Read west central oromo Macaafa Isaayaas Raajichaa 52 Bible Online

Macaafa Isaayaas Raajichaa 52 - west central oromo bible

Macaafa Isaayaas Raajichaa 52

¹Dammaqi yaa Xiyoon, humna godhadhuutii ka'i! Yaa Yerusaalem mandara qulqulluu nana, ka'ii uffata miidhaginaa keetii uffadhu! Si'achi warri dhagna hin qabatin, warri xuraa'onnis matumaa si keessa hin lixan*.

²Yaa intala Xiyoon ishee booji'amtee, hidhaan morma kee irraa hiikameera! Yaa Yerusaalem, awwaara of irraa hurgufii, ka'ii taa'i![250]

³Waaqayyo saba isaatiin, ?Isin gatii malee gurguramtanii turtan, ammas horii utuu hin baasin in furamtu? jedhe*.

⁴Waaqayyo gooftaan, ?Sabni koo duraan biyya Gibxii taa'uudhaaf achi gad bu'e, ergasii immoo warri Asor sababii malee isaan in cunqursan*;

⁵sabni koo wanta tokko iyyuu utuu hin argatin erga fudhatamee, amma immoo asii maalan qaba ree? Warri isaan mo'an isaan in boossisu, yeroo hundaas maqaan koo in arrabsama*;

⁶si'achi garuu sabni koo ani Waaqayyo akkan ta'e in hubata, yommus ani isa, ?Kunoo! Asan jira? jedhe akkan ta'e in bara? jedheera.[251]

⁷Warri nagaa labsanii, fayyina abdachiisanii, ?Waaqayyoon kee mo'eera? jedhanii, Xiyoonitti misraachoo himan, tulluu irraan mul'achuun isaanii maal maal nama gammachiisa*!

⁸Waaqayyo ulfina isaatiin Xiyoonitti deebi'uu isaa eegdonni kee ija isaaniitiin yeroo arganitti, in gammadu sagalee isaaniis dhageessisanii walii wajjin in faarfatu*.

⁹Waaqayyo saba isaa jajjabeesseera, Yerusaaleminis waan fureef, yaa ona Yerusaalem, walii wajjin gammadaa ililchaas!

¹⁰Biyyi lafaa guutummaatti daariidhaa hamma daariitti fayyisuu Waaqayyo keenyaa in arga; Waaqayyo irree isaa isa qulqulluu saba lafa irraa hundumaa duratti in mul'isa*;

¹¹sokkaa, achii ba'aatii sokkaa! Wanta xuraa'aas harkaan hin qabinaa! Isin warri mi'a Waaqayyoo baattan of qulleessaa, ishee keessaa ba'aatii sokkaa*!

¹²Waaqayyo inni kan Israa'el isin dura bu'ee waan adeemuuf, isin booddeedhaanis waan isin eeguuf, ariitiidhaan achii hin ba'inaa, baqattaniis hin adeeminaa*![252]

¹³Waaqayyo, ?Kunoo! Hojiin garbicha kootii wal in qixxaataaf; inni ol in fuudhama, in guddata, baay'ees ol in qabama.

¹⁴Haa ta'u iyyuu malee, akkuma namoonni yeroo isa argan na'anii dinqisiifatan, akkasuma danaan garbicha kootii waan badeef, bifni isaas kan ilmaan namootaa fakkaachuu waan dideef,

¹⁵sabni baay'een isa in dinqisiifatu, wanta dur hin beekne amma in argu, wanta dur hin dhageenyes amma in hubatu kanaafis mootonni isa duratti afaan in qabatu? jedhe*.[253]