Read west central oromo Macaafa Isaayaas Raajichaa 39 Bible Online

Macaafa Isaayaas Raajichaa 39 - west central oromo bible

Macaafa Isaayaas Raajichaa 39

¹Merodaak-Baladaan ilmi Baladaan mootiin Baabilon, Hisqiyaas dhukkubsatee akka fayye yommuu dhaga'e, caaffataa fi kennaa namootatti in ergeef;

²Hisqiyaas jarreen ergaman sana gammachuudhaan simatee, mana qabeenya isaatii keessa kan jiru hundumaa, meetii, warqee, urgooftuu, dhadhaa ejersaa isa ba'eessa, mi'a waraanaa, badhaadhummaa biyya isaa keessa jiru hundumaa keessaa tokko illee utuu hin hambisin isaanitti in argisiise.

³Kana booddee Isaayaas raajichi gara Hisqiyaas mootichaa dhufee, ?Jarreen kun maal jedhan? Eessaas gara kee dhufan?? jedheen; Hisqiyaas immoo, ?Baabilon biyya fagoo sanaa ba'anii na bira dhufan? jedhe;

⁴itti fufees Isaayaas, ?Mana kee keessatti maalfaa argan?? jedhee gaafate; Hisqiyaas immoo deebisee, ?Wanta mana koo keessa jiru hundumaa arganiiru; qabeenya koo keessaa wanti ani isaanitti hin argisiisin tokko illee hin jiru? jedhe.

⁵Kana irratti Isaayaas raajichi Hisqiyaasiin, ?Mee wanta Waaqayyo gooftaan maccaa jedhu dhaga'i!

⁶Kunoo! Guyyaan itti qabeenyi mana kee keessa jiruu fi wanti abboonni kee hamma ammaatti walitti qaban hundinuu gara biyya Baabilonitti geeffamu in dhufa; wanti tokko illees siif hin hafu;

⁷ilmaan ati godhatte keessaas kaan gara biyya Baabilonitti in geeffamu; achittis xu'aashii ta'anii mana mootii Baabilon keessa in ergamu? jedha Waaqayyo.

⁸Yommus Hisqiyaas, ?Hamma ani jirutti nagaanii fi gabiin in ta'a? jedhee waan yaadeef, Isaayaasiin, ?Dubbiin Waaqayyoo inni ati amma dubbatte kun ba'eessa? jedhe.