Read west central oromo Macaafa Isaayaas Raajichaa 21 Bible Online

Macaafa Isaayaas Raajichaa 21 - west central oromo bible

Macaafa Isaayaas Raajichaa 21

¹Wanti waa'ee lafa onaa isa galaana bukkeetiif dubbatame, kanatti fufee jira; bubbeen biyya gara-mirgaa akkuma bubbisu, akkasuma lafa onaadhaa, biyya nama sodaachisuu wanti balleessu tokko in dhufa;

²wanti anatti mul'ate kun nama sodaachisa; mul'atichis, ?Inni saamu in saama, inni balleessus in balleessa; yaa Elaam ka'i! Yaa Medoon marsi! Inni Baabilon nama rakkisaa turte hundinuu asuma irratti akka dhaabatu nan godha? kan jedhu ture*.[97]

³Ani kana yommuun arge, yommuun dhaga'es, na'ee dugdi koo na cite, akka dubartii ciniinsifattuus ta'ee, gad nan gugguufe.

⁴Garaan koo in raafame, naasuunis na rom'isiise, ?Aara galfachuudhaaf yoom anaaf dhi'a?? jedhee nan hawwe; inni garuu naasuutti na duraa geddarame*.

⁵Wanta irra taa'an afaa, maaddii qopheessaa! Nyaadhaa, dhugaa! isin gurguddoota nana ka'aa, gaachana keessan dibaatii haxaa'aa![98]

⁶Waaqayyo gooftaan anatti dubbatee, ?Dhaqii eegduu dhaabi, inni immoo wanta argu haa himu!

⁷Konkolaataa, abboota fardeenii lama lama ta'anii adeeman konkolaataa harreedhaan harkifamuu fi konkolaataa gaalaan harkifamu yommuu argu, ba'eessa godhee hubatee haa ilaalu!? naan jedhe.

⁸Eegdichis iyyee, ?Yaa gooftaa, ani guyyaa hundumaa iddoo dhaabatanii eegan kana nan dhaabadha, halkan hundumaas dammaqee nan eega.

⁹Ilaa! Jarreen tokko konkolaataa fardeeniin harkifamu yaabbatanii dhufaa jiru? jedha; isaan keessaa inni tokko immoo ka'ee, ?In kufte! Baabilon in kufte! Fakkeenyi waaqayyolii tolfamoo ishee hundinuus caccabanii lafatti in dabalaman? jedhe*.

¹⁰Yaa warra akka midhaan oobdii keessaa rukutamtanii, ani wantan Waaqayyo gooftaa maccaa isa kan Israa'el irraa dhaga'e isinitti nan hima.[99]

¹¹Wanti waa'ee Edoomiif dubbatame kanatti fufee jira; namni tokko Se'iirii na waamee, ?Yaa eegduu, halkan kun bari'uuf hammamtu hafe? Yaa eegduu, halkan kun bari'uuf hammamtu hafe?? naan jedhe[100].

¹²Eegdichis deebiseefii, ?Ganamni, galgallis in dhufa, wanta gaafattu yoo qabaatte garuu deebi'ii kottuutii gaafadhu!? jedhe.

¹³Wanti waa'ee biyya Arabaatiif dubbatame kanatti fufee jira; yaa imaltuu warra Dedaan, caakkaa keessa buufadhaatii achuma bulaa!

¹⁴Yaa warra biyya Teemaa, warra dheebotaniif bishaan kennaa! Warra Dedaanii baqatanii dhufan buddeenaan simadhaa!

¹⁵Isaan billaa jalaa, billaa luqqifame jalaa baqatan; iddaa dhifamee fi lola guddaa jalaas in ba'an.

¹⁶Ammas wanti Waaqayyo anatti himee, ?Akka namni qacaramee hojjetu waggaa lakkaa'atutti, si'achi waggaa tokko keessatti, ulfinni Qedaar gad in deebi'a*;

¹⁷ilmaan Qedaar warra jajjaboo warra xiyyaan warraanan keessaas muraasi in hafu? kan jedhuu dha; Waaqayyo gooftaan Israa'el kana dubbateera.[101]