhagduu dha, akka mandara Yerusaalem nama in mararta, akka loltoota faajjii baataniis nama in sodaachifta*;

⁵akka inni ana hin hawwannetti, ija kee ana irraa buqqisi! Rifeensi mataa kee re'oota tulluu Giil'aad irraa gad yaa'an fakkaata;

⁶ilkaan kees akka hoolota dhagni isaanii dhiqamee bishaan keessaa ba'anii ti; hoolonni kun hundinuu lakkuu dhalu malee, isaan keessa maseenni tokko illee hin jiru;

⁷maddiin kee rumaanii baqaqfame fakkaata, innis shaashii ati haguuggattu keessaan in mul'ata*.

⁸Mootuuwwan jaatamni, saajjatoonni saddeettamni, durboonni lakkoobsi isaanii dhuma hin qabne yoo jiraatan illee,

⁹gugeen koo isheen mudaa hin qabne, isheen haadha isheetiif tokkittii, isheen deesse ishee marartu, anaaf tokkittii koo ti; durboonni ishee arganii ?Eebbifamtuu? jedhaniin; mootuuwwanii fi saajjatoonni ishee in jajan? jedhe.[12]

¹⁰?Isheen akka boruu ganamaa ol baatu, akka ji'aa miidhagdu, akka aduu iftu, akka loltoota faajjii baatanii nama sodaachiftu kun eenyu?? jedhan*.

¹¹Inni immoo, ?Ija mukkeetii dachaa sana keessa jiranii ilaaluudhaaf, mukti waynii daraaree, rumaaniinis hudheera yoo ta'e hubachuudhaaf, gara dachaa dhaabaa muka meexxii nan dhaqe*.

¹²Utuma ani hin beekin yaadni koo na butee, konkolaataa gurguddoota saba kootii irra na kaa'e? jedhe.[13]