Read west central oromo Macaafa Ermiyaas Raajichaa 6 Bible Online

Macaafa Ermiyaas Raajichaa 6 - west central oromo bible

Macaafa Ermiyaas Raajichaa 6

¹Waaqayyo, ?Yaa ijoollee Benyaamiin, badiisi biyya gara bitaatii sababii dhufaa jiruuf, diigamuu guddaanis waan dhi'aateef, Yerusaalemii ba'aatii baqadhaa! Teqo'aatti fiinoo afuufaatii, Bet-Hakereem keessatti milikkita lolaa ol kaasaa*!

²Mandara Xiyoon ishee miidhagdhuu fi qananiituu ani nan balleessa.

³Akkuma tiksoonni naannoo tokko buufatanii bushaayee isaanii dheechifatan, akkasuma dura-buutonni diinotaa loltoota isaanii wajjin dhufanii, naannessanii adduma addaan godoo godoo isaanii dhaabbatanii ishee irra in buufatu*.[44]

⁴?Isaan, ?Isheetti lola kaasuudhaaf qophaa'aa, ka'aa, guyyaa saafaa ishee in waraannaa! Garuu gaadidduun dheerachaa adeemuutti waan jiruuf, aduunis nutti dhi'uuf waan jedhuuf, nuuf wayyoo!

⁵Egaa kottaa halkaniin baanee rukunnee ishee in balleessinaa!? in jedhu? jedhe.

⁶Waaqayyo gooftaan maccaa dura-buutota diinota kanaatiin, ?Mandarri Yerusaalem isheen cunqursaan keessa guute kun akka adabamtutti, mukkeetii muraa isheetti naannessaatii koobii ijaarradhaa!

⁷Akkuma burqaan bishaanii bishaan qabbanaa'aa yaasu, akkasuma isheen hammina ishee of keessaa in yaafti; humnaan nama irratti ka'uunii fi nama cunqursuun, yeroo hundaa ishee keessatti in dhaga'ama; inni isaan nama reebanii madeessan, yeroo hundaa fuula koo dura jira.

⁸Yaa Yerusaalem! Ani akkan si irraa gara hin galletti, biyya kees balleessee namni akka keessa hin jiraanne akkan hin goonetti, gorsa koo dhaga'i!? in jedhe.

⁹Ammas Waaqayyo gooftaan maccaa, ?Akkuma qarmiin ija waynii funaanamu, akkasuma saba Israa'el keessaa warri hafan raawwatanii in funaanamu; akkuma nama ija waynii damee isaa irraa ciruutti, harka kee gara isaatti hiixadhu!? jedhee anatti in dubbate*.

¹⁰Yommus ani immoo deebisee, ?Eenyutti dubbadhee, eenyuunis gorsu ree? Eenyutu wanta ani jedhu dhaga'a? Kunoo! Isaan mata-jabeeyyii waan ta'aniif, dubbii kee dhaga'uu in didan. Kunoo! Isaan dubbii kee akka ga'ootti waan ilaalaniif, isa dhaga'uutti hin gammadan*.

¹¹Kanaaf yaa Waaqayyo, dheekkamsi kee ana keessa in guute; ani isa of keessatti ittisuu hin danda'u? nan jedhe; yommus Waaqayyo deebisee, ?Ijoollota karaa irra jiran irratti, wal ga'ii dargaggootaa irrattis dheekkamsa koo dhangalaasi! Abbaan manaa fi haati manaa, warri dulloomanii lafa guuran in booji'amu.

¹²Ani harka koo warra biyya kana jiraatan irratti waanan ol fudhadhuuf, manneen isaanii, maasiin isaanii fi dubartoonni isaanii saba kan biraatiif in kennamu*.[45]

¹³?Isaan isa guddaadhaa hamma isa xinnaatti, hundumti isaanii bu'aa dalgaa duukaa in bu'u. Raajonnii fi luboonni iyyuu namoota in gowwoomsu;

¹⁴cabni saba kootii akka waan salphaatti fayyu, ?Nagaa dha!? ?Nagaa dha!? in jedhu; nagaan garuu hin jiru.

