Read west central oromo Macaafa Ermiyaas Raajichaa 26 Bible Online

Macaafa Ermiyaas Raajichaa 26 - west central oromo bible

Macaafa Ermiyaas Raajichaa 26

¹Jalqaba bara Yehoyaaqiim ilmi Yosiyaas mootii biyya Yihudaa ta'eetti, dubbiin kun Waaqayyo biraa gara Ermiyaas in dhufe*.

²Inni, ?Ka'ii oobdii mana qulqullummaa keessa dhaabadhuu wanta ani si abboomu hundumaa mandaroota Yihudaa keessaa mana qulqullummaa kana keessatti ana Waaqayyoof sagaduuf warra dhufan hundumaatti himi! Wanta ani si abboomu kana hundumaa keessaa tokko illee hin hambisin!

³Isaan dubbicha dhaga'anii karaa isaanii isa hamaa irraa yoo deebi'an, ani immoo hojii isaanii isa hamaadhaaf jedhee isan isaan adabuuf yaade nan dhiisa*;

⁴kanaaf ati isaanitti dubbadhuu, ?Waaqayyo akkana jedha:- Isin anaaf abboomamuu yoo diddan, abboommii koo isa ani isiniif kennes yoo eeguu dhabaattan,

⁵dubbii isa garboonni koo raajonni warri ani ammaa amma gara keessanitti erge isinitti himanis yoo dhaga'uu diddan*,

⁶akkuman Shiiloo godhe mana kanas immoo akkasuma nan godha; mandarattii kanas sabni lafa irraa hundinuu:- Akka mandarattii kanaa si haa godhu! jedhanii kan ittiin wal abaaran nan godha? jedhi!? jedhe*.[162]

⁷Luboonnii fi raajonni, sabni hundinuus ani Ermiyaas dubbii Waaqayyoo kana guutummaatti mana qulqullummaa keessatti utuun dubbadhuu in dhaga'an;

⁸wanta Waaqayyo akka ani dubbadhuuf na abboome hundumaa dubbadhee akkuma ani raawwadheen, isaan na qabanii, ?Ati kana waan dubbatteef, dhugumaan ajjeefamuun si irra jira!

⁹Ati maaliif, ?Manni kun akka Shiiloo in ta'a, mandarri kunis ontee lafa duwwaa in taati? jettee maqaa Waaqayyootiin raajii dubbatte?? anaan jedhan; achumaan namoonni sun hundinuu mana qulqullummaa keessatti anatti in marsan*.[163]

¹⁰Gurguddoonni Yihudaa dubbii kana yommuu dhaga'an, mana mootummaa keessaa gara mana qulqullummaatti ol ba'anii karra manichaa isa haaraa dura in taa'an.

¹¹Yommus luboonnii fi raajonni, gurguddoota biyyaa fi namoota sana hundumaatti, ?Akkuma isin gurra keessaniin dhageessan namichi kun mandara kana irratti raajii waan dubbateef, ajjeefamuun isa irra jira? jedhanii in dubbatan.

¹²Ergasii Ermiyaas immoo gurguddoota biyyaa fi namoota sana hundumaan, ?Wanta isin dhageessan kana hundumaa mana kana irratii fi mandarattii kana irratti raajii akkan dubbadhuuf Waaqayyotu na erge;

¹³kanaaf isin amma amala keessanii fi hojii keessan tolfadhaa, Waaqayyo gooftaa keessaniif abboomamaa, innis wanta hamaa isa isinitti fiduu yaade sana in dhiisa*.

¹⁴Ani garuu kunoo harka keessan keessan jira, waanuma isin duratti gaarii fi qajeelaa fakkaate ana irratti raawwadhaa!

¹⁵Waaqayyo dubbii kana hundumaa akkan isinitti himuuf dhugumaan waan na ergeef, isin ana yoo ajjeeftan dhiiga nama balleessaa hin qabnee dhangalaasuu keessaniif ofii keessanii fi mandarattii kana irratti, namoota ishee keessa jiraatan irrattis yakka fiduu keessan beekaa!? isaaniin jedhe*.[164]

¹⁶Yommus gurguddoonni biyyaa fi jarri hundinuu, ?Namichi kun maqaa Waaqayyo goftaa keenyaatiin waan nutti dubbateef ajjeefamuun isa irra hin jiru!? jedhanii, lubootaa fi raajotatti in dubbatan.

¹⁷Akkasumas immoo jaarsolii biyyaa keessaa jarreen tokko ka'anii guutummaa wal ga'ii sabaatti in dubbatan;

¹⁸isaan, ?Bara Hisqiyaas mootii Yihudaa ture keessa, Miikiyaas namni mandara Mooresheet, ?Waaqayyo gooftaan maccaa:- Xiyoon lafa qotiisaa taatee in qotamti, Yerusaalem lafa tuullaa dhagaa caccabaa in taati, tulluun manni qulqullummaa irra jirus lafa ol jedhaa caakkaan fudhate in ta'a jedha? jedhee saba Yihudaatti raajii in dubbate*.[165]

¹⁹?Hisqiyaas mootiin Yihudaa fi sabni Yihudaa hundinuu garuu isa Miikiyaas akkas jedhee raajii dubbateef isa ajjeesaniiruu ree? Mootichi Waaqayyoon sodaatee araara isaa hin kadhannee ree? Waaqayyo immoo wanta hamaa isaanitti fiduuf yaade sana hin dhiifnee ree? Nuyi garuu amma badiisa guddaa ofitti fiduuf jenna? jedhan*.

²⁰Bara sana keessa Uriiyaan ilmi Shemaa'iyaa namni biyya Kiriiyat-Ya'ariim akkuma Ermiyaas mandara kana irratii fi biyya kana irratti maqaa Waaqayyootiin raajii dubbatee ture;

²¹Yehoyaaqiim mootichi, loltoonni isaa fi gurguddoonni isaa dubbii kana yommuu dhaga'an, mootichi, Uriiyaa ajjeesuu in yaade; Uriiyaan garuu waa'ee kanaa yommuu dhaga'e sodaatee gara biyya Gibxiitti in baqate.

²²Yehoyaaqiim mootichi immoo dhaqanii Uriiyaa akka fidaniif Elnaataan ilma Akborii fi namoota kan biraa gara biyya Gibxiitti in erge*.

²³Isaanis Uriiyaa biyya Gibxiitii fidanii Yehoyaaqiim mootichatti in dhi'eessan; mootichi immoo billaadhaan isa ajjeesisee, reeffa isaa iddoo namni halle itti awwaalamutti in awwaalchise.[166]

²⁴Ani garuu sababii Ahiiqaam ilmi Shaafaan na gargaareef, ajjeefamuudhaaf harka jaraatti dabarfamee hin kennamne*.[167]