Read west central oromo Macaafa Isaayaas Raajichaa 7 Bible Online

Macaafa Isaayaas Raajichaa 7 - west central oromo bible

Macaafa Isaayaas Raajichaa 7

¹Bara Ahaaz ilmi Yotaam Uziyaa mootii Yihudaa turetti, Resiin mootiin Sooriyaa fi Pheqaan ilmi Remaaliyaa mootiin Israa'el, Yerusaalemin loluudhaaf itti in duulan; garuu mandarattii qabachuu hin dandeenye*;

²warri Sooriyaa fi warri Efreem akka walii galan Ahaaz mootiin Yihudaa yommuu dhaga'e, garaan mootichaa fi garaan saba isaatii akkuma muka caakkaa keessaa qilleensi raasutti in raafame.[35]

³Waaqayyo yommus Isaayaasiin, ?Ilma kee She'aariyaashubii wajjin gara dhuma faaggaa kuufama bishaanii isa gara olii karaa maasii namicha uffata miicuu Ahaazin simachuudhaaf itti adeemi!

⁴Isatti dubbadhuu, ?Calluma jedhi malee, isa Resiinii fi namoonni isaa, ilmi Remaaliyaas dheekkamanii banbanan hin sodaatin! Isaan gufuuwwan aaranii seeqan waan ta'aniif, garaan kee akka hin raafamnetti of eeggadhu!? jedhi*!

⁵Warri Sooriyaa fi warri Efreem ilma Remaaliyaa wajjin sitti koratanii,

⁶?Kottaa dhaqnee biyya Yihudaa qabannee rakkifnee in hirmaanna! Ilma Xaabe'elis isa irratti in moosifna? in jedhu.

⁷Ani Waaqayyo gooftaan garuu, ?Wanti kun hin ta'u, fiixaanis hin ba'u!

⁸Mataan Sooriyaa Damaasqoo akkuma ta'e, mataan Damaasqoo immoo Resiin; waggoota jaatamii shanan kana keessatti Efreem in caccaba, saba ta'uun isaas in hafa*;

⁹mataan Efreem Samaariyaa akkuma ta'e, mataan Samaariyaa immoo ilma Remaaliyaa ti; yoo amanuu dhabaattan jabaattanii dhaabachuu hin dandeessan? nan jedha? jedhe*.[36]

¹⁰Ammas Waaqayyo Ahaazitti in dubbate;

¹¹inni, ?Baay'ee gad fagoo yookiis baay'ee ol fagoo iyyuu yoo ta'e, ana Waaqayyo gooftaa kee biraa milikkita kadhadhu!? jedhe*.

¹²Ahaaz immoo deebisee, ?Ani hin gaafadhu, Waaqayyoonis hin qoru? jedhe.[37]

¹³Yommus Isaayaas, ?Yaa sanyii Daawit, mee dhaga'aa! Inni isin nama dadhabsiiftan isinitti xinnaannaan Waaqayyo koos immoo dadhabsiiftuu ree?

¹⁴Kanaafis Waaqayyo ofii isaatii milikkita isiniif in kenna; kunoo, durbi in ulfoofti, ilmas in deessi, maqaa isaas ?Amaanu'el? jettee in moggaafti; [?Amaanu'el? jechuunis ?Waaqayyo nuu wajjin jira? jechuu dha*].

¹⁵Inni isa hamaa jibbuu, isa gaariis fo'achuu hamma barutti itittuudhaa fi damma in nyaata;

¹⁶yaa Ahaaz, mucichi hamaa jibbuu, gaariis fo'achuu utuu hin barin, biyyattiin mootonni ishee lamaan si sodaachisan sun in onti*;

¹⁷mootii Asor sitti kaasuudhaan, Waaqayyo, erga Efreem Yihudaatii gargar cabdee jalqabee wanta ta'e hin beekne si irratti, saba kee irratti, mana abbaa kee irrattis in fida? jedhe*.[38]

¹⁸Waaqayyo yommus titiisa qarqara laga Gibxii fi kanniisa biyya Asor siiquudhaan si irratti in waama*;

¹⁹hundumti isaaniis dhufanii dachaa lafaa keessa, holqa dhagaa keessa, huuxxii qoraatii hundumaa keessa, iddoo horiin bishaan dhugdu hundumaa keessas in qubatu;

²⁰yommus gooftichi qarabaa isa laga Efraaxiis gamaa mootii Asor irraa dugda bitateen rifeensa mataa, rifeensa garaa, areedas in haada*.[39]

²¹Bara sana namni tokko goromsa tokkoo fi bushaayee lama in qabaata;

²²isaan aannan baay'ee waan qabaniif, namichi itittuu in nyaata; warri biyyatti hafan hundinuus itittuu fi damma in nyaatu.

²³Yommus iddoo mukkeetiin waynii kumatti lakkaa'aman, gatiin isaaniis meetii kumatti lakkaa'amu turan qoraattii fi kosorruun in dhaala;

²⁴biyyichi qoraattiidhaa fi kosorruudhaan waan guutuuf, namni achi adeemu xiyyaa fi iddaa qabatee dhaquutu irra jira;

²⁵gaarota warra dur gasoodhaan soqamaa turan hundumaa qoraattii isaaniitii fi kosorruu isaaniitiif namni keessa ba'uu waan hin dandeenyeef, lafa saawwanii fi hoolota itti yaasanii dhidhiichisan in ta'u.