Read west central oromo Macaafa Ermiyaas Raajichaa 48 Bible Online

Macaafa Ermiyaas Raajichaa 48 - west central oromo bible

Macaafa Ermiyaas Raajichaa 48

¹Waaqayyo gooftaan maccaa, Waaqayyo inni kan Israa'el waa'ee biyya Mo'aab kanatti fufe kan jiru in dubbate; inni, ?Mandarri Neboo waan diigamtuuf, isheedhaaf wayyoo! Mandarri Kiriiyat-Aayim in qabamti, in yeellaasifamtis; isheen iddoo itti baqatan turte in caccabdi, namoonni ishee keessa jiraatanis in yeellaasifamu.

²Mo'aab si'achi deebitee hin jajamtu, ishee kuffisuudhaaf Heshboonitti isheetti in koratu, ?Kottaa ishee in balleessinaa!? in jedhu; warri mandara Maadmeen keessa jiraatan billaadhaan in ari'atamu, in dhumus*.[274]

³?Sagaleen iyyaa Horonaayimii in dhaga'ama, saamichii fi badiisi guddaan achitti in argama;

⁴biyyi Mo'aab in baddi, ijoolleen ishees in iyyu;

⁵boo'aa gara Luhiititti ol in ba'u, gara Horonaayimitti gad in bu'u, iyyi isaan waa'ee badiisa isaaniif iyyanis in dhaga'ama;

⁶ka'aa baqadhaatii lubbuu keessan oolfadhaa, akka muka baalli irraa harca'ee dhume lafa onaa keessa dhaabadhaa*!

⁷Ati hojii kee fi badhaadhummaa kee in amanatte, kanaafis in booji'amta; Kemosh Waaqayyoon kee inni tolfamaan in booji'ama; luboonni isaa fi hojjetoonni isaa hundinuu in booji'amu*.

⁸Balleessiin?? mandaroota hundumaatti in dhufa, mandarri isa jalaa ooluu danda'us hin jiru; inni dachaa lafaa in onsa, gubbee lafaas in balleessa; kana ana Waaqayyotu dubbate.

⁹Mo'aab baduuf waan jirtuuf, dhagaa seenaa isheetii dhaabaaf! Mandaroonni ishees diigamanii, kan namni keessa hin jiraanne ta'uuf jiru? jedhe.

¹⁰Billaadhaan rukutanii ajjeesuu iyyuu yoo ta'e, namni isa Waaqayyo abboome kana garaa hir'uudhaan hojjetu abaaramaa dha![275]

¹¹Waaqayyo, ?Mo'aab jalqabumaa jalqabdee, hamma ammaatti gabiitti jiraachaa turte; akka daadhii waynii isa qodaa tokko keessaa qodaa kan biraatti utuu hin dabarfamin akkuma calalameetti jiru, akkasuma namoonni ishee hin booji'amne, miyaan ishee, urgaan ishees hin geddaramne*.

¹²Garuu barri ani Waaqayyo namoota isheetti ergu in dhufa; isaan akka nama daadhii waynii gaanii keessaa gara galchee, gaanicha immoo caccabsutti, Mo'aabin duwwaatti hambisanii ishee immoo in caccabsu.

¹³Akkuma Israa'eloonni, ?Bet'el? Waaqayyo tolfamaa amanatanii booddee immoo yeella'an, akkasuma Mo'aabonni Kemoshin Waaqayyo tolfamaa amanachuu isaaniitiin in yeellaasifamu*.[276]

¹⁴?Egaa yaa namoota Mo'aab attamitti, ?Nuyi humna qaboota, lolattis jaboo dha? ofiin jettu ree?

¹⁵Ani Waaqayyo mootichi, Waaqayyo gooftaa maccaa jedhamee kanan waamamu, ?Mo'aab in balleeffamti, mandaroonni ishee in qabamu; dargaggoonni ishee warri mimiidhagoonnis in ajjeefamu? jedhee dubbadheera*.

¹⁶Kufaatiin Mo'aab dhi'aateera, badiisis ariitiidhaan isheetti in dhufa.

¹⁷Warri isheetti dhi'oo jiraatanii fi warri maqaa ishee beektan hundinuu, ?Uleen jabaan kun attamitti cabe? Dhaabanni miidhagaan kunis attamitti hurraa'e?? jedhaatii boo'aaf![277]

¹⁸?Isin warri mandara Diibon keessa jiraattan, iddoo keessan isa ulfina-qabeessa irraa ka'aatii, lafa gogaa irra taa'aa! Inni Mo'aabin balleessu gara keessanittis ol in ba'a, mandaroota keessan warra dallaa dhagaa qaban diigee in balleessa.

¹⁹Isin warri Aro'er keessa jiraattan, gara karaatti gad ba'aa, isa baqachaa jiruu fi ishee duraa ba'aa jirtu ilaalaatii, ?Maaltu ta'e?? jedhaatii isaan gaafadhaa!

²⁰Isaan immoo isiniif deebisanii, ?Mo'aab diigamtee, namoonni ishee waan yeellaasifamaniif, isheedhaaf boo'aa, wawwaadhaas! akka isheen baddes Arnonitti himaa!? in jedhu.

²¹Mandaroota biyya diriiraa keessa jiran, mandaroota Holoon, Yaahaz, Mefaat,

²²Diibon, Neboonii fi Bet-Diiblaataayim irratti firdiin dhufeera;

²³akkasumas mandaroota Kiriiyat-Aayim, Bet-Gaamul, Bet-Me'on,

²⁴Keriyotii fi Bozraa, akkasumas mandaroota biyya Mo'aab keessa jiran warra fagoo fi warra dhi'oo jiran hundumaa irratti firdiin dhufeera.