¹⁵Wanta ciiggaasiisaa akkasii waan hojjetaniif, yeella'uun isaan irra ture, isaan garuu hin yeellaane, yeelloon maal akka ta'es hin beekne; kanaaf isaanis warra kufanii wajjin in kufu, ani isaan adabuu yommuun dhufu, isaan kufaatii guddaa in kufu? jedhee anatti dubbateera*.[46]

¹⁶Ammas Waaqayyo isin saba isaatti dubbatee, ?Gara karaatti as ba'aatii ilaalaa! ?Daandiin inni durii, karaan inni ba'eessi sun amma eessa jira?? jedhaatii gaafadhaa! Boqonnaa akka argattanitti karicha irra adeemaa!? jedhe; isin garuu, ?Lakkii nuyi isa irra adeemuu hin barbaannu? in jettan*.

¹⁷Waaqayyo immoo, ?Ani eegdota isiniif kenneen, ?Yommuu isaan fiinoo afuufan dhaga'aa!? isiniin jedhe; isin garuu, ?Lakkii nuyi dhaga'uu hin barbaannu? in jettan*.

¹⁸Kanaaf isin yaa saba lafa irraa dhaga'aa! Isinis warri asitti walitti qabamtan, wanta saba kootti dhufuuf jiru qalbifadhaa!

¹⁹Yaa lafaa dhaga'i! Sabni koo sagalee koo waan hin dhaga'iniif, abboommii koos waan tuffataniif, kunoo, ani isaan irratti badiisa nan fida, innis ija hojii isaanii ti*.

²⁰Ixaanni biyya Sheebaatii dhufuu fi mukti urgooftuu biyya fagoodhaa dhufu maal anaaf godha? Qalmi keessan inni gubamu ana hin gammachiisu! Aarsaan keessanis anatti hin tolu*.

²¹Kanaaf kunoo! Ani saba kana dura gufuu nan kaa'a, abbaanii fi ilmi isa gufatanii in kufu, olloonnii fi firoonni walumaa wajjin in dhumu? jedhe.[47]

²²Waaqayyo, ?Kunoo! Sabni tokko biyya gara bitaatii in dhufa, sabni guddaan tokkos biyya fagootii in ka'a*.

²³Yaa mandara Xiyoon! Isaan gara-jabootaa fi warra oo'a hin qabnee dha, iddaadhaa fi eeboo ol fudhataniiru, sagaleen isaanii akka galaana huursuu ti; isaan si loluudhaaf qophaa'anii fardeen yaabbatanii in dhufu? jedhe*.[48]

²⁴Warri Yerusaalem keessa jiraatan immoo, ?Nuyi waa'ee kanaa yommuu dhageenye harka keenya in dachaafanne, naasuunis nu qabate, akka dubartii ciniinsifattuus in taane*.

²⁵Diinonni keenya billaa hidhatanii karaa hundumaa waan nu sodaachisaniif, nuyi alatti gad ba'uu yookiis karaa irra adeemuu hin dandeenye? jedhan*.

²⁶Yaa saba ko, diinni nu balleessuudhaaf dingata waan dhufuuf, uffata gaddaa uffadhuutii daaraa keessa gangaladhu! Akka nama ilma tokkichaaf wawwaatee gadde boo'uuttis boo'i*![49]

²⁷Waaqayyo, ?Akka nama sibiila qoruutti ati saba koo qortee akka ilaaltuuf, jireenya isaaniis qortee akka hubattu si godheera.

²⁸Isaan hundumti isaanii akka sibiila borrajjii fi akka sibiila gurraachaa mata-jabeeyyii dha, didduu dhas*.

²⁹Dilalii baqsuudhaaf buufaan hamma fedhe yoo itti buufame iyyuu, dilalichumatu boolla buufaa keessaa ba'a malee, udaan sibiilaa keessaa hin ba'u; akkasuma immoo warri jal'oonni saba kana keessaa hin baafamin waan jiraniif, isaan qulleessuudhaaf itti dadhabuun akkasumaan*.

³⁰Ani Waaqayyo waanan isaan tuffadheef, isaan ?Meetii gatame? in jedhamu? jedhe*.[50]