Read west central oromo Macaafa Isaayaas Raajichaa 62 Bible Online

Macaafa Isaayaas Raajichaa 62 - west central oromo bible

Macaafa Isaayaas Raajichaa 62

¹Qajeelummaan ishee akka biiftuu ganamaa hamma ol ba'utti, fayyinni ishees akka guca bobba'utti hamma ibsutti, ani waa'ee Xiyooniif calluma hin jedhu, waa'ee Yerusaalemiif hin boqodhu*.

²Sabni lafa irraa qajeelummaa kee, mootonni hundinuus ulfina kee in argu; maqaa haaraa isa Waaqayyo ofii isaatii siif kenneen in waamamta*;

³ati akka gonfoo miidhaginaa fi akka marata mootiin mataatti maratuutti harka Waaqayyo gooftaa keetii keessatti in eegamta;

⁴Ati si'achi, ?Ishee gad dhiifamte? hin jedhamtu, ati, ?Ishee ani jaalladhu? biyyi kees, ?Ishee abbaa manaa qabdu? in jedhamti; Waaqayyo si jaallata'o, biyyi kees abbaa manaa in argatti*.

⁵Akkuma dargaggeessi durba fuudhu, akkasuma ilmaan kee si fudhatanii qabeenya isaanii si in godhatu; akkuma dhirsi misirroo misirroo isaatti gammadu, akkasuma Waaqayyo kees sitti in gammada.[297]

⁶Yaa Yerusaalem, ani kelloota mandara kee irra eegdota kaa'eera, isaan halkanii fi guyyaa calluma hin jedhan; isin warri waa'ee Yerusaalem Waaqayyo duratti dhi'eessitan hin boqotinaa*!

⁷Hamma Waaqayyo Yerusaalemin deebisee jabeessee dhaabutti, hamma inni akka isheen biyya lafaa irratti jajamtu godhutti, boqonnaa isaaf hin kenninaa!

⁸Waaqayyo irree isaa mirgaa isa cimaa ol kaasee, ?Si'achi diinni kee midhaan kee akka nyaatu hin godhu, daadhii waynii kee isa ati itti dadhabde hojjettes ormi akka dhugu hin godhu*;

⁹isin warri midhaanicha sassaabdanii galchitan garuu midhaanicha nyaattanii Waaqayyoon in galateeffattu; warri ija waynii funaantanii manatti galchitanis oobdii mana qulqullummaa koo keessatti daadhii waynii in dhugdu? jedhee kakateera*.[298]

¹⁰Kellaa mandaraa keessa ba'aa, gad ba'aatii sabaaf karaa qopheessaa! Ka'aa, ka'aatii karaa guddaa tolchaa, dhagaa karaa keessaa fufuudhaa, saba lafa irraatiif faajjii ol fuudhaa*!

¹¹Waaqayyo kunoo, intala Xiyooniin, ?Ilaa! Fayyisaan kee in dhufa, gatiin inni namaaf kennu isa harka jira, miindaa isaas of duraa qaba? jedhee, hamma andaara lafaatti in labse*.

¹²Yommus sabni isaa, ?Saba qulqullaa'aa, isa Waaqayyo fure? in jedhama; yaa Yerusaalem ati immoo, ?Mandara ishee barbaadamte, ishee hin gatamne? jedhamtee in waamamta.[299]