Read west central oromo Macaafa Ermiyaas Raajichaa 4 Bible Online

Macaafa Ermiyaas Raajichaa 4 - west central oromo bible

Macaafa Ermiyaas Raajichaa 4

¹Waaqayyo, ?Yaa saba Israa'el, deebi'uu yoo barbaadde, gara kootti deebi'i! Waaqayyolii kee warra ciigga'amoo ija koo duraa yoo balleessiteef hin sochootu*.

²Ati dhugaadhaan, firdii qajeelaadhaan, qajeelummaadhaanis, ?Dhugaa Waaqayyo isa jiraataa ti? jettee maqaa kootiin yoo kakatte, sabni lafa irraa isaan in eebbifamu, isaanis of in jajju? jedhe*.[28]

³Ammas Waaqayyo warra Yihudaa fi warra Yerusaalem keessa jiraataniin, ?Bajjii qotaatii sanyii itti facaasaa malee, qoraattii keessatti hin facaasinaa*!

⁴Isin yaa namoota Yihudaa, isinis yaa warra Yerusaalem keessa jiraattanii! Ana Waaqayyo keessaniif addaan of baasaa! Warri wanta hamaa hojjetan, qola yaada garaa keessanii haguugu of irraa kutaa! Kanaa'achi dheekkamsi koo akka ibiddaa boba'ee isin in fixa, namni isa dhaamsuu danda'us hin jiru? jedhe*.[29]

⁵Guutummaa biyyichaa keessatti fiinoo afuufaa, sagalee guddaadhaan waamaa, ?Walitti qabamaa, gara mandaroota kellaa dhagaa qabaniitti baqadhaa!? jedhaatii namoota Yihudaatti himaa, warra Yerusaalemittis labsaa*!

⁶Ani biyya gara bitaatii wanta hamaa, badiisa guddaas waanan fiduuf, ooluudhaaf milikkita ol fuudhaatii, gara Xiyoonitti baqadhaa malee as hin dhaabatinaa*!

⁷Inni saba balleessus akka leenca isa caakkaa gobbuu keessaa ba'uutti, ka'ee dhufee biyya keessan balleessuudhaaf karaa irra bu'eera; mandaroonni keessanis onanii namni isaan keessaa dhibuuf jira*;

⁸kunoo, dheekkamsi Waaqayyoo inni sodaachisaan nu irraa waan hin deebi'iniif, uffata gaddaa uffadhaatii boo'aa wawwaadhaa*!

⁹Waaqayyo, ?Bara sanatti mootichii fi angafoonni laphee laafeyyii in ta'u; luboonni in sodaatu, raajonnis in na'u? jedhe.[30]

¹⁰Ani yommus, ?Maaloo yaa Waaqayyo gooftaa! Utuma billaan morma saba kanaa irra, morma warra Yerusaalem keessa jiraatanii irras jiruu, ?Nagaa in argatu? jechuun kee dhugumaan isaan gowwoomsuu keetii ree?? nan jedhe*.

¹¹Waaqayyo immoo, ?Yeroo sanatti saba kana irratti, mandara saba koo Yerusaalem irrattis qilleensi gubaan gaara lafa duwwaa keessaa akka dhufu in dubbatama; qilleensichi midhaan hafarsuudhaaf yookiis qulleessuudhaaf dhufa miti.

¹²Ani isaanitti waanan faraduuf, qilleensi isa kana irra baay'ee jabaatu abboommii kootiin ergamee in dhufa? jedhe*.[31]

¹³Kunoo! Diinni akka duumessaatti, konkolaataan isaas akka bubbeetti in dhufa; fardeen isaa joobira caalaa ariifatanii in fiigu; badneerra'o nuuf wayyoo*!

¹⁴Yaa warra Yerusaalem, akka fayyitanitti yaada hamaa dhiqaatii of keessaa baasaa! Hamma yoomiitti yaada hammaatti qabamtanii jiraattu*?