²⁵Aangoon Mo'aab cabeera, humni ishees cabeera; ani Waaqayyo kana dubbadheera? jedha.

²⁶Waaqayyo, ?Mo'aab anatti waan of gurguddifteef, haa machooftu, hoqqisa ishee keessa haa gangalattu, muka kolfaas haa taatu*!

²⁷Yaa Mo'aab! Sabni Israa'el kun hanna irratti qabame moo? Maaliif ati waa'ee isaa yommuu dubbatu hundumaatti mataa itti raaftee itti ga'ifta ree*?[278]

²⁸?Isin warri Mo'aab keessa jiraattan, mandaroota ishee keessaa yaa'aatii kattaatti galaa! Akka gugees fittee hallayyaa irratti mann'ee ijaarradhaa!

²⁹Ani waa'ee of tuulummaa Mo'aabii fi waa'ee ol of qabuu ishee, waa'ee of gurguddisuu ishee fi waa'ee of bokoksuu ishee, waa'ee of jajuu ishee fi waa'ee of himuu ishee dhaga'eera.

³⁰Of tuulummaan ishee soba akka ta'e ani beeka, isheen sobdee afaaniin of jajjee in dubbatti, of jajuun ishee kun homaa waa'ee hin baasu? jedhe.

³¹Ani sababii kanaaf Mo'aabiif nan wawwaadha, saba Mo'aab hundumaaf nan boo'a, namoota Qiir-Heresiifis baay'ee nan gadda.

³²Yaa muka waynii Siibmaa, Yaazeriif isan boo'u caalaa siif nan boo'a; damoonni kee hamma daarii galaanaa, hamma galaana Yaazer bira ga'anittis dagaaganii turan; garuu diinonni dhufanii ija muka kee isa dura bilchaatee fi ija waynii kee in balleessu.

³³Biyya Mo'aab isa midhaan baasu keessaa, gammachuu fi ililleen in bada; sababii namni gammachuudhaan isa cuunfu hin jirreef, daadhiin waynii iddoo itti cuunfan keessaa in dhibama; sagaleen achi keessaa yoo dhaga'ame iyyuu, sagalee gaddaa ti malee, sagalee gammachuu miti*.[279]

³⁴Waaqayyo, ?Sagaleen iyya isaanii Heshboon keessaa hamma El'aalee fi hamma Yaahazitti, hamma Zo'aaritti, hamma Horonaayimitti, hamma Eglaat Shelshiiyaattis in dhaga'ama, bishaanonni Niimriimis in gogu.

³⁵Ani si'achi Mo'aab keessatti, iddoowwan sagadaa ol ka'oo irratti namni kennaa dhi'eessu, waaqayyolii tolfamoodhaafis namni ixaana aarsu akka hin argamne nan godha; ani Waaqayyo kana dubbadheera.

³⁶Sababii badhaadhummaan biyyi Mo'aabii fi namoonni Qiir-Heres walitti qabatan hundinuu badeef, garaa koo keessatti nan boo'a; akka nama ulullee gaddaa afuufuttis isaaniif nan gadda*.

³⁷Hundumti isaanii mataa isaanii haaddataniiru, areeda isaanii murmurataniiru; harka isaanii murmuranii dhiigsaniiru, uffata gaddaas uffataniiru*.

³⁸Ani akka nama qodaa suphee isa waa'ee hin baafne caccabsutti Mo'aabin waanan caccabseef, biyya Mo'aab kana keessaa bantii manaa isa diriiraa fi karaa guddaa hundumaa irratti, boo'icha duwwaatu dhaga'ama*.

³⁹Yommus isaan, ?Mo'aab attamitti caccabde?? jedhanii haa boo'an! Isheen yeellaatee gara booddeetti in deebite, warra naannoo ishee jiran hundumaa birattis nama kolfaa fi nama waa'ee isaa dhaga'uun nama sodaachisu in taate; ani Waaqayyo kana dubbadheera? jedhe.[280]

⁴⁰Ammas Waaqayyo dubbii kanatti fufee jiru in dubbate; inni, ?Kunoo! Inni akka joobiraa balali'u qoochoo isaa diriirsee ariitiidhaan Mo'aab irratti gad in bu'a*.

⁴¹Mandaroonni in qabamu, iddoon itti baqatanis in fudhatamu; yommus loltoonni warra Mo'aab sodaatanii, akka dubartii ciniinsifattuu in ta'u*;

⁴²Mo'aab ana Waaqayyo irratti waan ol of qabdeef in baddi, saba ta'uun ishees in hafa*.

⁴³Isin yaa warra Mo'aab keessa jiraattanii! Naasuun isinitti in dhufa, boolli isin keessatti kuftanii fi kiyyoon isin ittiin qabamtan isin dura kaa'amee jira;

⁴⁴bara ani Mo'aabin adabutti inni na'ee baqatu boolla keessatti in kufa, inni boolla keessaa ba'e baqatu immoo kiyyoodhaan in qabama*.[281]

⁴⁵?Warri baqatanii gara Heshboon dhufan, gaaddisa ishee jalatti iddoo baqaa argachuu in yaalan; garuu Heshboon keessaa ibiddi, Sihoon keessaas arrabni ibiddaa ba'ee adda Mo'aab ishee of jajju kanaa gubee, lafee mataa ishee waan barbadeesseef, humni isaan in bu'e*.

⁴⁶Yaa Mo'aab siif wayyoo! Namoonni warri Kemosh Waaqayyo tolfamaatti sagadan in badan; ilmaan kee fi intaloonni kee in booji'aman*;

⁴⁷ani garuu bara booddeetti warra Mo'aab keessaa booji'aman deebisee nan fida? jedhe; firdiin waa'ee Mo'aabiif dubbatame kanuma irratti dhumuu isaa ti*.[282]