Read west central oromo Macaafa Isaayaas Raajichaa 43 Bible Online

Macaafa Isaayaas Raajichaa 43 - west central oromo bible

Macaafa Isaayaas Raajichaa 43

¹Amma garuu yaa Yaaqoob, yaa Israa'el, Waaqayyo inni si uume, inni si tolches, ?Ani si fureera hin sodaatin, ?Ati kan koo ti? jedhees maqaa keetiin si waameera*;

²yommuu ati bishaan keessa adeemtu ani sii wajjinan jira, yommuu ati bishaan keessa ceetus bishaan si fudhatee hin badu; ibidda keessa yommuu darbitu hin gubattu, arrabni ibiddaas si hin qabatu*;

³ani Waaqayyo gooftaan kee isa qulqulluu kan Israa'el, ani fayyisaa kee ti; ani Gibxin furee keetiif, Kuushii fi Saabaas qooda kee nan kenna*;

⁴ati ana duratti gati-jabeessaa fi ulfina-qabeessa waan taateef, waanan si jaalladhuufis qooda lubbuu keetii, saba warra kaan dabarsee nan kenna;

⁵ani sii wajjin waanan jiruuf hin sodaatin! Sanyii kee gara ba'a-biiftuutii nan fida, gara lixa-biiftuutiis walitti siif nan qaba;

⁶ani biyya gara bitaatiin, ?Gad isaan dhiisi!? biyya gara mirgaatiinis, ?Isaan hin dhowwatin!? nan jedha; ilmaan koo biyya fagoodhaa, intaloonni koos andaara lafaatii haa dhufan*!

⁷Warri maqaa kootiin waamaman hundinuu, warri ani ulfina kootiif uummadhe, warri ani tolchee bifa itti godhe haa dhufan!? jedhe*.[199]

⁸Sabni ija utuu qabuu jaamaa ta'e, gurras utuu qabuu duudaa ta'e as haa dhufu*!

⁹Sabni lafa irraa hundinuu walitti haa qabaman, sabni garaa garaas wal haa ga'an, kun dhugaa ta'uu isaa akka himanitti, namnis kana dhaga'ee, ?Kun dhuguma!? akka jedhutti, isaan keessaa eenyutu wanta amma ta'e kana duraan dursee hime? Mee nama kana dhugaa isaaniif ba'u as haa dhi'eessan kaa*![200]

¹⁰Waaqayyo, ?Yaa saba nana, isin dhuga-baatuu koo ti, garbichi ani fo'adhes isinuma, isin akka beektaniif akka amantanitti, isa kana kan godhe ana Waaqayyo akka ta'e akka hubattanitti, ana dura Waaqayyo kan biraa hin turre, ana booddees Waaqayyo kan biraa hin jiraatu*.

¹¹Ana duwwaatu Waaqayyoo dha, ana malee fayyisaan kan biraa hin jiru*.

¹²Ani duraan dursee himeera, isin oolcheera, isinitti dubbadheeras; waaqayyoliin ormaa garuu isin gidduutti kana hin goone; ani duwwaan Waaqayyo akkan ta'e isin dhuga-baatuu koo ti!? jedhe; Waaqayyo kana dubbateera.

¹³Waaqayyo itti fufe, ?Ani ammas Waaqayyoo dha, gara fuula duraattis kan jiraatu anuma; harka koo keessaa waan tokko illee baasuu kan danda'u hin jiru, wanta ani hojjedhus kan gara galchu hin jiru? jedhe.[201]

¹⁴Waaqayyo inni isin fure, inni qulqulluun kan Israa'el, ?Ani isiniif jedhee Baabilonitti nama nan erga; innis hunduma isaanii, warra Kaldootaa iyyuu utuu hin hambisin, booji'ee markaboota isaaniitiin iyyaa akka adeeman in godha*.

¹⁵Ani Waaqayyo isa qulqulluu kan keessanii ti, isin warra Israa'el kan uume ana; mootiin keessanis ana? in jedha.

¹⁶Waaqayyo inni galaana keessa karaa baase, inni bishaan humna-qabeeyyii keessatti daandii tolche*,

¹⁷inni konkolaataa fi fardeen diinaa gad yaasise, loltuu fi mi'a lolaa achitti baasise sun, jara immoo achii utuu hin ka'in akka dhuman, akka fo'aa ibsaas dimimmisaa'anii akka dhaaman in godhe*.

¹⁸Kanaafis Waaqayyo, ?Isa durii hin yaadatinaa, wanta darbettis yaada keessan hin hidhinaa!

¹⁹Kunoo! Ani wanta haaraa nan godha, inni amma iyyuu as ba'uutti jira; isin hin argitanii? Ani lafa onaa keessa karaa nan baasa, lafa duwwaa keessas bishaanota nan yaasa;

²⁰ani saba koo warra ani fo'adhe obaasuudhaaf, lafa onaa keessaa bishaan burqisiisee, laga lafa duwwaa keessas bishaan waanan yaaseef, bineensonni caakkaa ulfina anaaf in kennu, waangonnii fi guchiiwwan na galateeffatu.

²¹Saba kana ofii kootiif uummachuun koo, akka inni na galateeffatuuf ture*.[202]

²²?Haa ta'u iyyuu malee, yaa Yaaqoob, ati ana hin waammanne, yaa Israa'el, ati na yaadachuu iyyuu in dadhabde;

²³qalma gubamu anaaf dhi'eessuudhaaf xobbaallaa hin fidne, aarsaa keetiinis anaaf ulfina hin laanne; kennaa midhaanii akka anaaf dhi'eessituuf si hin giddisiifne, ixaanas akka anaaf aarsituuf si hin dadhabsiifne.

²⁴Ati cubbuu keetiin na rakkifte, yakka keetiinis na dadhabsiifte malee, meetii keetiin muka urgooftuu anaaf hin binne, cooma aarsaa keetiinis garaa ana hin ciibsine*.[203]

²⁵?Ana, anumatu ofuma kootiif jedhee, irra-daddarbaa kee siif balleessa; cubbuu kees deebi'ee hin yaadadhu*;

²⁶wantan si godhe mee himadhu! Kottu walii wajjin dhugaa isaa keessaa in baafnaa! Dhugaa qabda yoo ta'eef akka siif beekamutti, dhimma kee himadhu*!

²⁷Dura abbaa keetu cubbuu hojjete, amma immoo warra siif dubbatantu na yakke;

²⁸kanaafan gurguddoota mana qulqullummaa keessaa hojjetan, akka wanta xuraa'aatti dabarsee kennee Yaaqoobin raawwadhee balleessee Israa'elin yeellaasise.[204]