Read west central oromo Macaafa Ermiyaas Raajichaa 28 Bible Online

Macaafa Ermiyaas Raajichaa 28 - west central oromo bible

Macaafa Ermiyaas Raajichaa 28

¹Zedeqiiyaan mootii Yihudaa ta'ee waggaa afuraffaa keessa, waggichattiis ji'a shanaffaatti Hanaaniiyaan raajichi ilmi Azur nama mandara Giibe'on ana Ermiyaasitti in dubbate; inni mana qulqullummaa keessatti iddoo luboonnii fi namoonni hundinuu jiranitti*,

²?Waaqayyo gooftaan maccaa, Waaqayyo inni kan Israa'el, ?Ani humna mootii Baabilon isa akka waanjoo nan cabsa.

³Waggaa lama gidduutti mi'a mana qulqullummaa, isa Nebukadnezaar mootiin Baabilon iddoo kanaa baasee biyya Baabilonitti geessee ture hundumaa deebisee as nan fida*;

⁴humna mootii Baabilon isa akka waanjoo cabsee, Yekoniyaa ilma Yehoyaaqiim mootii Yihudaa fi warra isaa wajjin biyya Yihudaa keessaa booji'amanii gara biyya Baabilonitti geeffaman hundumaas as iddoo kanatti nan deebisa; ani Waaqayyo kana dubbadheera? jedhe? jedhe*.[173]

⁵Yommus ani Ermiyaas, lubootaa fi namoota mana qulqullummaa keessa dhaabatan hundumaa duratti deebisee Hanaaniyaa raajichaan,

⁶?Ameen! Waaqayyo akka ati jette kana akka godhu nan hawwa; inni isa ati raajii dubbatte kana haa raawwatu! Mi'a mana qulqullummaa, warra booji'aman hundumaas biyya Baabilonii baasee gara iddoo kanaatti haa deebisu!

⁷Haa ta'u iyyuu malee, mee, dubbii ani sitti, namoota kana hundumaattis himu dhaga'i!

⁸Raajonni durii warri ana duraa fi si dura turan biyya baay'ee fi mootummoota gurguddoota irratti lolli, dhukkubni, dha'ichis akka dhufu raajii dubbatanii turan*.

⁹Raajiin tokko nagaan akka ta'u yoo dubbate, wanti inni dubbate sun yommuu fiixaan ba'u, Waaqayyo dhugumaan kan isa erge ta'uun isaa in beekama? jedhe*.[174]

¹⁰Kana booddee Hanaaniiyaan raajichi waanjicha morma koo irraa fuudhee cabsee,

¹¹namoota hundumaa duratti, ?Waaqayyo, ?Ani akkasuma humna Nebukadnezaar mootii Baabilon isa akka waanjoo si'achi waggaa lamatti morma saba lafa irraa hundumaa irraa nan cabsa? jedha? jedhee in dubbate; kana irratti ani karaa koo irra bu'ee nan sokke*.[175]

¹²Hanaaniiyaan raajichi morma koo irraa waanjicha fuudhee erga cabsee, Waaqayyo ammas ergaa na ergee*,

¹³?Dhaqii Hanaaniyaadhaan, ?Ati waanjoo mukaa cabsiteetta, waanjoo sibiilaa immoo tolchitee iddoo isaa in buufta? jedha Waaqayyo? jedhiin!

¹⁴Ani Waaqayyo gooftaan maccaa, Waaqayyo inni kan Israa'el, ?Waanjoo sibiilaa morma saba lafa irraa kana hundumaa irra nan kaa'a; isaan Nebukadnezaar mootii Baabiloniif in hojjetu; bineensonni caakkaa keessa jiran illee isaaf akka hojjetan nan godha? jedha*.[176]

¹⁵Ammas ani Ermiyaas Hanaaniyaa raajichaan, ?Yaa Hanaaniyaa, mee dhaga'i! Ati, namoonni kun soba akka amananiif isaan wallaalchifta malee, Waaqayyo si hin ergine*;

¹⁶kanaaf Waaqayyo, ?Ati akka namoonni didanii ana Waaqayyo irratti ka'aniif waan dubbatteef, kunoo, ani lafa irraa sin balleessa, wagguma kana keessas in duuta? jedhe? nan jedhe*.

¹⁷Hanaaniiyaan raajichi wagguma sana keessa ji'a torbaffaatti in du'e.[177]