Read west central oromo Macaafa Isaayaas Raajichaa 54 Bible Online

Macaafa Isaayaas Raajichaa 54 - west central oromo bible

Macaafa Isaayaas Raajichaa 54

¹Waaqayyo, ?Dubartii ishee abbaa manaa qabdu caalaa, dubartiin isheen abbaan manaa, ?Ijoollee in dhabde? jedhee dhiisee ijoollee baay'ee waan qabaattuuf, ati yaa ishee dhabdee dhala hin godhatin haftee, ati isheen takkaa hin ciniinsifatin, gammadii ililchi!? jedhe*.

²Iddoo dunkaana kee dhaabbattu bal'isi, dunkaana kee haleelii dhisi! Funyoo isaa dheeressi, qofoo isaas jabeessi!

³Ati gara mirgaa fi gara bitaatti in dagaagda, sanyiin kee saba warra kaan irraa biyya in fudhata, mandara onee ture keessas namoota isaa in galfata.[258]

⁴Ati si'achi hin qaanoftuutii hin sodaatin! Ati si'achi yeellaasifamtee lafa hin ilaaltuutii hin na'in! Arrabsamuu yeroo dargaggeettummaa keetii in irraanfatta, qaanii isa yeroo haadha hiyyeessaa turtees deebitee hin yaadattu.

⁵Inni si uume akka abbaa manaa siif in ta'a, maqaan isaas Waaqayyo gooftaa maccaa ti; inni si fure isa qulqulluu kan Israa'el, inni guutummaa biyya lafaatiif Waaqayyoo dha.

⁶ati akka dubartii utuma isheen misirrummaatti jirtuu abbaan manaa ishee ishee dhiisee, akka ishee garaa ishee keessatti baay'ee gadditee ti; Waaqayyo garuu deebisee si waame*,

⁷?Ani yeroo muraasaaf si dhiiseen ture, amma immoo oo'a guddaadhaan walitti sin qaba;

⁸ani baay'ee waanan sitti aareef yeroo muraasaaf fuula koo si duraa dhokseen ture, amma garuu jaalala bara baraatiin siif nan oo'a? jedha Waaqayyo inni si fure*.[259]

⁹Ammas Waaqayyo, ?Bara Nohitti, ?Ani si'achi lolaa bishaaniitiin lafa hin balleessu? jedhee akkuman kakadhe, akkasuma amma immoo, ?Ani sitti hin dheekkamu, si'achis si hin ifadhu*.

¹⁰Tulloonni yoo raafaman iyyuu, gaaronnis yoo socho'an iyyuu, araarri koo si biraa hin mittiqu, kakuun nagaa koos si biraa hin socho'u?? jedha; Waaqayyo inni siif oo'u kana dubbateera*.[260]

¹¹Waaqayyo, ?Ati yaa Yerusaalem ishee dhiphachaa jirtuu, ati bubbeedhaan asii fi achi darbatamte; namni si jajjabeessu hin turre; kunoo! Ani dhagaa gati-jabeessaan sin ijaara, hundee kees dhagaa Safiiros irra nan dhaaba;

¹²ani bantii riqaa keetii isa keessa taa'anii eegan, callee diimaadhaan, karrawwan kee dhagaa Kaarbunkiliin, dallaa dhagaa sitti naanna'ee jirus guutummaatti dhagaa gati-jabeessaan nan ijaara*.

¹³Ani Waaqayyo ilmaan kee hundumaa nan barsiisa, yommus nagaan ilmaan keetii guddaa in ta'a*;

¹⁴ati qajeelummaadhaan jabeeffamtee in dhaabamta, cunqurfamuu fi sodaan sittii in fagaatu, naasuunis gara keetti hin dhi'aatu;

¹⁵kunoo! Namni yoo si irratti ka'eef ana biraa waan hin ta'iniif, ati isa in balleessita.[261]

¹⁶?Kunoo! Nama iddoo ibiddaatti itti buufee sibiila tumu, isa harka isaatiin mi'a waraanaa qopheessu, isa hojii harka isaatiin nama balleessus akka inni balleessuuf anumatu uume;

¹⁷si balleessuudhaaf mi'i waraanaa yoo qopheeffame iyyuu, si miidhuu hin danda'u, dubbii warra firdii duratti si hammeessaniis in busheessita; kun wanta garboonni koo ana biraa argatanii dha, isa ani isaaniif dhugaa baasuu dhas? jedhe; Waaqayyo isa kana dubbateera.