Read west central oromo Macaafa Ermiyaas Raajichaa 24 Bible Online

Macaafa Ermiyaas Raajichaa 24 - west central oromo bible

Macaafa Ermiyaas Raajichaa 24

¹Ergasiis Waaqayyo, guuboo ija harbuu baatu lama balbala mana qulqullummaa dura kan kaa'aman anatti in argisiise; kunis bara Nebukadnezaar mootiin Baabilon Yekoniyaa ilma Yehoyaaqiim mootii Yihudaa, gurguddoota saba Yihudaa, warra sibiila tumanii fi warra hojii harkaa beekan hundumaa Yerusaalem keessaa booji'ee biyya Baabilonitti erge ta'e*.

²Guuboo isa tokko keessa ija harbuu isa ba'eessa, isa dura bilchaatetu jira ture; isa kaan keessa immoo ija harbuu isa gadhee namni nyaachuu hin dandeenyetu jira ture.[150]

³Yommus Waaqayyo anatti dubbatee, ?Yaa Ermiyaas, amma maal argita?? naan jedhe; ani immoo deebisee, ?Ija harbuu isa ba'eessa, akkasumas immoo ija harbuu isa gadhee namni nyaachuu hin dandeenye nan arga? nan jedhe*.

⁴Ammas Waaqayyo anatti dubbatee,

⁵?Ani Waaqayyo gooftaan Israa'el warran biyya Yihudaa keessaa booji'amanii gara biyya Baabilon akka dhaqan godhe kana akkuma ija harbuu isa ba'eessa kanaatti nan ilaala;

⁶ani utuun ija isaan irraa hin buqqifatin isaan eegee gara biyya kanaatti deebisee isaan nan galcha; ani isaan nan ijaara malee isaan hin diigu; isaan nan dhaaba malee isaan hin buqqisu*;

⁷ani garaa isaan ittiin ani Waaqayyo akkan ta'e beekan isaaniif nan kenna; garaa guutuudhaan gara kootti in deebi'u; ani Waaqayyo isaaniif nan ta'a, isaanis saba koo in ta'u? jedhe*.[151]

⁸Ammas Waaqayyo itti fufee, ?Zedeqiiyaa mootii Yihudaa, gurguddoota biyyaa isaa fi haftee Yerusaalem warra biyyicha keessatti hafan yookiis warra biyya Gibxiitti gad bu'an immoo akkuma ija harbuu isa gadhee isa namni nyaachuu hin dandeenye sanaa nan godha.

⁹Iddoo ani itti isaan bittimsu hundumaatti namoonni akka isaan arrabsan, akka isaanitti mammaakan, akka isaanitti ga'isanii fi akka isaan abaaran nan godha; isaan mootota biyya lafaa irra jiran hundumaa biratti wanta namni ilaalee sodaatu in ta'u*.

¹⁰Biyya isa ani isaaniif, abboota isaaniifis kenne keessaa raawwatanii hamma badanitti billaa, beelaa fi dha'icha isaanitti nan erga? jedhe*.[152]