Read west central oromo Macaafa Isaayaas Raajichaa 23 Bible Online

Macaafa Isaayaas Raajichaa 23 - west central oromo bible

Macaafa Isaayaas Raajichaa 23

¹Wanti mandara Xiiros irratti ta'uuf jiru kanatti fufee jira; markaboonni Tarshiish biyya Qophrosii utuu deebi'anii, Xiiros diigamtee, manneenii fi iddoo buufata markabaa malee hafuu ishee dhaga'anii in wawwaatu*;

²isin naggaadonni Sidoon, warri qarqara galaanaa jiraattan, warri ergamoonni keessan markabaan galaana irra adeeman calluma jedhaa!

³Midhaan Siihor galaana guddicha irra, wanti qarqara galaana Abbayyaatii makaramus, galaana irra gara Sidoonitti in geeffama ture; isheen saba lafa irraatiif iddoo nagadaa taatee turte*.[107]

⁴Yaa Sidoon yeella'i! Galaanni dubbatee, humni galaanaas himee, ?Ani hin ciniinsifanne, hin deenyes; ijoollee dhiiraa harma hin hoosifne, ijoollee durbaas hin guddifanne? jedhe.

⁵Xiiros akka diigamte yommuu dhaga'an, warri Gibxii na'anii in rom'u.

⁶Yaa warra galaana qarqara jiraattanii, gara Tarshiishitti ce'aatii wawwaadhaa!

⁷Kun mandara keessan ishee gammachuu qabdi turte, ishee bara baay'ee jiraatte, namoonni ishees biyya fagoo dhaqanii akka taa'aniif ergaa turte sana mitii?

⁸Xiiros ishee dur gonfoo namaaf kennaa turte, ishee naggaadonni ishee gurguddoota biyyaa turan, warri mi'a ishee gurguranis biyya lafaa irratti ulfina-qabeeyyii turan, egaa eenyutu ishee irratti murtoo godhe?

⁹Waaqayyo gooftaa maccaatu, of bokoksuu gurguddoota ishee hundumaa gad deebisuudhaaf, namoota ishee warra biyya lafaatti ulfina argatan hundumaas salphisuudhaaf, ishee irratti murtoo godhe.

¹⁰Yaa mandara Tarshiish, akkuma lagni Abbayyaa guutee irra danbali'u, si'achi ittisi waan hin jirreef, galaanni si irra in yaa'a;

¹¹Waaqayyo harka isaa galaana irratti ol fudhatee mootummoota rom'isiiseera; masaraan Kana'aanis akka diigamuuf abboomeera.

¹²Inni mandara Sidoonitti immoo dubbatee, ?Ati yaa mandara Sidoon ishee namni itti roorrisuu! Si'achi deebitee gammachuu hin argattu, ka'ii biyya Qophrositti gad bu'i, garuu achumatti iyyuu boqonnaa hin argattu? jedheen.

¹³Mee biyya Baabilon ilaalaa! Sabni amma hin beekamne kun dur achi ture, warri Asor riqaa itti ijaaranii, masaraa isaas in diigan; biyya sanas iddoo bineensi jiraatu in godhan.

¹⁴Masaraan keessan waan diigameef, isin yaa warra markaboota Tarshiish ooftanii wawwaadhaa!

¹⁵Yommus Xiiros waggaa torbaatamaaf in irraanfatamti, innis bara jireenya mootii tokkoo ti; waggaa torbaatama booddee immoo akkuma weedduu warra gaalamootaa keessatti*,

¹⁶?Ka'ii kiraara kee fudhadhu yaa gaalamoota irraanfatamtee, akka yaadatamtutti mandara keessa naanna'i, sagalee miidhagaadhaan weeddisii faarfadhu!? jedhamee in ta'a*.[108]

¹⁷Waggaa torbaatama booddee Waaqayyo, Xiirosin in yaadata; isheen immoo deebitee nagada isheetii fi gaalamootummaa isheetiin horii in argatti; mootota biyya lafaa irra jiran hundumaa wajjinis in ejjiti*;

¹⁸bu'aan ishee fi wanti isheen argattu garuu Waaqayyoof kennaa addaan baafame ta'a malee, walitti qabamee hin tuulamu; warri Waaqayyoof hojjechuudhaaf fuula isaa dura dhaabatan nyaata gaarii fi uffata miidhagaa ittiin in bitatu*.[109]