Read west central oromo Seera Lewwootaa 24 Bible Online

Seera Lewwootaa 24 - west central oromo bible

Seera Lewwootaa 24

¹Waaqayyo ammas Museedhaan,

²?Ibsaan yeroo hundumaa akka boba'utti namoonni Israa'el cuunfaa ejersaa isa calalamaa akka siif fidaniif ajaji*!

³Aaron dunkaana wal ga'ii keessatti, golgaa dhuga-baatuu sanaa duubatti galgalaa hamma ganamaatti ibsicha yeroo hundumaa ana Waaqayyo duratti toora galchee haa eegu! Kunis dhalootaa hamma dhalootaatti seerrata bara baraa haa ta'u!

⁴Inni baattuu ibsaa warqee qullaa'aa irraa hojjetame sana irratti ibsicha toora galchee yeroo hundumaa ana duratti haa eegu![83]

⁵?Ati daakuu fuudhiitii bixxillee tokkon tokkon isaa harka kurnan eefaa tokko keessaa harka lamaan tolfamu kudha lama tolchi!

⁶Isas gabatee warqee qullaa'aa irraa hojjetame irratti tarree lamaan ja'a ja'aan toora galchitee fuula koo dura in keessa*.

⁷Toora adda addaa sana irra ixaana qullaa'aa kaa'i! Innis qooda buddeenichaa seenaadhaaf akkasumas aarsaa ibiddaan gubamee ana Waaqayyoof dhi'aatu haa ta'u!

⁸Inni guyyaa Sanbataa hundumaatti ana Waaqayyo duratti yeroo hundumaa toora haa galchu! Kun namoota Israa'eliif kakuu bara baraa ti.

⁹Aarsaan kun kan Aaronii fi kan ilmaan isaatii ti; aarsaa ibiddaan gubamee ana Waaqayyoof dhi'aatu keessaa qooda isaa isa hundumaa irra qulqullaa'aa erga ta'ee, iddoo qulqullaa'aatti haa nyaatan! Kun seerrata bara baraa ti? jedhe*.[84]

¹⁰Kunoo namichi haati isaa durba Israa'el, abbaan isaa immoo nama Gibxii ta'e tokko, namoota Israa'el gidduu in adeema ture; ilmi dubartii Israa'el sunii fi namni Israa'el tokko iddoo buufataa sana keessatti wal lolan.

¹¹Ilmi dubartii Israa'el sanaa maqaa gooftaa arrabsuudhaan in salphise; isaan immoo gara Museetti isa in geessan; haati isaa intala Dibrii nama gosa Daan keessaa ti; maqaan ishee ?Shelomiit? jedhama.

¹²Isaan immoo hamma afaan Waaqayyoo irraa isaanitti beeksifamutti, akka inni eegamu in godhan*.[85]

¹³Waaqayyo yommus Museedhaan,

¹⁴?Isa abaare sana iddoo buufataa keessaa gad baasaa! Warri abaaruu isaa dhaga'an hundinuus kana dhugaa ba'uudhaaf harka isaanii mataa isaa irra haa kaa'an! Kana booddees guutummaan waldaa sanaa dhagaadhaan isa haa rukutu*!

¹⁵Akkasumas namoota Israa'elitti dubbadhu, Waaqayyo, ?Namni ana Waaqayyo isaa abaaru cubbuu isaatti haa gaafatamu!

¹⁶Namni maqaa ana Waaqayyo arrabsuudhaan salphisu haa ajjeefamu! Guutummaan waldaa sanaa dhagaadhaan isa haa rukutu! Namni galaannis akkuma nama biyyaatti yeroo maqaa gooftaa arrabsuudhaan salphisu dhugumaan haa ajjeefamu*!

¹⁷Namni nama ajjeesu innis dhugumaan haa ajjeefamu*!

¹⁸Namni horii rukutee ajjeesu fakkaattii horii sanaa iddoo haa buusu*!

¹⁹Namni tokko nama yoo miidhe, wanti inni godhe isa irrattis haa godhamu!

²⁰Cabni cabaan, iji ijaan, ilkaan ilkaaniin ijaa haa baafamu! Akkuma inni mudaa namatti godhe akkasuma mudaan isatti haa godhamu*!

²¹Namni horii yoo ajjeese iddoo isaa haa buusu! Namni nama ajjeese garuu haa ajjeefamu!? jedhi!

²²Ani Waaqayyo gooftaa keessan waanan ta'eef, nama galaadhaa fi warra biyyaatiifis seerri tokkichuma isiniif haa ta'u!? jedhe.

²³Museen isa kana namoota Israa'elitti in hime; isaanis namicha isa abaare sana iddoo buufataa keessaa baasanii, dhagaadhaan isa in rukutan; akkasitti namoonni Israa'el akkuma Waaqayyo Musee abboome in godhan.[86]