Read west central oromo Macaafa Isaayaas Raajichaa 8 Bible Online

Macaafa Isaayaas Raajichaa 8 - west central oromo bible

Macaafa Isaayaas Raajichaa 8

¹Yommus Waaqayyo, ?Gabatee guddaa tokko fuudhii isa irratti caaffata beekamaadhaan, ?Dafii booji'i! Ariifadhuu saami!? jedhii caafi!? jedhee anatti in dubbate*.

²Ani immoo dhuga-baatota amanamoota lama, Uriiyaa lubichaa fi Zakaariyaas ilma Yebarekiyaa nan waammadhe*;

³kana booddees raajittii bira nan ga'e; isheen immoo ulfooftee ilma in deesse; ammas Waaqayyo, ?Maqaa mucichaa, ?Dafii booji'i! Ariifadhuu saami!? jedhii moggaasi!? jedhee anatti in dubbate.

⁴Mucichi, ?Abbaye! Harmee!? jechuu utuu hin barin, badhaadhummaan Damaasqoo fi boojuun Samaariyaa fuudhamee gara mootii Asoritti in geeffama*.[40]

⁵Ergasiis Waaqayyo anatti in dubbate;

⁶inni, ?Sabni kun bishaan Silo'aam isa qalbiidhaan yaa'u tuffatee, Resiinii fi ilma Remaaliyaa warra isa sodaachisanitti waan gammadeef,

⁷kanaaf kunoo, gooftichi, mootii Asorii fi ulfina isaa hundumaa warra bishaan laga Efraaxiis isa humna-qabeessaa fi isa baay'eetti fakkeeffaman isaan irra in yaasa; isaan akka bishaan guutee manii isaa irra danbali'ee qarqara isaa irra dhangala'uu ti;

⁸isaan akka bishaaniitti Yihudaa irra dhangala'anii hamma morma ga'uttis guutanii isa in haru; kara karaas cabsatanii guutummaa biyya kee keessa in yaa'u yaa Amaanu'el!? jedhe*.[41]

⁹Isin yaa saba lafa irraa, iyya waraanaa dhageessisaa! Garuu in caccabdu, isin warri biyya fagoo jirtan hundinuus, mee dhaggeeffadhaa! Lolaaf hidhadhaa qophaa'aa! Hidhadhaa qophaa'aa, garuu in caccabdu*!

¹⁰Waaqayyo nuu wajjin waan jiruuf, akeeki isin qopheeffattan fiixaan isiniif hin ba'u; dubbiin isin dubbattanis isiniif hin raawwatamu*.[42]

¹¹Waaqayyo harka isaa isa jabaadhaan na qabee anatti dubbatee, karaa sabni kun irra adeemu irra akkan hin adeemne na gorsee,

¹²?Wanta sabni kun ?Hamaa korachuu dha? jedhu hundumaa, atis, ?Hamaa korachuu dha? hin jedhin! Wanta inni sodaatu hin sodaatin! Wanti isa naasisus si hin naasisin!

¹³Ani Waaqayyo gooftaan maccaa duwwaan qulqulluu akkan ta'e beeki! Ana duwwaa sodaadhu! Ana malees homtuu si hin naasisin*!

¹⁴Warra akkasiif ani mana qulqullummaa nan ta'a; mootummaa Efreemii fi mootummaa Yihudaatti garuu, dhagaa nama gufachiisuu fi kattaa nama kuffisu nan ta'a; warra Yerusaalem keessa jiraatanittis kiyyoo fi futtaasaa nan ta'a;

¹⁵isaan keessaas baay'een isaanii futtaasaa sanaan in gufatu, innis qabee isaan in cabsa? naan jedhe*.[43]

¹⁶Ani dubbii dhugaa kana walitti nan qaba, fuula bartoota koo durattis abboommii kanatti mallattoo nan godha*;

¹⁷Waaqayyoon isa fuula isaa mana Yaaqoob duraa dhokse nan abdadha, isas nan eeggadha.[44]

¹⁸Kunoo, anii fi ijoolleen koo warri Waaqayyo anaaf kenne Israa'el keessatti milikkitaa fi dinqii Waaqayyo gooftaa maccaa isa tulluu Xiyoon irra jiraatu in taana*.[45]

¹⁹Yommuu isaan, ?Warra ekeraa dubbisan, warra qaalluu, warra hasaasanii fi warra guunguman gaafadhaa!? isiniin jedhan, isin immoo, ?Sabni maaliif Waaqayyoon gaafachuu dhiisee waa'ee warra jiranii warra du'an gaafata?? jedhaa*!

²⁰Warra akka abboommii kanaa fi akka dhugaa kanaatti hin dubbanneef lafti hin bari'u;

²¹yommus isaan rakkatanii, beela'aniis biyya keessa asii fi achi in jooru; beela irraa kan ka'es aaranii finiinanii ol ilaalanii mootii isaanii fi Waaqayyo isaanii in abaaru.

²²Gara lafaas yommuu ilaalan, kunoo, dimimmisa, dhiphinaa fi dukkana nama sodaachisu in argu; isa keessattis in darbatamu*.[46]