Read west central oromo Macaafa Isaayaas Raajichaa 46 Bible Online

Macaafa Isaayaas Raajichaa 46 - west central oromo bible

Macaafa Isaayaas Raajichaa 46

¹Waaqayyolii tolfamoonni warra Baabilon, ?Beel? inni jedhamu in qoomma'a, ?Neboon? inni jedhamu immoo in gugguufa; isaan horii fe'umsaa fi horii qe'ee warra kaanitti in fe'aman; horii itti fe'aman sanas in dadhabsiisan.

²Waaqayyolii tolfamoonni sun in gugguufu, walii wajjinis in qoomma'u, fakkeenya isaanii isa baatamu sana oolchuu hin danda'an, ofii isaaniitii iyyuu booji'amanii in adeemu*.

³Waaqayyo, ?Isin yaa mana Yaaqoob, sanyii Israa'el keessaa warri haftan na dhaggeeffadhaa! Garaa haadha keessanii keessatti anatu isin eege, dhalachuu keessanii jalqabees anatu isin baate;

⁴yommuu isin dulloomtanii harrii baaftanis anumatu isin baata, dur anatu hojjete, anatu baates, ammas anatu baata, anatu fayyisas*.[217]

⁵?Eenyutti na fakkeessitu, eenyuu wajjinis wal nu qixxeessitu? Yookiis eenyuu wajjin wal fakkaannaa?

⁶Namoonni warri warqee korojoo isaanii keessaa baasanii, meetiis madaalii irra kaa'an, nama warqee tumu itti qacaratanii, Waaqayyo tolfamaa in hojjechiifatu, jilbeenfataniis isatti in sagadu;

⁷ol fuudhanii gatiittii irratti isa in baatu, geessaniis iddoo isaaf qophaa'e in kaa'u; inni achuma ijaajja malee, iddoo isaatii hin socho'u; rakkina keessattis tokko illee nama gargaaruu hin danda'u; namni yommuu isatti iyyatu, isa biraa deebii tokko illee hin argatu*.[218]

⁸?Isin warra irra-daddarbituu nana, kana yaadadhaa, garaattis qabadhaa*!

⁹Wanta dur ture yaadadhaa; ani Waaqayyoo dha, ana malee Waaqayyo kan biraa hin jiru, kan akka kootiis hin jiru*;

¹⁰ani wanta booddee dhufuuf jiru duraan dursee himeera, durii durii jalqabees wanta amma iyyuu hin ta'in jiru dubbadheera; akeeki koo dhaabataa in ta'a, wantan yaades nan raawwadha.

¹¹Joobira biyya ba'a-biiftuutii, nama akeeka koo fiixaan baasus biyya fagoodhaa nan waama; wantan dubbadhe iddoodhaan nan ga'a, akeeka koos nan raawwadha*.

¹²Isin warri mata-jabeeyyiin, warri qajeelummaattii fagaattan, na dhaggeeffadhaa!

¹³Ani qajeelummaa koo isinitti nan dhi'eessa, innis fagoo hin jiru; fayyisuun koos hin turu; ani Xiyooniif fayyina, Israa'eliifis ulfina nan kenna.[219]