Read west central oromo Macaafa Isaayaas Raajichaa 22 Bible Online

Macaafa Isaayaas Raajichaa 22 - west central oromo bible

Macaafa Isaayaas Raajichaa 22

¹Wanti dachaa isa ?Dachaa mul'ataa? jedhamee beekame irratti dubbatame kanatti fufee jira; isin maal taatan? Maaliif hundumti keessan bantii manaa irratti ol baatan?

²Yaa mandara iyyaa fi wacaan guutuu yaa ishee gammadduu! Loltoonni kee warri dhuman, billaadhaan yookiis lola keessatti hin dhumne;

³bulchitoonni kee hundinuu walii wajjin in baqatan, xiyya tokko illee utuu gad itti hin dhiisin hundumti isaanii in qabaman; warri si keessa jiraatan hundinuu fagoodhumatti diina jalaa baqatanii turan, hundumti isaanii garuu in qabaman.

⁴Kanaafis, ?Mandarri saba koo waan diigamteef, mararamee nan boo'aatii ana hin ilaalinaa, na jajjabeessus hin yaalinaa!? nan jedhe*.[102]

⁵Waaqayyo gooftaan maccaa, gaaf tokko, raafamuu, lafatti dhidhiitamuu, walii walaalchifamuus ?Dachaa mul'ataa? isa jedhamu sanatti in erga; gaafas dallaan dhagaa in jijjiga, iyyis gara tulluutti ol in ba'a.

⁶Warri Elaam korojoo xiyyaa, konkolaataa namni irra taa'uu fi fardeen fudhatanii in ka'u; warri Qiir gaachana isaanii mann'ee keessaa in baasu.

⁷Dachaa kee isa miidhagaa keessa konkolaataan in guuta, abootiin fardeeniis karra mandara kee dura in ijaajju;

⁸Yihudaa irraa golgaan in fuudhame; yommus isin gara mi'a waraanaa isa mana isa ?Caakkaa Liibaanon? jedhamu keessa jiru in ilaaltan.

⁹Cabaa dallaa mandara Daawit isa baay'ees in argitan, kuufama bishaanii isa gara gadii keessaa bishaan waraabdanii walitti in qabdan*.

¹⁰Manneen mandara Yerusaalem keessa jiran in lakkooftan, isaan keessaas gar tokko diigdanii ittiin dallaa mandarichaa in cimsitan*;

¹¹bishaan isa kuufama bishaanii isa durii keessaa ba'uu fi dallaa lamaan gidduutti iddoo itti bishaan walitti qaban in ijaartan; gara isa kana hojjetee garuu hin ilaalle, isa durii durii jalqabee tolches hin argine.[103]

¹²Guyyaa sanatti Waaqayyo gooftaan maccaa, gadditanii, boossanii, mataa haaddattanii, uffata gaddaas akka uffattaniif isin in waame*.

¹³Kunoo! Garuu gammaduu, ililchuu, sangootaa fi hoolota qaluu, foon nyaachuu, daadhii wayniis dhuguutu ture; ?Bor in duuna erga ta'e, kottaa har'a in nyaana, in dhugnas? waliin in jedhu*.

¹⁴Waaqayyo gooftaan maccaa anatti dubbatee, ?Dhugumaan yakka kanaan in duutu malee, isiniif hin dhiifamu!? jedhe; Waaqayyo gooftaan maccaa kana dubbateera.[104]

¹⁵Wanti Waaqayyo gooftaan maccaa dubbate kanatti fufe jira, ?Ka'ii gara Shebnaa isa hojii mana mootummaa adeemsisu dhaqii itti dubbadhuutii*,

¹⁶?Ati asitti iddoo awwaalaa lafa ol ka'aa garaa dhagaa keessatti kan qopheessifatte, iddoo bultii kees kattaa keessatti kan tolchiifatte, asii maal qabda? Eenyunis asii abdatta?

¹⁷Yaa nama aango-qabeessaa, kunoo! Waaqayyo jabeessee si qabee, furguggisee si baasuuf jira;

¹⁸inni akka ijoo kollee si furuursee biyya fagoo keessa si buusa; ati achitti in duuta, konkolaattonni kee warri ulfina-qabeeyyiinis achitti in hafu; ati mana gooftaa keetiitti muka salphinaa in taata;

¹⁹kanaaf inni immoo iddoo keetii gad si buusa, hojii kee irraas si kaasa? jedhiin.[105]

²⁰?Ani Waaqayyo yommus garbicha koo Eliyaaqimin ilma Hilqiiyaa nan waama;

²¹qoloo kee isatti nan uffisa, sabbata kees mudhii isaatti nan hidha, hojii isa ati adeemsisaa turtes isatti nan kenna; inni warra mandara Yerusaalem keessa jiraataniif, mana Yihudaatiifis abbaa in ta'a*;

²²gooftummaa inni ittiin mana Daawit banu ani gatiittii isaa irra nan kaa'a; kan inni banu namni tokko illee hin cufu; kan inni cufus namni tokko illee hin banu*;

²³ani iddoo amanamaa irra jabeessee isa nan dhaaba; inni mana abbaa isaatiif gonfoo ulfinaa in ta'a.[106]

²⁴?Ulfinni mana abbaa isaatii jiru hundinuu, ijoolleen, ijoolleen ijoollee isaanii, qodaa xixinnaan mana keessaa, kan akka xuwwee fi okkotee isatti ba'aa in ta'u.

²⁵Ani Waaqayyo gooftaan maccaas yommus, ?Inni akka qofootti iddoo amanamaa irra jabaatee dhaabate sun maramee lafa in dha'a; wanti inni baatee jiru hundinuus in caccaba? nan jedha? jedhe; Waaqayyo kana dubbateera.