Read west central oromo Macaafa Isaayaas Raajichaa 58 Bible Online

Macaafa Isaayaas Raajichaa 58 - west central oromo bible

Macaafa Isaayaas Raajichaa 58

¹Waaqayyo, ?Hamma dandeessu guddisii dubbadhu malee, of hin qabin! Sagalee kee akka fiinootti ol kaasii dhageessisi, saba kootti irra-daddarbaa isaanii, sanyii Yaaqoobitti cubbuu isaanii himi*!

²Isaan guyyaa hundumaa na barbaaddatu, karaa koo beekuus in fedhu, akka saba wanta qajeelaa hojjetuu fi seera koo isa qajeelaa hin dhiisiniitti, wanta gochuun isaaniif ta'u beekuu in fedhu; ana Waaqayyotti dhi'aachuus in jaallatu? jedhe*.

³Isaan, ?Ati gara keenya hin ilaaltu erga ta'ee, nuyi maaliif soomne? Ati nuuf hin beekne erga ta'ee, nuyi maaliif of dhiphifne?? in jedhu. Waaqayyo immoo, ?Kunoo! Yeroo soomtanitti waanuma jaallattan in raawwattu, hojjetoota keessanitti hojii in cimsitu*.

⁴Kunoo! Isin yommuu soomtan wal in qoccoltu, wal in loltu, abootteedhaanis wal in rukuttu; akka amma soomtan kanatti yoo itti fuftan kadhata keessan waanan isiniif dhaga'u isinitti fakkaataa ree?

⁵Soomiin ani fo'adhe isa akkasiitii ree? Inni isin soomuu dha jettan, isa namni gaaf tokko of dhiphisee, akka dhallaadduu coollagee mataa isaa gad qabatee, uffata gaddaas uffatee daaraa keessa taa'u kanaa*? Guyyaan Waaqayyo jaallatus isa kanaa?[277]

⁶?Soomiin ani fo'adhe warra firdii jal'aadhaan hidhaman hiikuu, hudhaa waanjoo ittii furuu, warra cunqurfaman luba baasuu, waanjoo hundumaas isaan irraa caccabsuu mitii ree*?

⁷Buddeena keessan warra beela'aniif, hiyyeessa olii fi gad jooruuf iddoo bultii kennuu, isa qullaa ta'e yommuu argitan daara baasuu, warra aantii keessan ta'anitti dugda gatuu dhiisuu mitii ree*?

⁸Yoo kana hundumaa gootaniif ifni keessan akka biiftuu ganamaa ol in ba'a, madaan keessanis dafee deebi'ee in fayya; qajeelummaan keessan isin dura in adeema, ulfinni koos isin booddeedhaan isin in eega*.[278]

⁹?Yommus isin ana in waammattu, anis isiniif nan deebisa; gargaarsaaf gara kootti in iyyattu, anis isin jalaa nan oowwaadha; isin nama cunqursuu yoo dhiiftan, quba namatti qabdanii jal'ina nama irratti dubbachuus yoo dhiiftan*,

¹⁰isa beela'eef nyaata yoo kennitan, isa rakkates yoo gargaartan, ifni keessan dukkana keessatti in ba'a, dukkanni keessanis akka guyyaa saafaa in ta'a.

¹¹Ani Waaqayyo yeroo hundaa isin nan geggeessa, lafa gogaa keessatti iyyuu isin nan quufsa, namummaa keessanis nan jabeessa; yommus isin akka iddoo dhaabaa isa yeroo hundaa bishaan qabuu, akka burqaa bishaan isaa hin hir'annees in taatu*;

¹²isa dur diigamee ture in deebiftu, hundee isa abaabiliin keessan kaa'an irrattis in ijaartu; isin, ?Warra isa caccabe deddeebisan, warra karaa isa duudee ture tottolchanis? in jedhamtu*.[279]

¹³?Isin guyyaa Sanbataatti lafuma halle dhaquu yoo dhiiftan, guyyaa koo isa qulqullaa'aa kanatti fedha keessan duukaa bu'uuttii yoo of eeggattan, guyyaa Sanbataa, guyyaa gammachuu, guyyaa qulqullinni koo ulfina itti argatu yoo godhattan, guyyaa sanatti dhimma ofii keessaniitiif adeemtanii itti gammaduu, wanta waa'ee hin baafnes dubbachuu yoo dhiiftan*,

¹⁴yommus ana Waaqayyotti in gammaddu, ani immoo iddoo ol ka'aatti akka isin ol baatan, dhaala Yaaqoob abbaa keessaniis akka isin nyaattan nan godha? jedhee afaan kootiin kana dubbadheera.[280]