Read west central oromo Macaafa Ermiyaas Raajichaa 11 Bible Online

Macaafa Ermiyaas Raajichaa 11 - west central oromo bible

Macaafa Ermiyaas Raajichaa 11

¹Dubbiin Waaqayyo biraa gara ana Ermiyaas dhufe kanatti fufee jira;

²inni, ?Dubbii kakuu kanaa dhaga'iitii namoota Yihudaa fi warra Yerusaalem keessa jiraatanitti dubbadhu*!

³Ani Waaqayyo gooftaan inni kan Israa'el, ?Namni dubbii kakuu kanaaf hin abboomamne abaaramaa dha? akkan jedhe itti himi*!

⁴Abboota keessan biyya Gibxii isa akka iddoo ibiddaa isa sibiila itti baqsanii keessaa yommuun baase, wantan isaan abboome, ?Sagalee koo dhaga'aatii, wantan isin abboome hundumaa eegaa! Kana yoo gootan ani Waaqayyo keessan isiniif nan ta'a, isin immoo saba koo in taatu*;

⁵ani biyya aannanii fi damma baasu isan abboota keessaniif nan kenna jedhee kakuudhaan abdachiise, isa amma qabattanii jirtan kana isiniif nan kenna? kan jedhu ture? jedhe; yommus ani immoo deebisee, ?Ameen, yaa Waaqayyo? nan jedhe*.[76]

⁶Kana irratti Waaqayyo anatti dubbatee, ?Dubbii kana hundumaa mandaroota Yihudaa keessatti, karaa Yerusaalem hundumaa irrattis namootatti dubbadhuu, ?Dubbii kakuu kanaa dhaga'aatii wanta inni jedhu raawwadhaa!? jedhi!

⁷Ani abboota keessan biyya Gibxii ergan baasee jalqabee hamma har'aatti, yeroo hundumaa keessa deddeebi'ee, ?Abboommii koo eegaa!? jedhee of eeggachiisaan ture;

⁸isaan garuu adduma addaan mataa jabaatanii yaada isaanii isa hamaa ittuma fufan malee, hin abboomamne, dubbii koos hin dhaggeeffanne; egaa dubbii kakuu kanaa akka eeganiif isaan abboomnaan erga didanii, ani immoo adaba dubbicha keessatti mul'ifame sana isaan irratti nan fida? jedhe*.[77]

⁹Ammas Waaqayyo anatti dubbatee, ?Warri Yihudaa fi warri Yerusaalem ana irratti ka'uudhaaf korataniiru;

¹⁰isaan waanuma abboonni isaanii warri dubbii kootiif abboomamuu didan ittiin na yakkan hojjechuutti deebi'aniiru; waaqayyolii ormaas waaqessaniiru; namoonni Israa'elii fi namoonni Yihudaa kakuu koo isa ani abboota isaanii wajjin dhaabe cabsaniiru*.

¹¹Kanaafis ani Waaqayyo, ?Kunoo! Badiisa isaanitti nan fida; isa jalaas ba'uu hin danda'an; isaan gara kootti yoo iyyan iyyuu ani isaaniif hin dhaga'u*;

¹²yommus mandaroota Yihudaa warra kaanii fi mandara Yerusaalem keessa warri jiraatan ol ba'anii waaqayyolii warra ixaana aarsaafii turan sana in waammatu; waaqayyoliin isaanii kun garuu yeroo rakkinni dhufutti tokko illee isaan gargaaruu hin danda'an.

¹³Yaa Yihudaa! Baay'inni waaqayyolii keetii akkuma baay'ina mandaroota keetii ti; akkuma karaan mandara Yerusaalem keessa baay'atu, iddoowwan aarsaa wanta ciiggaasisaa sanaa fi iddoowwan aarsaa Ba'aaliif ixaana irratti aarsuudhaaf dhaabde akkasuma in baay'atu*?.

¹⁴Yaa Ermiyaas, saba kanaaf hin kadhatin, yeroo rakkinaatti yommuu isaan gara kootti iyyan ani isaaniif hindhaga'uutii waa'ee isaaniitiifis gara kootti hin wawwaatin*![78]

¹⁵?Sabni ani jaalladhu, inni hammina baay'ee hojjete, mana koo keessaa maal qaba? Foon aarsaadhaaf qalame inni qullaa'aan wanta hamaa isatti dhufu irraa deebisuu in danda'aa ree? Yoos attamitti gammadee ililcha ree*?

¹⁶Ani kanaan dura, ?Ati muka ejersaa isa lalisaa dha, isa miidhagaa ija gaarii godhatuu dhas? siin jedheen ture; amma garuu sagalee bubbee guddaa isaatiin ibidda baala kee sanatti nan qabsiisa, dameen kee hundinuus gubatee bifa in bada.

¹⁷Sababii namoonni Israa'elii fi namoonni Yihudaa ana aarsuudhaaf jedhanii Ba'aaliif ixaana aarsaniif ani Waaqayyo gooftaan maccaa kanan isaan dhaabe badiisa isaanitti nan fida? jedhe.[79]

¹⁸Wanta sabni kun ana irratti yaadaa turan Waaqayyo waan anatti mul'iseef, ani amma waan isaan gochuuf jedhan bareera.

¹⁹Ani duraan garraamii akka xobbaallaa hoolaa ishee gara qalmaatti oofamtuun ture; isaan, ?Kottaa mukicha ija isaa wajjin murree in jigsinaa, biyya warra jiraataatiis murree isa in balleessinaa, maqaan isaas deebi'ee akka hin yaadatamne in goonaa!? jedhanii ana irratti mari'achaa akka turan hin hubanneen ture*.

²⁰Yaa Waaqayyo gooftaa maccaa, yaa isa qajeelummaadhaan faradduu, ati golee garaa namaa in qorta; ani rakkina koo sitti himadheera'o ati isaan irratti ijaa akka anaaf baaftu na argisiisi*![80]

²¹Kanaaf warra Anaatot warra na ajjeesuu barbaadanii, ?Ati nu harkatti akka hin duunetti maqaa Waaqayyootiin raajii hin dubbatin!? anaan jedhaniin,

²²Waaqayyo gooftaan maccaa, ?Kunoo, ani isaan nan adaba; dargaggoonni isaanii billaadhaan, ilmaan isaanii fi intaloonni isaanii immoo beelaan in dhumu*;

²³bara ani isaan adabuudhaaf badiisa isaanitti fidutti, warra Anaatot keessaa tokko illee kan hafu hin jiru? jedhe.[81]