¹⁵Sagaleen mandara Daan keessaa, tulluu Efreem irraas, badiisi akka dhufu lallabee himu tokko in dhaga'ama;

¹⁶kana saba lafa irraatti himi, Yerusaalemittis labsi, ?Kunoo, marsitoonni biyya fagoodhaa in dhufu, mandaroota Yihudaa irrattis waca in kaasu;

¹⁷mandarri Yerusaalem ana irratti waan kaateef, isaan akka namoota midhaan maasii keessaa marsanii eeggataniitti, naanna'anii ishee irratti in ka'u? jedhe; Waaqayyo kana dubbateera*.

¹⁸Yaa warra Yihudaa, adeemsi keessanii fi hojiin keessan kana isinitti in fide; hamminni keessan rakkina guddaa hadhaa'aa isin irraan in ga'e, onnee keessanis in waraane*.[32]

¹⁹Wayyoo yaa mar'umaan ko! Mar'umaan koo na dhukkuba; dhukkubni isaas na wixxifachiisa; sagalee fiinoo fi sagalee iyya lolaa waanan dhaga'eef, onneen koo na dha'ata; ani calluma jechuu hin danda'u*.

²⁰badiisi badiisa irratti dabalamee in dhufe, guutummaan biyyaa in one, battala tokkotti godoon koo in jige; golgaan isaas hamma liphsuu ijaatti in diigame*.

²¹Ani hamma yoomiittan milikkita lolaa ilaala? Hamma yoomiittanis sagalee fiinoo dhaga'a?

²²Waaqayyo, ?Sabni koo gowwoota waan ta'aniif, ana hin beekan; akka ijoollee wallaaltuu waan ta'aniifis hin hubatan; isaan wanta hamaa gochuutti ogeessota, wanta gaarii gochuu garuu hin barre? jedhe*.[33]

²³Ani gara lafaa nan ilaale, kunoo, inni bifa hin qabu, onaa tures; gara bantiiwwan waaqaas yommuun ilaale, ifni tokko iyyuu hin turre.

²⁴Gara tullootaas nan ilaale, kunoo, isaan in socho'u; gaaronni hundinuus in raafamu turan*.

²⁵Ammas yommuun ilaale, namni tokko illee hin jiru; simbirroonni qilleensa keessa balali'an hundinuus in baqatan*.

²⁶Ergasiis yommuun ilaale, kunoo, lafti midhaan baasu lafa onaa ta'uu isaa nan arge; mandaroonni hundinuus fuula Waaqayyoo duraa, dheekkamsa isaa isa boba'aa duraas in jijjigu*.

²⁷Waaqayyo, ?Biyyi hundinuu onaa in ta'a, haa ta'u iyyuu malee, ani raawwadhee hin balleessu*.

²⁸Waa'ee kanaaf lafti yoo boosse iyyuu, bantiiwwan waaqaas yoo dukkanaa'an iyyuu, ani isan yaade hin dhiisu, murtoon godhe irraas hin deebi'u? jedhe.[34]

²⁹Warri mandara keessa jiraatan hundinuu, sagalee abboota fardeenii fi sagalee warra xiyyaan waraananii yommuu dhaga'an in baqatu; gar tokko gara caakkaatti, garri kaan immoo gara holqa dhagaatti in baqatu; mandaroonni hundinuu duwwaa in ta'u, namni tokko illee isaan keessatti hin argamu.

³⁰Ati yaa ishee diigamtee! Amma maal goota ree? Ati uffata bildiimaa uffattee, mi'a miidhaginaa isa warqee irraa hojjetame yoo naqatte iyyuu, ija kees kuuliidhaan baay'iftee yoo kuullatte iyyuu, akkasumaan of miidhagsita malee, warri dur si jaallachaa turan si tuffataniiru; amma isaan si ajjeesuu in barbaadu*.

³¹Ani sagalee tokko nan dhaga'e; innis sagalee dubartii ciniinsifattuu ishee reefuu jalqaba deessu fakkaata; kun isa ijoolleen Xiyoon harka isaanii bal'isanii, ?Wayyoo nu ajjeesu kaa!? jedhanii iyyanii hargananii dha*.[35]