Read west central oromo Macaafa Isaayaas Raajichaa 17 Bible Online

Macaafa Isaayaas Raajichaa 17 - west central oromo bible

Macaafa Isaayaas Raajichaa 17

¹Wanti mandara Damaasqoo irratti ta'uuf jiru kanatti fufe jira; Waaqayyo, ?Kunoo! ?Damaasqoon diigamtee in tuulamti, mandara ta'uun ishees in hafa;

²mandaroonni Aro'er in onu, iddoo bushaayeen itti yaatus in ta'u; bushaayee warra achi cicciisan sanas namni wareersu hin jiru.

³Mandaroonni masaraa qaban Efreem keessaa, mootummaanis Damaasqoo keessaa in bada; ulfinni warra Sooriyaa keessaa hafanii immoo, akkuma ulfina Israa'elootaa in ta'a? jedhee, ani Waaqayyo gooftaan maccaa dubbadheera? jedhe*.[83]

⁴Waaqayyo, ?Yeroo sanatti ?Ulfinni Israa'el gad in deebi'a, gabbinni dhagna isaas irraa in dhuma;

⁵akka maasii midhaan irraa makaramuu, akka dachaa Refaa'iim isa qarmiin keessaa funaanamuus in ta'a;

⁶akka muka ejersaa isa yommuu iji isaa irraa ciramu, fiixee isaa irratti iji lama yookiis sadii, damee isaa irratti immoo iji afur yookiis shan hafuu in ta'a? jedhee, ani Waaqayyo gooftaan Israa'el dubbadheera? jedhe.

⁷Gaafas namoonni gara isa isaan uumee in ilaalu, ija isaaniis gara isa qulqulluu isa kan Israa'elitti in deebisu;

⁸gara iddoo aarsaa isa ofii isaaniitii hojjetanii, gara utuboota fakkeenya waaqayyittii tolfamtuutiif dhaabamanii, gara iddoo ixaanaa isa harka isaaniitiin hojjetaniis hin ilaalan*.

⁹Akkuma mandaroonni Hiiwotaa fi Amoorotaa yommuu namoonni Israa'el biyyicha qabatan ta'an, yeroo sanatti mandaroonni isaanii warri masaraa qaban, akka ona caakkaan dhaalee in ta'u, in diigamus.

¹⁰Ati Waaqayyoon isa si fayyisu waan irraanfatteef, kattaa isa iddoo baqaa siif ta'es waan hin yaadatiniif, dhaabaa gaarii yoo dhaabbatte, biqiltuu biyya ormaas yoo dhaabbatte*,

¹¹guyyaadhuma dhaabde sanattis jala soquu yoo jalqabde, innis borumtaa isaa ganama yoo siif daraare, guyyaa dhukkubni isa hin fayyifne itti dhufutti, wanta makarattu hin qabdu.[84]

¹²Saba warra kaan warra akka galaanaa huursaniif warra akka bishaan guddaa didichaniifis wayyoo!

¹³Sabni kun akka lolaa bishaanii yoo huursan iyyuu, yommuu Waaqayyo isaan ifatu, jalaa baqatanii in fagaatu; akka habaqii qilleensi gaara irraa fuudhee adeemuu, akka awwaara bubbeen gara gaggalchuus in ta'u*.

¹⁴Galgala naasuun in ta'a, utuu lafti hin bari'in immoo in dhabamu; kunoo, warri nu saamanii nu booji'anis, akkasuma in ta'u*.[85]