Read west central oromo Macaafa Ermiyaas Raajichaa 16 Bible Online

Macaafa Ermiyaas Raajichaa 16 - west central oromo bible

Macaafa Ermiyaas Raajichaa 16

¹Ammas dubbiin Waaqayyoo gara koo dhufee,

²?Ati iddoo kanatti niitii hin fuudhin, ilmaan, intalootas hin godhatin!

³Ilmaanii fi intaloota asitti dhalatan, haadhotii isaan da'anii fi abootii isaan dhalchan,

⁴dhukkubni hamaan, billaa fi beelli isaan in fixa; namni isaaniif hin boo'u, reeffi isaaniis akka kosii bakkee keessatti gatamee, allaattota qilleensa keessa balali'anii fi bineensota caakkaa hundumaaf nyaata ta'a malee, hin awwaalamu? jedhe*.[103]

⁵Waaqayyo, ?Ani nagaa koo, gaarummaa koo, oo'a koos saba kana irraa fuudheera'o, ati du'a-ga'ii namaa hin dhaqin, nama du'eef hin boo'in, hin gaddiniifis!

⁶Biyya kana keessatti xinnaa fi guddaan in du'a, garuu namni isaaniif hin boo'u, isaaniif rukutee of hin madeessu, isaan hin awwaalu, mataas hin haaddatuuf*.

⁷Namni buddeena gaddaa fi dhugaatii fidee warra abbaan yookiis haati irraa du'an iyyuu jajjabeessu hin jiru*.

⁸Akkasumas ati mana cidhaa lixxee saba kanaa wajjin nyaataa fi dhugaatiitti hin taa'in!? jedhe dubbateera*.[104]

⁹Waaqayyo gooftaan maccaa, Waaqayyo inni kan Israa'el, ?Kunoo! Ani fuula keessan duratti, bara isin jirtanitti iddoo kanaa sagaleen gammachuu fi sagaleen ilillee, sagaleen dhirsa misirroo fi sagaleen misirroo akka hin dhaga'amne nan godha*;

¹⁰ati wanta kana hundumaa saba kanatti erga himtee booddee, isaan immoo, ?Nuyi maal yakkine? Waaqayyo gooftaa keenya duratti cubbuu maalii hojjenne? Waaqayyo maaliif badiisa guddaa kana nutti fide?? jedhanii yoo si gaafatan,

¹¹ati immoo isaaniin, ?Waaqayyo:- Abboonni keessan ana in dhiisan, abboommii koos hin eegne; isaan ana dhiisanii waaqayyolii ormaa duukaa bu'anii isaaniif hojjetanii isaaniifis waan sagadaniif wanti akkasii kun ta'e.

¹²Isin garuu abboota keessan caalaa iyyuu wanta hamaa in hojjettan. Kunoo, qooda anaaf abboomamuu, tokkon tokkon keessan mataa jabaattanii yaada keessan isa hamaa duukaa in buutan;

¹³kanaaf ani biyya kana keessaa isin baasee, biyya isinii fi abboonni keessan hin beekne keessatti isin nan gata; isin achitti waaqayyolii ormaaf halkanii fi guyyaa in hojjettu; anis isiniif hin oo'u isiniin jedhe? jedhiin!? jedhe*.[105]

¹⁴Kanaaf Waaqayyo, ?Kunoo! Barri namoonni itti, ?Dhugaa Waaqayyo isa jiraataa, isa ijoollee Israa'el biyya Gibxii baasee ti? jedhanii kakachuu dhiisan in dhufa;

¹⁵ani gara biyya isan dur abboota isaaniif kenneetti deebisee waanan isaan galchuuf, yommus, ?Dhugaa Waaqayyo isa jiraataa isa ijoollee Israa'el biyya gara-bitaatii, biyya garaa garaa lafa itti isaan bittimsee ture hundumaattiis baasee fidee ti? jedhanii in kakatu? jedhe*.[106]

¹⁶Waaqayyo, ?Kunoo! Akka qurxummiitti jara kana akka qabaniif qurxummi-qabduu baay'ee waamee nan fida; kana booddee immoo adamsitoota warra tulluu hundumaa fi gaara hundumaa irra, holqa dhagaa hundumaa keessas isaan adamsan isaanitti nan erga*.

¹⁷Ani wanta isaan hojjetan hundumaa nan arga; isaan fuula koo duraa dhokachuu hin danda'an, yakki isaaniis ija koo dura jira*.

¹⁸Isaan wanta jibbisiisaa akka raqaatiin biyya koo waan xureessaniif, waaqayyolii tolfamoo isaanii warra ciiggaasisoo biyya dhuunfaa koo keessa waan guutaniifis, ani duraan dursee yakka isaanii fi cubbuu isaanii kanaaf dachaa lama isaan nan adaba? jedhe*.[107]

¹⁹Yaa Waaqayyo! Ati jabina koo fi masaraa koo ti; yeroo rakkinaatti isa ani itti baqadhee ooluu dha; sabni lafa irraas handaara lafaatii dhufanii, ?Abboonni keenya waaqayyolii sobaa warra waa'ee isaaniif hin baafne duwwaatti qabamanii turan*.

²⁰Namni ofii isaatiif waaqayyolii tolfachuu danda'aa ree? Waawuu! Wanti namni tolfatu waaqayyolii ta'uu hin danda'u? in jedhu*.

²¹Waaqayyo immoo deebisee, ?Kunoo! Sabni lafa irraa amma irree koo fi aangoo koo akka beekan nan godha; yommus isaan ani Waaqayyo gooftaa akkan ta'e in beeku? jedhe.[108]